Bigg Boss | ബിഗ് ബോസ് തുണയായി; മത്സരാർത്ഥിക്ക് വീട് സമ്മാനിച്ച് സംഗീത സംവിധായകൻ

പലരുടെയും ജീവിതം മാറ്റിമറിച്ച റിയാലിറ്റി ഷോയാണ് ബിഗ് ബോസ് (Bigg Boss). മലയാളം ഉൾപ്പെടെ വിവിധ ഭാഷകളിൽ ഈ ഷോ നടത്താറുണ്ട്. ഒന്നിച്ചു ജീവിതം ആരംഭിച്ചവരും, കരിയർ മാറിമറിഞ്ഞവരും, ശ്രദ്ധിക്കപെട്ടവരും ഒക്കെയായി മാറിയ മത്സരാർത്ഥികൾ നിരവധിയാണ്. എന്നാൽ ഇനി ഒരാൾക്ക് ലഭിക്കാൻ പോകുന്നത് കയറിക്കിടക്കാൻ ഒരു കിടപ്പാടമാണ്. ചലച്ചിത്ര സംഗീത സംവിധായകനാണ് ഇതിനായി വഴി തുറന്നത്

സംഗീത സംവിധായകൻ ജെയിംസ് വസന്തനാണ് വീട് സമ്മാനിക്കുന്നത്.  ഒരു അഭിമുഖത്തിൽ, ഈ ലക്ഷ്യത്തിലേക്ക് സംഭാവന നൽകാൻ മത്സരാർഥിയുടെ ആരാധകരെ ഒരുമിച്ച് കൊണ്ടുവരാനുള്ള തന്റെ പദ്ധതിയെക്കുറിച്ച് അദ്ദേഹം ചർച്ച ചെയ്തു. 'താമര ഭവനം' എന്നാണ് വീടിനു പേര് നൽകിയിട്ടുള്ളത്. ഈ പേരിൽ തന്നെയുണ്ട് ആ ഭാഗ്യശാലി ആരാണെന്നുള്ളത് (തുടർന്ന് വായിക്കുക)

ബിഗ് ബോസ് തമിഴിന്റെയും ബിഗ് ബോസ് അൾട്ടിമേറ്റിന്റെയും അഞ്ചാം സീസണിൽ, നടൻ താമരൈ സെൽവി ഏറ്റവും കൂടുതൽ ചർച്ച ചെയ്യപ്പെട്ട മത്സരാർത്ഥികളിൽ ഒരാളായിരുന്നു. താരതമ്യേന പ്രശസ്തയല്ലാത്ത വ്യക്തിയായാണ് ബിഗ് ബോസ് ഹൗസിൽ പ്രവേശിച്ചതെങ്കിലും, ഷോയിൽ പ്രത്യക്ഷപ്പെട്ടതിന്റെ ഫലമായി അവർ ഇപ്പോൾ തമിഴ് വീടുകളിൽ അറിയപ്പെടുന്ന വ്യക്തിയായി മാറിയിരിക്കുന്നു

ഒരു നാടൻ കലാകാരിയായ താമരൈ, ദിണ്ടിഗലിലെ ഒരു കുഗ്രാമത്തിലാണ് താമസം. സ്രോതസ്സുകൾ പ്രകാരം താമരൈ സാമ്പത്തിക ഭദ്രത കുറഞ്ഞ കുടുംബത്തിൽ നിന്നാണ് വരുന്നത്. ബിഗ് ബോസിലും തന്റെ പ്രശ്‌നങ്ങളെക്കുറിച്ച് അവർ സംസാരിച്ചു. താമരൈയുടെ കുടുംബത്തിന് താമസിക്കാൻ നല്ല സ്ഥലമില്ലെന്ന് മനസ്സിലാക്കിയ സംഗീതസംവിധായകൻ ജെയിംസ് വസന്തൻ അവർക്ക് ഒരു വീട് നൽകാൻ തീരുമാനിക്കുകയായിരുന്നു

താമരൈയുടെ ബിഗ് ബോസ് അൾട്ടിമേറ്റ് ബെസ്ററ് ഫ്രണ്ട് അനിത സമ്പത്ത് അവരെ ഡിണ്ടിഗലിൽ പോയി സന്ദർശിച്ചിരുന്നു. അനിത ഭർത്താവിനൊപ്പം ആയിരുന്നു സന്ദർശനം. ഇവരുടെ ഒത്തുചേരലിന്റെ ചിത്രങ്ങളും സിരുമല കുന്നുകളിലേക്കുള്ള ഒരു ചെറിയ യാത്രയും അനിത സോഷ്യൽ മീഡിയയിൽ പങ്കുവെച്ചിരുന്നു

ഷോ നടക്കുമ്പോൾ, അനിത സമ്പത്തിനും താമരശെൽവിക്കും ഇടയിൽ ബിഗ് ബോസ് അൾട്ടിമേറ്റ് ഹൗസിൽ ഒരു അമ്മ-മകൾ ബന്ധമായിരുന്നു നിലനിന്നിരുന്നത്