Priyanka Chopra | എനിക്കൊപ്പം ആ രംഗം ചെയ്യാൻ പ്രിയങ്ക വിസമ്മതിച്ചു; വെളിപ്പെടുത്തലുമായി നടൻ അന്നു കപൂർ

കാലാ പത്തർ (1979) എന്ന ചിത്രത്തിലെ പേരില്ലാത്ത വേഷത്തിലൂടെയാണ് അന്നു കപൂർ (Annu Kapoor) ഹിന്ദി ചലച്ചിത്രമേഖലയിൽ അരങ്ങേറ്റം കുറിച്ചത്. ഐത്രാസ്, ജോളി എൽഎൽബി 2, വിക്കി ഡോണർ തുടങ്ങി നിരവധി ചിത്രങ്ങളിൽ അദ്ദേഹം അവിസ്മരണീയമായ നിരവധി വേഷങ്ങൾ ചെയ്തു. നെഗറ്റീവ് ആയാലും പോസിറ്റീവായാലും കഥാപാത്രത്തിന്റെ ആഴങ്ങളിൽ പ്രവേശിക്കാനുള്ള കഴിവിന് താരം നിരവധി അംഗീകാരങ്ങൾ നേടിയിട്ടുണ്ട്

2011ൽ ബോളിവുഡ് താരം പ്രിയങ്ക ചോപ്രയെ കുറിച്ച് പ്രതികരിച്ചപ്പോൾ ഈ നടൻ വാർത്തയുടെ ഭാഗമായിരുന്നു. ആ അഭിപ്രായം അന്നും പ്രിയങ്കയും ഇദ്ദേഹവും തമ്മിലുള്ള ചൂടേറിയ വാഗ്വാദത്തിന് കാരണമായി. അന്നുവും പ്രിയങ്കയും ഐത്രാസിൽ ഒന്നിച്ച് അഭിനയിച്ചിട്ടുണ്ട്. സാത് ഖൂൻ മാഫ് എന്ന സിനിമയിൽ വീണ്ടും അഭിനയിക്കാൻ ഇരുവർക്കും അവസരം ലഭിച്ചു (തുടർന്ന് വായിക്കുക)

റസ്കിൻ ബോണ്ടിന്റെ 'സൂസന്നാസ് സെവൻ ഹസ്ബൻഡ്സ്' എന്ന പുസ്തകത്തെ അടിസ്ഥാനമാക്കിയാണ് സാത് ഖൂൻ മാഫ് നിർമ്മിച്ചത്. ചിത്രത്തിൽ ഇർഫാൻ ഖാൻ, നീൽ നിതിൻ മുകേഷ് തുടങ്ങിയവർ ആ ഭർത്താക്കന്മാരുടെ വേഷം ചെയ്തു. ഭർത്താക്കന്മാരിൽ ഒരാളായും അന്നു അഭിനയിച്ചിരുന്നു

സിനിമയുടെ പ്രമോഷൻ പരിപാടികൾക്കിടെയാണ് വാക് പോര് തുടങ്ങിയതെന്നാണ് മാധ്യമങ്ങൾ റിപ്പോർട്ട് ചെയ്യുന്നത്. സിനിമയിൽ തന്നോടൊപ്പം ഒരു ഇന്റിമേറ്റ് സീൻ ചെയ്യാൻ പ്രിയങ്ക വിസമ്മതിച്ചതായി അന്നു പറഞ്ഞു. കാണാൻ ഭംഗിയില്ലാത്തതാണ് ഇതിന് കാരണമെന്നും താരം കൂട്ടിച്ചേർത്തു

താനൊരു നായകനായിരുന്നെങ്കിൽ പ്രിയങ്ക തനിക്കൊപ്പം ഇന്റിമേറ്റ് സീനുകൾ ചെയ്യുമായിരുന്നുവെന്നും അന്നു പറഞ്ഞു. നായകന്മാരുമായി അടുപ്പമുള്ള രംഗങ്ങൾ ചെയ്യാൻ പ്രിയങ്കയ്ക്ക് പ്രശ്‌നമില്ലെന്ന് താരം പറഞ്ഞു. ഇതിനുള്ള മറുപടി പ്രിയങ്ക നൽകുകയും ചെയ്തു

ആർക്കെങ്കിലും അടുപ്പമുള്ള രംഗങ്ങൾ ചെയ്യാനും അത്തരം മോശം കമന്റുകൾ നൽകാനും ആഗ്രഹമുണ്ടെങ്കിൽ, അവർ അത്തരം സിനിമകളിൽ മാത്രമേ അഭിനയിക്കാവൂ എന്നായിരുന്നു നടന്റെ അഭിപ്രായത്തോട് പ്രിയങ്ക പ്രതികരിച്ചത്. പ്രിയങ്കയ്‌ക്കെതിരെ ഒരക്ഷരം മിണ്ടിയില്ല എന്ന് പറഞ്ഞ് അന്നു ഈ വാക്പോരിന് വിരാമമിട്ടു

പ്രിയങ്കയുടെയോ മെറിൽ സ്‌റ്റീപ്പിന്റെയോ ഭർത്താവായി അഭിനയിക്കുകയാണോ എന്നതിനെ അടിസ്ഥാനമാക്കിയല്ല, കഴിവ് നോക്കിയാണ് ആളുകൾ തന്നെ വിലയിരുത്തുകയെന്നും അന്നു പറഞ്ഞു. പ്രിയങ്ക ഇക്കാര്യങ്ങൾ ഗൗരവമായി കാണേണ്ടതില്ലെന്നും അന്നു പറഞ്ഞിരുന്നു