Anoop Menon | ഹാക്ക് ആയ പേജ് തിരികെക്കിട്ടി, പക്ഷെ നഷ്‌ടങ്ങളേറെ; ഹാക്കിങ് നൽകിയ ദുരനുഭവം വിവരിച്ച് അനൂപ് മേനോൻ

കുറച്ചു ദിവസങ്ങൾക്കു മുൻപ് നടൻ അനൂപ് മേനോന്റെ ഫേസ്ബുക് അക്കൗണ്ട് ഹാക്ക് ചെയ്യപ്പെട്ടിരുന്നു. അനൂപ് മേനോന്റെ പ്രൊഫൈൽ ചിത്രം ഒരു യോദ്ധാവിന്റെതായി മാറ്റിയിരുന്നു. ഫിലിപൈൻസിൽ നിന്നുമായിരുന്നു ആക്രമണം എന്നാണ് സൂചന ലഭിച്ചിരുന്നത്. പേജ് തിരികെ കിട്ടിയിട്ടുണ്ടിപ്പോൾ. പക്ഷെ ഉണ്ടായ ദുരനുഭവം തുറന്നു പറഞ്ഞിരിക്കുകയാണ് അദ്ദേഹം

ആദ്യമേ തന്നെ എ.ഡി.ജി.പി. മനോജ് എബ്രഹാം, ഒഡീഷ ഐ.ജി. ഷെഫീൻ അഹമ്മദ്, ഫേസ്ബുക് അധികാരികൾ, സൈബർഡോം വിദഗ്ധരായ സുധീഷ്, ആനന്ദ് എന്നിവർക്ക് അനൂപ് മേനോൻ നന്ദി അറിയിക്കുകയാണ്. പക്ഷെ തന്റെ പേജിനു ഹാക്കർമാർ ഉണ്ടാക്കിയ നഷ്‌ടം വളരെ വലുതാണ് (തുടന്ന് വായിക്കുക)

ആറ് മാസങ്ങൾ മുൻപ് വരെയുള്ള പോസ്റ്റുകൾ ഡിലീറ്റ് ചെയ്തിട്ടുണ്ട്. കൂടാതെ തന്റെ നാല് ലക്ഷം ഫോളോവർമാരെയും നഷ്‌ടമായി. നഷ്‌ടങ്ങളുടെ പട്ടികയിൽ ഇനിയുമുണ്ട്

തനിക്ക് 15 ലക്ഷം സുഹൃത്തുക്കളെ നൽകിയ പേജ് ആണിത്. അത് കേവലം 11 ലക്ഷമായി ചുരുങ്ങി. ഇപ്പോൾ സൈബർഡോമിന്റെയും ഫേസ്ബുക് വിദഗ്ധരുടെയും അഭിപ്രായം കണക്കിലെടുത്ത് പേജിന്റെ സുരക്ഷ വർധിപ്പിക്കാൻ ഒരുങ്ങികയാണ് അനൂപ് മേനോൻ

എല്ലാവരും ഫോണിൽ ടു-ഫാക്ടർ ഓതന്റിക്കേഷൻ ചെയ്യണം എന്ന് അനൂപ് മേനോൻ നിർദ്ദേശിക്കുന്നു. ഹാക്കർമാർ പോസ്റ്റ് ചെയ്ത പോസ്റ്റുകൾ സഹിച്ചവരോട് നന്ദി അറിയിച്ചുകൊണ്ടാണ് അദ്ദേഹം പോസ്റ്റ് അവസാനിപ്പിച്ചത്

അനൂപ് മേനോന്റെ ഇൻസ്റ്റഗ്രാം പോസ്റ്റ്