Soorya J. Menon | നിങ്ങൾക്കെന്റെ മരണം കാണണോ? പൊട്ടിത്തെറിച്ച് ബിഗ് ബോസ് മത്സരാർത്ഥി സൂര്യ ജെ. മേനോൻ

ഗ്രാൻഡ് ഫിനാൽ റൗണ്ടിന് ദിവസങ്ങൾ ശേഷിക്കെയാണ് ചെന്നൈയിൽ ഷൂട്ടിംഗ് നടന്നുകൊണ്ടിരുന്ന ബിഗ് ബോസ് മലയാളം സീസൺ 3 മത്സരം നിർത്തി വച്ചത്. കോവിഡ് ലോക്ക്ഡൗൺ മാനദണ്ഡങ്ങൾ നിലവിൽ വന്ന ശേഷം ചിത്രീകരണം അനുവദിക്കാൻ സാധിക്കാത്ത സാഹചര്യത്തിൽ ഉദ്യോഗസ്ഥരെത്തി സെറ്റ് സീൽ ചെയ്യുകയായിരുന്നു. അവിടെ നിന്നും മത്സരാർത്ഥികളെ ഒക്കെയും ആ സമയത്ത് പുറത്തേക്ക് മാറ്റുകയും ചെയ്തു

ബിഗ് ബോസ് മലയാളം സീസൺ 3 മത്സരാർത്ഥികളിൽ ഒരാളായിരുന്നു സൂര്യ ജെ.മേനോൻ. നർത്തകിയും ഡി.ജെയുമായ സൂര്യ തിരികെ നാട്ടിലെത്തിയിരുന്നു. ഇപ്പോൾ സൂര്യ തന്റെ ഇൻസ്റ്റഗ്രാം പേജിൽ പൊട്ടിത്തെറിച്ചിരിക്കുകയാണ്. തന്റെ മരണം കാണണോ എന്നാണ് സൂര്യ ചോദിക്കുന്നത്. തന്നെ വേദനിപ്പിച്ച കാര്യമെന്തെന്നും സൂര്യ പറയുന്നുണ്ട് (തുടർന്ന് വായിക്കുക)

മത്സരാർത്ഥികളുടെ ഫാൻസ്‌ ചേർന്ന് രൂപീകരിക്കുന്ന കൂട്ടായ്മകൾ 'ആർമി' എന്ന പേരിലാണ് അറിയപ്പെടുക. മറ്റു മത്സരാർത്ഥികളുടെ ആർമികളിൽ നിന്നും താനും കുടുംബവും സൈബർ ഇടത്തിൽ ആക്രമണം നേരിടുന്നു. തന്റെ മരണം കാണാനാണോ മറ്റ് ആർമികളുടെ ആഗ്രഹമെന്ന് ചോദിച്ച് സൂര്യ പൊട്ടിത്തെറിക്കുകയാണ്

ഷോ അവസാനിക്കുന്നതിന് തൊട്ടുമുന്നെയുള്ള എലിമിനേഷൻ റൗണ്ടിൽ സൂര്യ പുറത്തായിരുന്നു

ഐശ്വര്യ റായിയുമായി രൂപസാദൃശ്യമുള്ള ചിത്രങ്ങളുടെ പേരിൽ സൂര്യ ശ്രദ്ധിക്കപ്പെട്ടിരുന്നു

നിലവിൽ മണിക്കുട്ടൻ, ഡിംപൽ ബാൽ, അനൂപ് കൃഷ്ണൻ, ഋതുമന്ത്ര, റംസാൻ, സായി വിഷ്ണു, നോബി മാർക്കോസ്, കിടിലം ഫിറോസ് തുടങ്ങിയവരാണ് അവസാന റൗണ്ടിൽ മത്സരിക്കുന്നവർ. പ്രേക്ഷകരുടെ വോട്ട് പ്രകാരമാണ് ബിഗ് ബോസ് വിജയിയായ മത്സരാർത്ഥിയെ തിരഞ്ഞെടുക്കുക

ഹോട്ട് സ്റ്റാർ ആപ്പിലൂടെയാവും പ്രേക്ഷകർ വിജയിയെ തിരഞ്ഞെടുക്കുക. തിരഞ്ഞെടുക്കാൻ ആഗ്രഹിക്കുന്ന മത്സരാർത്ഥിക്കു വേണ്ടി വോട്ട് രേഖപ്പെടുത്താം. ഇതിനായി മെയ് 24 തിങ്കളാഴ്ച രാത്രി 11 മണി മുതൽ മെയ് 29 ശനിയാഴ്ച രാത്രി 11 മണി വരെ നിശ്ചിത ഫോർമാറ്റിൽ വോട്ട് രേഖപ്പെടുത്താൻ അവസരം ഒരുങ്ങിയിരുന്നു