പ്രിയങ്കയും നിക്കും 'ആ കാത്തിരിപ്പിലാണോ'? ചോദ്യത്തിന് മറുപടി നൽകി പ്രിയങ്ക ചോപ്ര

പ്രിയങ്ക ചോപ്ര തന്റെ ഇൻസ്റ്റാഗ്രാം, ട്വിറ്റർ ഹാൻഡിലുകളിൽ നിന്ന് ചോപ്രയെയും ജോനാസിനെയും ഒഴിവാക്കിയത് മുതൽ നിക്ക് ജോനാസും (Nick Jonas) പ്രിയങ്കയും (Priyanka Chopra) വാർത്തകളിൽ ഇടം നേടുകയാണ്. നെറ്റ്ഫ്ലിക്സിലെ ജോനാസ് ബ്രദേഴ്സ് ഫാമിലി റോസ്റ്റിന്റെ പുതിയ ഷോയ്ക്കായി ഇരുവരും വീണ്ടും വാർത്തകളിൽ നിറയുന്നു. കെനാൻ തോംസണാണ് ഷോയുടെ അവതാരകൻ. കോമഡി സ്പെഷ്യൽ പരിപാടി നവംബർ 23 ന് നെറ്റ്ഫ്ലിക്സിൽ ആരംഭിച്ചു

ഓരോ തവണയും തന്റെ മനസ്സ് തുറന്നുപറയുമെന്ന് അറിയപ്പെടുന്ന പ്രിയങ്ക, നിക്കും താനും മാത്രമാണ് ജോനാസ് കുടുംബത്തിൽ കുഞ്ഞുങ്ങളില്ലാത്ത ഒരേയൊരു ദമ്പതികളാണെന്ന് ഷോയിൽ പറഞ്ഞു. അവർ ഒരു കുഞ്ഞിനെ പ്രതീക്ഷിക്കുന്നുവോ? അതിനുള്ള മറുപടിയും പ്രിയങ്ക തന്നെ പറഞ്ഞു (തുടർന്ന് വായിക്കുക)

ആർ യു എക്സ്പെക്ടിങ് (നിങ്ങൾ പ്രതീക്ഷയിലാണോ) എന്ന ചോദ്യത്തിന് , "ഇന്ന് രാത്രി മദ്യപിച്ച് നാളെ ഉറങ്ങാൻ ഞങ്ങൾ പ്രതീക്ഷിക്കുന്നു. എന്നായിരുന്നു പ്രിയങ്ക ചോപ്രയുടെ മറുപടി

തിങ്കളാഴ്ച വൈകുന്നേരം പ്രിയങ്ക ചോപ്ര (Priyanka Chopra) തന്റെ ഔദ്യോഗിക ഇൻസ്റ്റഗ്രാം അക്കൗണ്ടിലെ പേരിൽ നിന്ന് ഭർത്താവിന്റെ പേരായ 'ജോനാസ്' ഒഴിവാക്കിയത് ആരാധക ലോകം ചർച്ച ചെയ്തിരുന്നു. നടിയും ഭർത്താവ് നിക്ക് ജോനാസും (Nick Jonas) തമ്മിൽ പ്രശ്നങ്ങൾ എന്തെങ്കിലുമുണ്ടോ എന്ന് ഊഹിക്കാൻ ഇത് ആരാധകർക്ക് ഇടയാക്കി. നേരത്തെ ഉണ്ടായിരുന്ന 'പ്രിയങ്ക ചോപ്ര ജോനാസ്' എന്ന പേര് ഇപ്പോൾ 'പ്രിയങ്ക' എന്ന് മാത്രമായി ചുരുങ്ങി

പ്രിയങ്ക ചോപ്രയും നിക്ക് ജോനാസും 2018-ൽ വിവാഹിതരായി. പ്രിയങ്ക ചോപ്ര അടുത്തിടെ 'സിറ്റാഡൽ 'എന്ന സിനിമയിൽ അഭിനയിച്ചു. അടുത്തത് മാട്രിക്സ് 4 അഥവാ ദി മാട്രിക്സ് റിസറക്ഷൻസ് ആണ്. കഴിഞ്ഞ ദിവസം പ്രിയങ്കയുടെ അമ്മ മകൾ ഭർത്താവിന്റെ പേരൊഴിവാക്കിയതിന്റെ പിന്നാലെ വിശദീകരണവുമായി രംഗത്തെത്തി. എന്നാൽ യഥാർത്ഥ കാരണം എന്ന് പറയപ്പെടുന്ന വിഷയം പുറത്തെത്തുകയും ചെയ്‌തു

നിക്കിന്റെ സഹോദരന്മാരായ കെവിനും ജോ ജോനാസും അദ്ദേഹത്തോടൊപ്പം നെറ്റ്ഫ്ലിക്സ് സ്പെഷ്യലിൽ എക്സിക്യൂട്ടീവ് പ്രൊഡ്യൂസർമാരായി ഉണ്ട്. സ്പെഷ്യലിൽ, പ്രത്യേക അതിഥികളുടെയും അവരുടെ പ്രിയപ്പെട്ടവരുടെയും പരിപാടികൾക്കിടയിൽ ജോനാസ് സഹോദരന്മാർ പരസ്പരം ട്രോളുകായും ചെയ്യും. പ്രിയങ്ക ചോപ്ര, ജോയുടെ ഭാര്യ സോഫി ടർണർ, കെവിന്റെ ഭാര്യ ഡാനിയേൽ ജോനാസ് എന്നിവരും കോമഡി സ്പെഷ്യലിൽ പ്രത്യക്ഷപ്പെടാൻ ഒരുങ്ങുന്നുണ്ട്

നേരത്തെ, സോഷ്യൽ മീഡിയ സ്റ്റോറി പോസ്റ്റ് ചെയ്ത് പ്രിയങ്ക ജോനാസ് ബ്രദേഴ്സ് ഫാമിലി റോസ്റ്റിനെ പ്രമോട്ട് ചെയ്തിരുന്നു

നേരത്തെ പ്രിയങ്കയുടെ അമ്മ മധു ചോപ്ര അഭ്യൂഹങ്ങൾ തള്ളിക്കളഞ്ഞിരുന്നു. “ഇതെല്ലാം അനാവശ്യമാണ്, കിംവദന്തികൾ പ്രചരിപ്പിക്കരുത്,” മധു ചോപ്ര ന്യൂസ്18 നോട് പറഞ്ഞു

അതേസമയം, വേർപിരിയൽ അഭ്യൂഹങ്ങൾക്കിടയിൽ ഭർത്താവ് നിക്ക് ജോനാസിന്റെ ഇൻസ്റ്റാഗ്രാം വീഡിയോയിൽ പ്രിയങ്ക ചോപ്ര ഒരു റൊമാന്റിക് കമന്റ് ഇട്ടിരുന്നു. നിക്ക് ജിമ്മിൽ വർക്ക്ഔട്ട് ചെയ്യുന്നതാണ് പോസ്റ്റ്