ദേശീയ പുരസ്‌കാര ജേതാവായ മുത്തശ്ശന്റെ ഓർമ്മദിനം; ഓർമ്മകളുമായി സൂര്യ ജെ. മേനോൻ

കൊച്ചുമക്കളിൽ പലർക്കും അവരുടെ മുത്തശ്ശി-മുത്തശ്ശന്മാരുമായി ആത്മ ബന്ധം ഏറെയാണ്. അവർ വിടവാങ്ങിയാൽ മക്കളെക്കാളും ശൂന്യത അനുഭവപ്പെടുന്നത് കൊച്ചുമക്കൾക്കാവും. ഇന്ന് തന്റെ മുത്തശ്ശന്റെ ഓർമ്മ പേറുന്ന പോസ്റ്റുമായി വരികയാണ് ബിഗ് ബോസ് മത്സരാർത്ഥി സൂര്യ ജെ. മേനോൻ

മുത്തശ്ശന്റെ ആദ്യ ഓർമ്മദിനമാണിന്ന്. തന്റെ കുടുംബത്തിലെ ഏക ദേശീയ പുരസ്‌കാര ജേതാവാണ് മുത്തശ്ശൻ എന്ന് സൂര്യ. പി.എസ്. കരുണാകരൻ നായർ എന്നാണ് സൂര്യയുടെ മുത്തശ്ശന്റെ പേര്. ഇദ്ദേഹം 103-ാം വയസ്സിലാണ് അന്തരിച്ചത്. കേരളത്തിന് തന്നെ അഭിമാനിക്കാവുന്ന പുരസ്‌ക്കാര ജേതാവാണ് ഇദ്ദേഹം (തുടർന്ന് വായിക്കുക)

മൂവാറ്റുപുഴ ടൗൺ യു.പി. സ്കൂളിൽ വർഷങ്ങളോളം പ്രധാനാധ്യാപകനായിരുന്നു സൂര്യയുടെ മുത്തശ്ശൻ. വല്യസാർ എന്നാണ് ശിഷ്യർ ഇദ്ദേഹത്തെ ഓർക്കുക. പ്രൈമറി സ്കൂൾ അധ്യാപകനായി ശമ്പളം പോലും വാങ്ങാതെയാണ് അദ്ദേഹം അധ്യാപന വൃത്തിയിൽ പ്രവേശിച്ചത്. പ്രധാനാധ്യാപകനാവാൻ ടി.ടി.സി. നിര്ബന്ധമെന്നായപ്പോൾ 41-ാം വയസ്സിൽ അതും പൂർത്തിയാക്കി

1964 ൽ മികച്ച അധ്യാപകനുള്ള രാഷ്ട്രപതിയുടെ ദേശീയ പുരസ്കാരം അന്നത്തെ രാഷ്‌ട്രപതി ഡോ: എസ്. രാധാകൃഷ്ണനിൽ നിന്നും അദ്ദേഹം സ്വീകരിച്ചു. തിരിച്ചു നാട്ടിൽ എത്തിയപ്പോൾ മുവാറ്റുപുഴയിൽ അദ്ദേഹത്തിന് നൽകിയ സ്വീകരണത്തിൽ പ്രൊഫ: ജോസഫ് മുണ്ടശ്ശേരി ഉൾപ്പെടെയുള്ളവർ പങ്കെടുത്തു

ഇദ്ദേഹത്തിന്റെ നേട്ടങ്ങളും സമരങ്ങളും നിരവധിയാണ്. 'മുവാറ്റുപുഴയുടെ ചരിത്രം' എന്ന പുസ്തകത്തിന്റെ രചയിതാവ് കൂടിയാണ് കരുണാകരൻ മാഷ്

അദ്ദേഹത്തിന് രണ്ടാണ്മക്കളും മൂന്നു പെണ്മക്കളുമാണുള്ളത്. മുത്തച്ഛനൊപ്പം സകുടുംബം സൂര്യ