Shalini Pandey| സിനിമയിൽ അഭിനയിക്കാൻ വീട് വിട്ടിറങ്ങി; അഭിനയമോഹത്തെ കുറിച്ച് അർജുൻ റെഡ്ഡി നായിക ശാലിനി പാണ്ഡേ

വിജയ് ദേവരകൊണ്ട (Arjun Reddy)നായകനായ തെലുങ്ക് ചിത്രം അർജുൻ റെഡ്ഡിയിലൂടെ (Arjun Reddy)നിരവധി ആരാധകരെ സ്വന്തമാക്കിയ നടിയാണ് ശാലിനി പാണ്ഡേ(Shalini Pandey). ചിത്രത്തിൽ ശാലിനി പാണ്ഡേയാണ് നായികയായി എത്തിയത്. ശാലിനിയുടെ ആദ്യ തെലുങ്ക് ചിത്രം കൂടിയായിരുന്നു അർജുൻ റെഡ്ഡി. (Image: Instagram)

കോളേജ് വിദ്യാഭ്യാസ കാലത്തു തന്നെ അഭിനയമോഹമായിരുന്നു ശാലിനിയുടെ മനസ്സു നിറയെ. വീട്ടുകാരുടെ ശക്തമായ എതിർപ്പിനെ തുടർന്നും സിനിമയിൽ അഭിനയിക്കാൻ കാണിച്ച സാഹസികതയെ കുറിച്ച് ശാലിനി മുമ്പ് പല അഭിമുഖങ്ങളിലും പറഞ്ഞിട്ടുണ്ട്. (image: Instagram)

തെന്നിന്ത്യയിൽ നിന്ന് ബോളിവുഡിലേക്ക് ചുവടുവെച്ചിരിക്കുകയാണ് ശാലിനി ഇപ്പോൾ. സാക്ഷാൽ റൺവീർ സിംഗ് നായകനാകുന്ന ജയേഷ്ഭായ് ജോർദാർ എന്ന ചിത്രത്തിൽ ശാലിനിയാണ് നായികയായി എത്തുന്നത്. ശാലിനിയുടെ ആദ്യ ബോളിവുഡ് ചിത്രമാണിത്. (image: Instagram)

മാതാപിതാക്കളുടെ ശക്തമായ എതിർപ്പിനെ അവഗണിച്ച് സിനിമയിൽ അഭിനയിക്കാൻ വീട് വിട്ട് ഇറങ്ങിയ സംഭവം വീണ്ടും ഓർത്തെടുക്കുകയാണ് ശാലിനി പാണ്ഡേ. ജയേഷ് ഭായിയുടെ ട്രെയിലർ ലോഞ്ചിനിടെ റൺവീർ സിംഗ് ആണ് ഇക്കാര്യം മാധ്യമങ്ങൾക്ക് മുന്നിൽ അവതരിപ്പിച്ചത്.vvvvv

അഭിനയ മോഹത്തെ തുടർന്ന് വീട്ടിൽ നിന്ന് ഇറങ്ങിയ പെൺകുട്ടിയാണ് ശാലിനി. ഇപ്പോൾ അവൾ നിങ്ങളുടെയെല്ലാം മുന്നിൽ അഭിമാനത്തോടെ നിൽക്കുകയാണെന്നായിരുന്നു ശാലിനിയെ കുറിച്ച് മാധ്യമങ്ങളോട് റൺവീർ സിംഗ് പറഞ്ഞത്. തുടർന്ന് ശാലിനിയോട് ഈ സംഭവം പങ്കുവെക്കാനും റൺവീർ സിംഗ് അഭ്യർത്ഥിച്ചു. (Image: Instagram)

"അച്ഛന് ഞാൻ എഞ്ചിനീയർ ആകണമെന്നായിരുന്നു. അദ്ദേഹത്തിന്റെ ആഗ്രഹം പോലെ എഞ്ചിനീയറാകാൻ ഞാൻ ശ്രമിച്ചെങ്കിലും നടന്നില്ല. അഭിനയത്തിലായിരുന്നു എനിക്ക് താത്പര്യം. പക്ഷേ അച്ഛൻ അതിനോട് ഒട്ടും യോജിച്ചില്ല. നാല് വർഷം സിനിമയോടുള്ള എന്റെ ആഗ്രഹം അദ്ദേഹത്തെ പറഞ്ഞു മനസ്സിലാക്കാൻ ശ്രമിച്ചെങ്കിലും നടന്നില്ല.

"ഫലമില്ലെന്ന് കണ്ടതോടെ വീട്ടിൽ നിന്ന് ഇറങ്ങാൻ തീരുമാനിക്കുകയായിരുന്നു. ഇന്ന് അക്കാര്യങ്ങൾ പറയുമ്പോൾ ഒരു തമാശയാണെങ്കിലും അന്ന് കടുത്ത പ്രതിസന്ധിയിലായിരുന്നു. ഒടുവിൽ വീട്ടിൽ നിന്നും ഇറങ്ങി". ശാലിനി പറയുന്നു.

പക്ഷേ, സിനിമയോടുള്ള തന്റെ ആഗ്രഹം എത്രത്തോളമുണ്ടായിരുന്നുവെന്ന് ഇന്ന് മാതാപിതാക്കൾക്ക് അറിയാമെന്നും ശാലിനി. ഇപ്പോൾ തന്നെ കുറിച്ച് മാതാപിതാക്കൾക്ക് അഭിമാനമാണ്. യാഷ് രാജ് ചിത്രത്തിൽ അവരുടെ മകൾ അഭിനയിക്കുന്നു എന്നത് അവർക്ക് അഭിമാനമാണ്. കാരണം എല്ലാവരേയും പോലെ യാഷ് രാജ് ചിത്രങ്ങൾ കണ്ട് വളർന്നവരാണ് തന്റെ മാതാപിതാക്കളുമെന്നും ശാലിനി.

ജയേഷ്ഭായ് ജോർദാറിൽ റൺവീർ സിംഗിന്റെ ഭാര്യയുടെ വേഷത്തിലാണ് ശാലിനി എത്തുന്നത്. നടൻ ദിവ്യാങ്ക് തക്കർ സംവിധാനം ചെയ്യുന്ന ആദ്യ ചിത്രമാണ് ജയേഷ്ഭായ്. ഈ വർഷം മെയ് ന് ചിത്രം പുറത്തിറങ്ങും.