Anagha | ഇനി വിശ്വാസത്തിന്റെ പാതയിൽ; സീരിയൽ നടി അനഘ അഭിനയരംഗം വിട്ടു

ടെലിവിഷൻ രംഗം ഉപേക്ഷിക്കുന്നതിനെക്കുറിച്ച് മുമ്പ് ആഗ്രഹം പ്രകടിപ്പിച്ച 'അനുപമ' എന്ന സീരിയലിലൂടെ ശ്രദ്ധേയയായ നടി അനഘ ഭോസ്ലെ (Anagha Bhosale) ഒടുവിൽ തന്റെ തീരുമാനം ഔദ്യോഗികമായി പ്രഖ്യാപിച്ചു. താൻ 'ഔദ്യോഗികമായി സിനിമ-ടെലിവിഷൻ രംഗം ഉപേക്ഷിക്കുകയാണെന്ന്' സൂചിപ്പിച്ചു കൊണ്ട് അനഘ സോഷ്യൽ മീഡിയയിൽ ഒരു കുറിപ്പ് എഴുതി. 'മത വിശ്വാസങ്ങൾക്കും ആത്മീയ പാതയ്ക്കും' വേണ്ടിയാണ് താൻ ഈ തീരുമാനം എടുക്കുന്നതെന്ന് അനഘയുടെ പോസ്റ്റ് സൂചിപ്പിക്കുന്നു

മനുഷ്യ ജന്മം ദൈവത്തെ സേവിക്കാനും സ്നേഹിക്കാനും കൃഷ്ണാവബോധം പ്രചരിപ്പിക്കാനുമുള്ളതാണെന്ന് ആളുകൾ മനസ്സിലാക്കണമെന്ന് അനഘ തന്റെ കുറിപ്പിൽ സൂചിപ്പിച്ചു. ആളുകൾ ദൈവവുമായോ, കൃഷ്ണനുമായോ അകലം വർദ്ധിപ്പിക്കുന്ന സാഹചര്യങ്ങളിൽ നിന്നും മാറിനിൽക്കണമെന്ന് അവർ അഭിപ്രായപ്പെട്ടു (തുടർന്ന് വായിക്കുക)

"ഹരേ കൃഷ്ണ, നിങ്ങൾ എല്ലാവരും ദയയുള്ളവരാണെന്നും എന്നെക്കുറിച്ച് ആശങ്ക പ്രകടിപ്പിച്ചിട്ടുണ്ടെന്നും എനിക്കറിയാം. അതിന് ഞാൻ നന്ദിയുള്ളവളാണ്," അവൾ തന്റെ കുറിപ്പ് ആരംഭിച്ച് സിനിമ-ടെലിവിഷൻ രംഗങ്ങളിൽ നിന്ന് മാറുകയാണ് എന്ന് സ്ഥിരീകരിക്കുന്നു

ഷോബിസ് തന്റെ ബോധതലങ്ങളിൽ കൃത്രിമം കാണിക്കുന്നുവെന്ന് പ്രസ്താവിച്ചുകൊണ്ട് അനഘ എഴുതി, “ഞാൻ ഉണ്ടായിരുന്ന ഫീൽഡ് വ്യത്യസ്തമാണ്. അത് എന്റെ ബോധതലങ്ങളെ തകർക്കുന്നു. നിങ്ങളെ നിങ്ങൾ അല്ലാത്തതായി മാറ്റുകയും, നിങ്ങൾ വിശ്വസിക്കുന്നതിൽ നിന്ന് നിങ്ങളെ അകറ്റുകയും ചെയ്യുന്നു.” അവർ നന്ദി പറഞ്ഞു. ആരാധകർ, സുഹൃത്തുക്കൾ, കുടുംബാംഗങ്ങൾ എന്നിവർക്ക് തനിക്കു നൽകിയ സ്നേഹത്തിനും ബഹുമാനത്തിനും വേണ്ടി അവർ നന്ദി പറഞ്ഞു. "നിങ്ങൾക്ക് എന്തെങ്കിലും ഉത്തരങ്ങൾ വേണമെങ്കിൽ ആത്മീയ 'വിശുദ്ധ ഗ്രന്ഥം' വായിക്കുക, ശ്രീമദ് ഭഗവദ് ഗീത വായിക്കുക," അവർ എഴുതി

തന്റെ കുറിപ്പ് അവസാനിപ്പിച്ചുകൊണ്ട്, ഇനിയുള്ള ജീവിതയാത്ര ചിത്രങ്ങളിലൂടെയും വീഡിയോകളിലൂടെയും ആരാധകരെ അറിയിക്കുമെന്നും എല്ലാ മതങ്ങളെയും എല്ലാ വ്യക്തികളുടെയും വിശ്വാസങ്ങളെയും താൻ ബഹുമാനിക്കുന്നതായും പരാമർശിച്ചു

'അനുപമയിൽ' നന്ദിനി എന്ന കഥാപാത്രത്തെ അവതരിപ്പിച്ച അനഘ അടുത്തിടെ സൂപ്പർഹിറ്റ് ആയ സീരിയലിൽ നിന്ന് പിന്മാറിയിരുന്നു. സഹതാരങ്ങൾ അനഘയുടെ പോസ്റ്റിന്റെ കമന്റ് വിഭാഗത്തിൽ സ്നേഹവും പിന്തുണയും അർപ്പിച്ചു