വിരാട് കോലിയോട് അനുഷ്‍കയെ ഡിവോഴ്സ് ചെയ്യാൻ ബി.ജെ.പി. നേതാവ്

അനുഷ്ക ശർമ്മ നിർമ്മിച്ച 'പാതാൾ ലോക്' ആമസോൺ പ്രൈം വീഡിയോയിൽ നിലവിൽ പ്രദർശനം തുടരുകയാണ്. സഹോദരൻ കർണേഷ് ശർമയുമായി ചേർന്നാണ് നിർമ്മാണം. ഉള്ളടക്കത്തിന്റെ പേരിൽ ഒട്ടേറെപ്പേർ പ്രശംസിക്കുകയും അതുപോലെ തന്നെ മറ്റുചിലർ വിമർശിക്കുകയും ചെയ്ത ചിത്രമാണ് 'പാതാൾ ലോക്'

പാതാൾ ലോക് പ്രദർശനത്തിനെത്തിയ ശേഷം അഭിനേതാവിനും നിർമ്മാതാവ് അനുഷകയ്ക്കുമെതിരെ ബി.ജെ.പി. എം.എൽ.എ. നന്ദകിഷോർ ഗുർജർ എഫ്.ആർ.ആർ. ഫയൽ ചെയ്തിരുന്നു

അനുവാദമില്ലാതെ ഇദ്ദേഹത്തിന്റെ ചിത്രം  വെബ് സീരീസിൽ ഉപയോഗിച്ചു എന്നതായിരുന്നു പരാതി. പ്രദർശനം തടയണമെന്ന് ആവശ്യപ്പെട്ടുകൊണ്ട് വാർത്താവിതരണ പ്രക്ഷേപണ വകുപ്പ് മന്ത്രി പ്രകാശ് ജാവദേക്കർക്കും കത്ത് നൽകി

ദേശസുരക്ഷാ നിയമം അനുസരിച്ച് വർഗീയ വിദ്വേഷം ഉണ്ടാക്കി എന്ന പേരിൽ ദേശദ്രോഹ കുറ്റത്തിനും അനുഷ്‌ക്കക്കെതിരെ എം.എൽ.എ. പരാതി നൽകിയിരുന്നു

കൂടാതെ ക്രിക്കറ്റ് താരമായ ഭർത്താവ് വിരാഡിനോട് അനുഷ്‌കയെ ഡിവോഴ്സ് ചെയ്യണമെന്ന് കൂടിയുണ്ട് ആവശ്യം. 'വിരാട് ദേശസ്നേഹിയാണ്. അദ്ദേഹം ഇന്ത്യയെ പ്രതിനിധീകരിക്കുന്നു. അദ്ദേഹം അനുഷ്‌കയെ ഡിവോഴ്സ് ചെയ്യണം' എന്നായിരുന്നു എം.എൽ.എ. ഒരു മാധ്യമത്തോട് പറഞ്ഞത്

വെബ് സീരീസിൽ ജാതീയ പരാമർശം കടന്നു വന്നു എന്ന പേരിൽ ലോയേഴ്സ് ഗിൽഡിലെ അംഗമായ വീരൻ ശ്രീ ഗുരുങ് അനുഷ്‌കയ്ക്ക് വക്കീൽ നോട്ടീസ് അയക്കുകയും ചെയ്തിട്ടുണ്ട്

എന്തായാലും തന്റെ വെബ് സീരീസ് ഗംഭീര വിജയമായതിലെ സന്തോഷത്തിലാണ് അനുഷ്ക. ഇക്കാര്യങ്ങളെ പറ്റിയൊന്നും താരം പ്രതികരിച്ചിട്ടില്ല

അനുഷ്ക്കക്കെതിരെയുള്ള പരാതി നിരന്ന എം.എൽ.എ.യുടെ ട്വീറ്റിന്റെ സ്ക്രീൻ ഷോട്ട്. പത്തു ട്വീറ്റുകൾ അടങ്ങിയ ത്രെഡിലാണ് ഇദ്ദേഹം പരാതി പറയുന്നത്