നെഗറ്റീവ് കമന്റ് ഇടാനുള്ളവർ ഇവിടെ കമോൺ; സൂര്യക്ക് ചിലത് പറയാനുണ്ട്

ബിഗ് ബോസ് റിയാലിറ്റി ഷോയിലൂടെ വളരെയധികം ശ്രദ്ധ നേടിയ വ്യക്തിയാണ് സൂര്യ ജെ. മേനോൻ. മോഡലും, ഡി.ജെയും നർത്തകിയുമായി ഒട്ടേറെക്കാലം നിറഞ്ഞ് നിന്ന സൂര്യ കൂടുതൽ അറിയപ്പെട്ടത് ബിഗ് ബോസ് മലയാളം സീസൺ മൂന്നിന്റെ വേദിയിൽ നിന്നുമാണ്. തന്റേതായ രീതിയിൽ സൂര്യ ബിഗ് ബോസ് ഷോയിൽ തന്നെ സാന്നിധ്യം അറിയിച്ചിട്ടുണ്ട്

എന്നാൽ ഷോ കഴിഞ്ഞ് പുറത്തിറങ്ങിയ സൂര്യ സൈബർ ഇടത്തിൽ അതിരൂക്ഷമായ വ്യക്തിഹത്യ നേരിട്ടിരുന്നു. തുടക്കത്തിൽ പകച്ചുവെങ്കിലും, പിന്നീട് സൂര്യ അതു കയ്യടക്കത്തോട് കൂടി കൈകാര്യം ചെയ്യാൻ പഠിച്ചു. തന്റെ മരണം കാണാനാണോ ഇവർ കാത്തിരിക്കുന്നത് എന്ന് ചോദിക്കേണ്ട ഒരു അവസ്ഥയിലൂടെ സൂര്യ കടന്നു പോയിരുന്നു. എന്നാൽ ഇനിയും അതൊന്നും അവസാനിപ്പിക്കാത്തവർക്ക് സൂര്യ പുതിയ മറുപടി തന്നിരിക്കുകയാണ് (തുടർന്ന് വായിക്കുക)

അണിഞ്ഞൊരുങ്ങിയാൽ ഐശ്വര്യ റായിയുടെ സമാനതകൾ ഉള്ളതുകൊണ്ടും സൂര്യ ശ്രദ്ധ നേടിയിരുന്നു. ആദ്യ ഘട്ടത്തിൽ സൈബർ വ്യക്തിഹത്യ നടന്ന സാഹചര്യത്തിൽ സൂര്യ ഏതാനും ദിവസത്തേക്ക് സോഷ്യൽ മീഡിയ പ്രൊഫൈലുകളിൽ നിന്നും ഇടവേളയെടുത്തിരുന്നു. സ്ത്രീപുരുഷ ഭേദമന്യേ താൻ ആക്രമണം നേരിട്ടു എന്നും സൂര്യ അന്ന് പറഞ്ഞിരുന്നു. പക്ഷെ ഇനി അത്തരം സ്വഭാവവുമായി വന്നാൽ സൂര്യക്ക് അവരോടു പറയാൻ ഉള്ള കാര്യം കേൾക്കുക

ഗൈസ്, എന്റെ പുതിയ അഭിമുഖങ്ങൾ ഇനിയും വരാനുണ്ട്. അതുകൊണ്ടു എല്ലാ നെഗറ്റീവ് കമന്റുകളും കൂടി ഒന്നിൽ തന്നെ ഇട്ടുതീർക്കരുത്. കുറച്ചു ബാക്കി അഭിമുഖങ്ങളിലും ഇടാൻ കൂടി മാറ്റി വച്ചേക്കണം

ഇനിയിപ്പോൾ സിനിമാ തിരക്കുകളിൽ സൂര്യ മുഴുകും. ഒന്നും രണ്ടുമല്ല, നാല് ചിത്രങ്ങളാണ് സൂര്യയുടേതായി ഒരുങ്ങുന്നത്. തമിഴിലും തെലുങ്കിലുമായി ചിത്രങ്ങൾക്ക് സമ്മതം നൽകിയതായി സൂര്യ ഇൻസ്റ്റഗ്രാം സ്റ്റോറിയിൽ നേരത്തെ പറഞ്ഞിരുന്നു. ഏവരുടെയും പ്രാർത്ഥനകൾക്ക് നന്ദി അറിയിക്കുകയും ചെയ്തു സൂര്യ

സൂര്യക്ക് നേരെ സൈബർ ആക്രമണം കടുത്ത സാഹചര്യത്തിൽ തന്റെ ആരാധകരോടും മറ്റുമായി ആരും തന്നെ സൂര്യയെ ആക്രമിക്കരുത് എന്ന് അഭ്യർത്ഥിച്ച് മണിക്കുട്ടൻ രംഗത്തെത്തിയിരുന്നു. ഒരു ഇൻസ്റ്റഗ്രാം വീഡിയോ വഴിയാണ് മണിക്കുട്ടൻ തന്റെ സന്ദേശമെത്തിച്ചത്

സൂര്യ ജെ. മേനോൻ (ചിത്രം: ഇൻസ്റ്റഗ്രാം)