ബിഗ് ബോസ് താരം ദില്‍ഷ നായികയാകുന്നു; അരങ്ങേറ്റം അനൂപ് മേനോന്‍ ചിത്രത്തില്‍

ബിഗ് ബോസ് സീസണ്‍ ഫോര്‍ ജേതാവും നര്‍ത്തകിയുമായ ദില്‍ഷ പ്രസന്നന്‍ വെള്ളിത്തരിയിലേക്ക്. അനൂപ് മേനോന്‍ സ്റ്റോറീസ് അവതരിപ്പിക്കുന്ന 'ഓ സിന്‍ഡ്രല്ല' എന്ന ചിത്രത്തില്‍ നായികയായാണ് ദില്‍ഷയുടെ സിനിമാ എന്‍ട്രി. അജു വര്‍ഗീസും അനൂപ് മോനോനുമാണ് മറ്റ് പ്രധാന വേഷങ്ങളിലെത്തുന്നത്.

സിനിമാ അരങ്ങേറ്റത്തിന് കാരണക്കാരായ ആളുകള്‍ക്ക് ദില്‍ഷ ഇന്‍സ്റ്റഗ്രാമിലൂടെ നന്ദി അറിയിച്ചു. 'ഇതാ എന്റെ അരങ്ങേറ്റ ചിത്രം ഓ സിൻഡ്രെല്ല പ്രഖ്യാപിക്കുന്നു.. എല്ലാറ്റിനും ഞാൻ ദൈവത്തോട് നന്ദി പറയുന്നു. ഒപ്പം എന്നെ ഈ ഇൻഡസ്ട്രിയിലേക്ക് സ്വാഗതം ചെയ്തതിന് മഹാദേവൻ തമ്പി ഏട്ടന് നന്ദി. ഈ മനോഹരമായ ഓപ്പണിംഗിന് അനൂപ് ഏട്ടാ നന്ദി. വിശ്വസിച്ചതിനും എന്നെ  ഗൈഡ് ചെയ്യുന്നതിനും നന്ദി. നിങ്ങൾ ഒരു അത്ഭുത മനുഷ്യനാണ്.. എല്ലാവർക്കും നന്ദി. നിങ്ങളുടെ എല്ലാ പിന്തുണയും വേണം' 

മിനി സ്ക്രീന്‍ ഡാന്‍സ് റിയാലിറ്റി ഷോകളിലൂടെ ഡാന്‍സറായി ശ്രദ്ധനേടിയ ദില്‍ഷ ബിഗ് ബോസ് നാലാം സീസണിലെത്തിയതോടെ നിരവധി ആരാധകരെ നേടി

ബിഗ് ബോസ് മലയാളം പതിപ്പിന്‍റെ ആദ്യ വനിതാ ടൈറ്റില്‍ വിന്നറാണ് ദില്‍ഷ. ഷോയുടെ അകത്തും പുറത്തും ദിൽഷയുടെ പേരിൽ നിരവധി വിവാദങ്ങളും വാർത്തകളും ഉണ്ടായിട്ടുണ്ട്.

ഷോയ്ക്കിടയിൽ സഹമത്സരാർത്ഥി റോബിൻ ദിൽഷയോട് പ്രണയാഭ്യാർത്ഥന നടത്തിയിരുന്നു, എന്നാൽ ഷോ കഴിഞ്ഞ് പുറത്തിറങ്ങിയ ദിൽഷ റോബിനോട് നോ പറഞ്ഞതിനെ തുടർന്ന് വലിയ രീതിയിൽ സൈബർ ആക്രമണമാണ് താരത്തിന് നേരിടേണ്ടി വന്നത്.

ഇന്‍സ്റ്റഗ്രാമില്‍ നിരവധി ഫോളോവേഴ്സുള്ള ദില്‍ഷ അറിയപ്പെടുന്ന സോഷ്യല്‍ മീഡിയ ഇന്‍ഫ്ലുവന്‍സറാണ്.

ബിഗ്ബോസിൽ നിന്നും വന്നതിന് പിന്നാലെ ഫോട്ടോഷൂട്ടുകളും മറ്റുമായി സോഷ്യൽ മീഡിയയിൽ സജീവമാണ് താരം