Alia Bhatt | രൺബീർ അന്ന് കാടിനുള്ളിൽ ചെയ്തത്; മറക്കാനാവാത്ത നിമിഷത്തെക്കുറിച്ച് ആലിയ ഭട്ട്

ഒട്ടേറെ പ്രേക്ഷകരുള്ള കോഫി വിത്ത് കരൺ 7 ന്റെ ആദ്യ എപ്പിസോഡിലെ അതിഥികൾ ആലിയ ഭട്ടും (Alia Bhatt) രൺവീർ സിംഗുമാണ് (Ranveer Singh). റോക്കി ഔർ റാണി കി പ്രേം കഹാനിയിലെ താരങ്ങൾ അവരുടെ സ്വകാര്യ ജീവിതത്തെക്കുറിച്ച് സംസാരിക്കുന്ന രസകരമായ ഒരു എപ്പിസോഡായിരുന്നു അത്. ഏതാനും ദിവസങ്ങൾക്കു മുൻപാണ് ആലിയ താനും ഭർത്താവും കടിഞ്ഞൂൽ കൺമണിയെ കാത്തിരിക്കുന്ന വിവരം പോസ്റ്റ് ചെയ്തത്

പരിപാടിക്കിടെ ആലിയ വിവാഹത്തിനും മുൻപുള്ള തന്റെയും രൺബീറിന്റെയും രസകരമായതും ഓർമ്മയിൽ തങ്ങിനിൽക്കുന്നതുമായ ഒരു നിമിഷത്തെക്കുറിച്ച് പങ്കുവച്ചു. കരൺ ജോഹറിന്റെ മാനസപുത്രിയാണ് ആലിയ. ആ സംഭവം നടക്കുമ്പോൾ അന്ന് ആലിയയും രൺബീറും ഒരു കാടിനുള്ളിലായിരുന്നു (തുടർന്ന് വായിക്കുക)

സംഭാഷണത്തിനിടെ രൺബീർ കപൂർ തന്നോട് വിവാഹാഭ്യർത്ഥന നടത്തിയ നിമിഷവും ആലിയ ഭട്ട് പങ്കുവച്ചു. രൺബീർ അത് ഏറ്റവും റൊമാന്റിക് രീതിയിൽ ആസൂത്രണം ചെയ്തതെങ്ങനെയെന്ന് അവർ വെളിപ്പെടുത്തി, അത് തന്നെ അമ്പരപ്പിച്ചുകളഞ്ഞു എന്ന് ആലിയ ഓർത്തെടുത്തു

'ഞാനത് പ്രതീക്ഷിച്ചിരുന്നില്ല. ഞങ്ങൾ അതിനെ കുറിച്ച് സംസാരിക്കുക പോലും ചെയ്തില്ല. പക്ഷേ പിന്നീട് പാൻഡമിക്കും കാലതാമസവും ഉണ്ടായതിനാൽ അതിനെക്കുറിച്ച് സംസാരിക്കേണ്ടതില്ലെന്ന് ഞങ്ങൾ തീരുമാനിച്ചു. അതാണ് അദ്ദേഹം ചെയ്തത്. അക്കാര്യം അദ്ദേഹം ആരോടും പറഞ്ഞില്ല...

അദ്ദേഹത്തിന്റെ പക്കൽ ഒരു മോതിരം ഉണ്ടായിരുന്നു. ഏറ്റവും അതിശയകരമായ സ്ഥലത്താണ് അദ്ദേഹം അത് ചെയ്തത്. ഞങ്ങൾ രണ്ടുപേർക്കും ശക്തമായ വൈകാരിക ബന്ധമുള്ള മസായ് മാര (ദേശീയ ഉദ്യാനം) എന്ന സ്ഥലത്താണ് അദ്ദേഹം അത് ചെയ്തത്. ഞങ്ങൾ കാടിന്റെ നടുവിലായിരുന്നു അത്,' ആലിയ പങ്കുവെച്ചു

ആ മനോഹര നിമിഷത്തിന്റെ ചിത്രങ്ങൾ എടുക്കാൻ രൺബീർ അവരുടെ ട്രാവൽ ഗൈഡിനോട് ആവശ്യപ്പെട്ടതെങ്ങനെയെന്നും നടി വെളിപ്പെടുത്തി. അത് തന്നെ കൂടുതൽ വിസ്മയിപ്പിച്ചു എന്ന് ആലിയ. 'അദ്ദേഹം ആ നിമിഷം ക്യാമറയിൽ പകർത്താൻ ഞങ്ങളുടെ ഗൈഡിനെ ഏർപ്പെടുത്തിയിരുന്നു എന്ന കാര്യം എന്നെ അത്ഭുതപ്പെടുത്തി

അപ്പോഴും ആലിയ ഞെട്ടലിൽ നിന്ന് മുക്തയായിരുന്നില്ല. 'ആ ചിത്രങ്ങൾ എനിക്ക് എത്രത്തോളം അമൂല്യമായിരുന്നു എന്ന് അദ്ദേഹത്തിനറിയാം' ആലിയ പറഞ്ഞു