Anupama Parameswaran | കഴുത്തിൽ കറുത്ത ചരട്, അമ്മയുടെ കമ്മൽ, സ്കൂളിൽ പഠിക്കുമ്പോൾ വാങ്ങിയ മൂക്കുത്തി... അനുപമ പരമേശ്വരൻ പറയുന്നു

ഇനിയെത്ര സിനിമകളിൽ വേഷമിട്ടാലും അനുപമ പരമേശ്വരൻ (Anupama Parameswaran) എന്നാൽ മലയാളി പ്രേക്ഷകർക്ക് പ്രേമത്തിലെ മേരി തന്നെയാണ്. മലയാളം നൽകിയ സിനിമാ മേൽവിലാസത്തിൽ പക്ഷെ അനുപമയിലെ അഭിനേത്രിയെ കണ്ടെത്താൻ അവസരം ലഭിച്ചത് അന്യ ഭാഷാ സിനിമകൾക്കാണ്. തെലുങ്ക്, തമിഴ്, കന്നഡ സിനിമകളിൽ അനുപമ സജീവമായി മാറി. മലയാളത്തിൽ എപ്പോഴോ വന്നു പോയി

തന്റെ സിനിമാ വിശേഷങ്ങളും മറ്റുമായി അനുപമ എപ്പോഴും ഇൻസ്റ്റഗ്രാം പേജിൽ സജീവമാണ്. സിനിമ മാത്രമല്ല, ഫോട്ടോഷൂട്ട് ചിത്രങ്ങളും മറ്റും ഇവിടെ കാണാൻ കഴിയും. അനുപമയുടെ ഏറ്റവും പുതിയ പോസ്റ്റ് അത്തരത്തിൽ ശ്രദ്ധ നേടുന്ന ഒന്നാണ് (തുടർന്ന് വായിക്കുക)

18 പേജസ് ആണ് അനുപമയുടെ ഏറ്റവും പുതിയ തെലുങ്ക് ചിത്രം. ഇതിൽ നന്ദിനി എന്ന കഥാപാത്രത്തെ അനുപമ അവതരിപ്പിക്കുന്നു. നിഖിൽ സിദ്ധാർഥ് ആണ് നായകൻ. സുകുമാർ രചന നിർവഹിക്കുന്ന സിനിമ എന്ന പ്രത്യേകതയുമുണ്ട്

സിനിമയിലെ നന്ദിനിയായുള്ള തന്റെ യാത്രയെക്കുറിച്ച് അനുപമ പറയുന്നു. അതിനായി അധികമൊന്നും ചെയ്യേണ്ടി വന്നില്ലത്രേ. അമ്മയുടെ കടുക്കൻ കമ്മൽ എടുത്തണിഞ്ഞു, ആറോ ഏഴോ ക്‌ളാസിൽ പഠിക്കുമ്പോൾ സ്കൂൾ വാർഷികാഘോഷത്തിൽ അനിയൻ വാങ്ങിയ മൂക്കുത്തി എടുത്തു കുത്തി, കറുത്ത ചരട് കെട്ടി, തലമുടി അലസമായി ഇട്ടു...

പിന്നെ കയ്യിലൊരു ബുക്കും പേനയും. ഫോട്ടോ ഡയറക്ടർക്ക് അയച്ചു കൊടുത്തു. 'ഞങ്ങളുടെ നന്ദിനിയെ കണ്ടെത്തിയിരിക്കുന്നു' എന്നായിരുന്നു പ്രതികരണം. അത് സിനിമയിലുടനീളം നിലനിർത്തി എന്നും അനുപമ

അത്തരം ചെറിയ കാര്യങ്ങൾ നന്ദിനിയെ തന്റെ പ്രിയപ്പെട്ടതാക്കി എന്ന് അനുപമ. സിനിമ ഒ.ടി.ടി. റിലീസ് കഴിഞ്ഞ ശേഷം ലഭിച്ച പ്രതികരണങ്ങൾക്ക് അനുപമ നന്ദിപറയുകയുമുണ്ടായി

നെറ്റ്ഫ്ലിക്സ്, ആഹാ വീഡിയോ തുടങ്ങിയ പ്ലാറ്റ്‌ഫോമുകളിലാണ് 18 പേജസ് കാണാൻ കഴിയുന്നത്. 2022 ഡിസംബർ 23നായിരുന്നു സിനിമ റിലീസ് ചെയ്തത്