Alia Bhatt-Ranbir Kapoor | 'ഞങ്ങളുടെ കുഞ്ഞ്, ഉടനെ വരുന്നു'; സന്തോഷ വാര്‍ത്ത പങ്കിട്ട് ആലിയ ഭട്ട്

ബോളിവുഡ് താരങ്ങളായ ആലിയ ഭട്ടും റണ്‍ബീര്‍ കപൂറും മാതാപിതാക്കളാകുന്നു. ആലിയയാണ് ഇക്കാര്യം സമൂഹമാധ്യമങ്ങളില്‍ പങ്കുവെച്ചത്. 'ഞങ്ങളുടെ കുഞ്ഞ്, ഉടനെ വരുന്നു' എന്ന കുറിപ്പോടെയായിരന്നു ആലിയയുടെ പോസ്റ്റ്. സ്‌കാനിങ് മുറിയില്‍ ഇരുവരും ഇരിക്കുന്ന ചിത്രവും ആലിയ പങ്കുവച്ചു.

ഒട്ടേറെ താരങ്ങളും ആരാധകരുമാണ് ഇരുവര്‍ക്കും ആശംസകള്‍ നേര്‍ന്ന് രംഗത്തെത്തിയത്. ഏപ്രില്‍ 14 നാണ് ആലിയയും റണ്‍ബീറും വിവാഹിതരാകുന്നത്. അഞ്ച് വര്‍ഷങ്ങള്‍ നീണ്ട പ്രണയമാണ് വിവാഹത്തിലെത്തിയത്.

രണ്‍ബീറിന്റെയും ആലിയയുടെയും വിവാഹം മുംബൈയിലെ വീട്ടില്‍ വച്ചായിരുന്നു. കുടുംബാംഗങ്ങളെയും ഏതാനും അടുത്ത സുഹൃത്തുക്കളെയും മാത്രമാണ് ക്ഷണിച്ചത്

രണ്‍ബീര്‍ കപൂറിനൊപ്പം ബ്രഹ്‌മാസ്ത്ര, രണ്‍വീര്‍ സിങ്ങിനൊപ്പം 'റോക്കി ഓര്‍ റാണി കി പ്രേം കഹാനി', ഹോം പ്രൊഡക്ഷന്‍ ഡാര്‍ലിംഗ്‌സ് എന്നീ ചിത്രങ്ങളിലാണ് ആലിയ അഭിനയിക്കുന്നത്. ഗാല്‍ ഗാഡോട്ടിനൊപ്പം ആദ്യ ഹോളിവുഡ് പ്രോജക്റ്റ് ഹാര്‍ട്ട് ഓഫ് സ്റ്റോണ്‍ കൂടിയുണ്ട്

കുഞ്ഞിന്റെ ജനനത്തോട് അനുബന്ധിച്ച് സിനിമയില്‍ നിന്ന് ആലിയ ഒരു ചെറിയ ഇടവേളയെടുക്കുമെന്നും അതിന് ശേഷം സിനിമയില്‍ സജീവമാകുമെന്നും കുടുംബത്തോടടുത്ത വൃത്തങ്ങള്‍ പറയുന്നു.

ആലിയ ഭട്ടും രൺബീർ കപൂറും വിവാഹ ചടങ്ങിൽ. (Image: Instagram)

ആലിയ ഭട്ടും രൺബീർ കപൂറും വിവാഹ ചടങ്ങുകൾക്കിടെ