Premam | അപ്പോൾ സെലിൻ മേരിയുടെ പെങ്ങളല്ലേ? ആറ് വർഷങ്ങളായുള്ള 'പ്രേമം' സിനിമയിലെ രഹസ്യം വെളിപ്പെടുത്തി സംവിധായകൻ

സ്കൂളിൽ പഠിക്കുന്ന നാളുകളിൽ മേരിയെ പ്രേമിച്ചു, ശേഷം മലർ മിസ്സിനെ. ഒടുവിൽ ജോർജ് വിവാഹം ചെയ്തത് മേരിയുടെ അനുജത്തി സെലിനെ. 'പ്രേമം' സിനിമയുടെ ആറാം വർഷത്തിലും, അന്ന് മുതൽ ഇന്ന് വരെ പ്രേക്ഷകർ വിശ്വസിച്ചു പോന്നത് ഇങ്ങനെയാണ്. പക്ഷെ സത്യം ഇതല്ല

ജോർജിന്റെയും സെലിനിന്റെയും വിവാഹത്തിന് മേരി എവിടെപ്പോയി എന്ന സംശയം അന്ന് മുതൽ തന്നെ പലരും ഉന്നയിച്ചിരുന്നു. അതിനാണ് സംവിധായകൻ അൽഫോൻസ് പുത്രൻ നേരിട്ട് മറുപടി നൽകിയിരിക്കുന്നത്. മാത്രവുമല്ല, മലർ മിസ് ജോർജിന്റെ വിവാഹ സൽക്കാരത്തിന് പങ്കെടുത്തതിനും അൽഫോൺസ് വിശദീകരണം നൽകുന്നു (തുടർന്ന് വായിക്കുക)

സെലിൻ മേരിയുടെ പെങ്ങളല്ല. 'ചേച്ചി' എന്ന മലയാളം പദത്തിന് ഇംഗ്ലീഷ് ലഭിക്കാത്തതിനാൽ സബ്‌ടൈറ്റിൽ ചെയ്തപ്പോൾ മേരി സിസ്റ്റർ എന്ന് സംഭവിച്ചു പോയതാണ്. 'മേരിയുടെ പെങ്ങൾ ആണെങ്കിൽ ഞാൻ മേരിയുടെ വീട്ടിൽ സെലിൻ ഇരിക്കുന്നത് ചിത്രീകരിക്കുമായിരുന്നില്ലേ' എന്നാണ് അൽഫോൻസ് പുത്രൻ ചോദിക്കുന്നത്

അതുപോലെ അപകടം സംഭവിച്ച് ഓർമ്മ നഷ്‌ടപ്പെട്ട മലർ മിസ് ജോർജിനെയും തിരിച്ചറിയാൻ കഴിയാത്ത സാഹചര്യത്തിലായിരുന്നല്ലോ. പിന്നെ മേരി അറിവഴകനെയും കൊണ്ട് ജോർജിന്റെ വിവാഹത്തിന് എത്തിയത് എന്തിനെന്നുള്ള കാര്യവും അൽഫോൻസ് വിശദീകരിക്കുന്നു

ഓർമ്മ പോയി എന്നത് വാസ്തവമാണ്. ഓർമ്മ തിരികെ ലഭിച്ചപ്പോൾ മലർ മിസ് അറിവഴഗനോട് സംസാരിച്ചിരിക്കും. എന്നാൽ അവിടെ എത്തിയപ്പോൾ ജോർജ് സെലിനുമായി സന്തോഷത്തിലാണ് എന്ന് മനസ്സിലാക്കി. ഓർമ്മ തിരികെ ലഭിച്ചു എന്ന് ജോർജിനും മനസ്സിലാവുന്നു. ഇത് ഡയലോഗിൽ പറഞ്ഞില്ലെങ്കിലും പ്രവർത്തിയിലും സംഗീതത്തിലും ഊന്നൽ നൽകി വെളിവാക്കുന്നുണ്ട്. പശ്ചാത്തല സംഗീതം ഈ വേളയിൽ വയലിനിലേക്ക് വഴിമാറുന്നു

അൽഫോൺസ് പുത്രൻ നൽകിയ മറുപടി