Ranbir- Alia wedding | ആലിയക്ക് രൺബീർ താലിചാർത്തിയത് വീടിന്റെ ബാൽക്കണിയിൽ!

വ്യാഴാഴ്ച മുംബൈയിൽ വെച്ചായിരുന്നു ആലിയ ഭട്ടിന്റെയും (Alia Bhatt) രൺബീർ കപൂറിന്റെയും (Ranbir Kapoor) വിവാഹം. #RanAlia വിവാഹത്തിന്റെ ചിത്രങ്ങൾ സോഷ്യൽ മീഡിയയിൽ നിറഞ്ഞപ്പോൾ, മുംബൈക്കാരുടെ ശ്രദ്ധ പിടിച്ചുപറ്റിയ മറ്റൊരു കാര്യമുണ്ട്. രൺബീറുമായി താൻ വിവാഹം കഴിച്ചത് 'ഞങ്ങളുടെ ഇഷ്ടസ്ഥലത്ത് വെച്ചാണെന്ന്' ആലിയ പറഞ്ഞതാണ് അവർ ഏറ്റുപിടിച്ചത്

ഇൻസ്റ്റഗ്രാമിൽ തന്റെ ജീവിതത്തിലെ വലിയ ദിനത്തിലെ ഫോട്ടോകൾ പങ്കിടുമ്പോൾ, തങ്ങൾ ബാൽക്കണിയിൽ വച്ചാണ് വിവാഹിതരായതെന്ന് ആലിയ പറഞ്ഞിരുന്നു. മുംബൈയിലെ നടന്റെ 'വാസ്തു' ബിൽഡിംഗിൽ നടന്ന സ്വകാര്യ വിവാഹ ചടങ്ങിലാണ് രൺബീർ ആലിയയെ വിവാഹം കഴിച്ചത്. വിവാഹത്തിന് തൊട്ടുപിന്നാലെ, ആലിയയും രൺബീറും പാപ്പരാസികൾക്ക് പോസ് ചെയ്യാൻ വീട്ടിൽ നിന്ന് ഇറങ്ങി (തുടർന്ന് വായിക്കുക)

കല്യാണം കവർ ചെയ്യാൻ രൺബീർ കപൂറിന്റെ വീടിന് പുറത്ത് നിലയുറപ്പിച്ച പാപ്പരാസികളോട് പ്രതികരിക്കുമ്പോൾ, ദമ്പതികൾക്ക് സ്വീകരണം ഉണ്ടാകില്ലെന്ന് നീതു കപൂർ സൂചിപ്പിച്ചിരുന്നു. ആലിയ ഭട്ടും രൺബീറും അടുത്ത സുഹൃത്തുക്കളും കുടുംബാംഗങ്ങളും മാത്രം പങ്കെടുത്ത വിവാഹമായിരുന്നു

എന്നാൽ പലരുടെയും ചോദ്യം മുംബൈയിൽ ബോളിവുഡ് താരങ്ങളെ എല്ലാപേരെയും ഉൾപ്പെടുത്തി വിവാഹം നടത്താനും വേണ്ടി വലുപ്പമുള്ള ബാൽക്കണി എത്രപേർക്ക് ഉണ്ട് എന്നതായിരുന്നു. അഞ്ചു കൊല്ലത്തെ പ്രണയകാലത്ത് തങ്ങൾ ഏറ്റവും കൂടുതൽ സമയം ചെലവിട്ടത് ഇവിടെയായിരുന്നു എന്നും ആലിയ കുറിച്ചിരുന്നു

ആലിയ ഭട്ട് - രൺബീർ കപൂർ വിവാഹവേളയിൽ നിന്നുള്ള ചിത്രം

കരീന കപൂർ, സെയ്ഫ് അലി ഖാൻ, കരിഷ്മ കപൂർ, ആകാശ് അംബാനി, ശ്ലോക മേത്ത, റിമ ജെയിൻ, രൺധീർ കപൂർ എന്നിവരും കപൂറിന്റെയും ഭട്ടിന്റെയും കുടുംബത്തിലെ മറ്റ് അംഗങ്ങളും വിവാഹത്തിൽ പങ്കെടുത്തു

ആലിയയുടെ അടുത്ത കൂട്ടുകാരി ആകാൻഷ രഞ്ജനും വിവാഹ ആഘോഷങ്ങളുടെ ഭാഗമായിരുന്നു

രൺബീറും ആലിയയും എപ്പോഴും ബോളിവുഡിലെ ചർച്ചാ വിഷയങ്ങളിൽ ഒന്നാണ്. തങ്ങളുടെ വരാനിരിക്കുന്ന 'ബ്രഹ്മാസ്ത്ര' എന്ന ചിത്രത്തിന്റെ ഷൂട്ടിംഗിനിടെയാണ് ദമ്പതികൾ പ്രണയത്തിലായത്. വർഷങ്ങളായി തങ്ങളുടെ ബന്ധത്തെക്കുറിച്ച് അവർ തുറന്ന് പറഞ്ഞിരുന്നു

എംബ്രോയ്ഡറി ചെയ്ത ക്രീം നിറമുള്ള സാരിയിൽ ആലിയ സുന്ദരിയായി കാണപ്പെട്ടു, അതേ നിറത്തിലുള്ള ദുപ്പട്ടയും ചേർന്നതായിരുന്നു വിവാഹവസ്ത്രം. ആന്റിക് ആഭരണങ്ങൾ ആയിരുന്നു ആലിയ അണിഞ്ഞിരുന്നത്. അതിനിടെ, വരൻ രൺബീർ തന്റെ വധുവിനൊത്ത് ക്രീം നിറത്തിലുള്ള ഷെർവാണിയും സഫയും ധരിച്ചു