Soorya J. Menon | സൂര്യ ജെ. മേനോൻ മടങ്ങിയെത്തി, ഒരു സന്തോഷ വാർത്തയുമായി

സൈബർ ഇടത്തിൽ കടുത്ത വ്യക്തിഹത്യ നേരിട്ടതിനെ തുടർന്ന് തന്റെ ഇൻസ്റ്റഗ്രാം അക്കൗണ്ടിൽ നിന്നും ഏതാനും ദിവസത്തേക്ക് അവധി എടുത്തിരിക്കുകയായിരുന്നു ബിഗ് ബോസ് മലയാളം മത്സരാർത്ഥി സൂര്യ ജെ. മേനോൻ. തന്റെ ആരോഗ്യം കണക്കിലെടുത്താണ് ഇടവേള എന്ന് പറഞ്ഞ ശേഷം സൂര്യ ദിവസങ്ങളോളം വിട്ടു നിന്നു

തന്നെയും കുടുംബത്തെയും വേട്ടയാടുന്നു. തന്റെ മരണം കാണാനാണോ സൈബർ ആക്രമണകാരികൾ ലക്ഷ്യമിടുന്നത് എന്നാണ് സൂര്യ ചോദിച്ചത്. ഈ അവസ്ഥയിൽ സൂര്യ ദിവസങ്ങളോളം തുടർന്നു. ഷോ അവസാനിക്കുന്നതിന് തൊട്ടു മുൻപുള്ള റൗണ്ട് വരെയും സൂര്യ മത്സരാർത്ഥിയായിരുന്നു. സൂര്യ ഇതാ സോഷ്യൽ മീഡിയയിൽ മടങ്ങിയെത്തിയിരിക്കുന്നു, വലിയ ഒരു സന്തോഷ വാർത്തയുമായി (തുടർന്ന് വായിക്കുക)

കഴിഞ്ഞ ദിവസം സുഹൃത്തുക്കൾ പോസ്റ്റ് ചെയ്തു എന്ന് പറഞ്ഞുള്ള ചിത്രങ്ങളുമായാണ് സൂര്യയുടെ മടങ്ങിവരവ്. ഇനി സൂര്യ ബിഗ് ബോസ് മത്സരാർത്ഥി, നർത്തകി തുടങ്ങിയ ലേബലുകൾക്ക് പുറത്ത് അറിയപ്പെടും, അതാണ് സന്തോഷ വാർത്ത

ഒന്നും രണ്ടുമല്ല, നാല് ചിത്രങ്ങളാണ് സൂര്യയുടേതായി ഒരുങ്ങുന്നത്. തമിഴിലും തെലുങ്കിലുമായി ചിത്രങ്ങൾക്ക് സമ്മതം നൽകിയതായി സൂര്യ ഇൻസ്റ്റഗ്രാം സ്റ്റോറിയിൽ പറഞ്ഞു. ഏവരുടെയും പ്രാർത്ഥനകൾക്ക് നന്ദി അറിയിക്കുകയും ചെയ്തു സൂര്യ

സൂര്യയുടെ പോസ്റ്റ്

സൂര്യക്ക് നേരെ സൈബർ ആക്രമണം ഏറിയ സാഹചര്യത്തിൽ തന്റെ ആരാധകരോടും മറ്റുമായി ആരും തന്നെ സൂര്യയെ ആക്രമിക്കരുത് എന്ന് അഭ്യർത്ഥിച്ച് മണിക്കുട്ടൻ രംഗത്തെത്തിയിരുന്നു. ഒരു ഇൻസ്റ്റഗ്രാം വീഡിയോ വഴിയാണ് മണിക്കുട്ടൻ തന്റെ സന്ദേശമെത്തിച്ചത്

പ്രേക്ഷകരുടെ വോട്ടിങ്ങിലൂടെയാവും ബിഗ് ബോസ് മലയാളം സീസൺ 3 വിജയിയെ കണ്ടെത്തുക. വോട്ടിംഗ് അവസാനിച്ച സാഹചര്യത്തിൽ ഗ്രാൻഡ് ഫിനാലെ എപ്പിസോഡ് എപ്പോഴെന്ന കാത്തിരിപ്പിലാണ് ആരാധകർ

ബിഗ് ബോസ് മലയാളം സീസൺ 3 മത്സരാർത്ഥികൾ