AbRam Khan | ചേച്ചി ആലിയക്കൊപ്പം ഷാരൂഖ് ഖാന്റെ പുത്രൻ അബ്രാം; ചിത്രത്തിൽ അബ്രാം എവിടെയെന്ന് ആരാധകർ

ബോളിവുഡിലെ ക്യൂട്ട് താരപുത്രന്മാരാണ് ഷാരൂഖ് ഖാന്റെ മകൻ അബ്രഹാമും സെയ്ഫ് അലി ഖാന്റെ പുത്രൻ തൈമൂറും. ഇരുവരും ക്യാമറ കണ്ണുകളുടെ ഇഷ്‌ട ക്ലിക്കുകളാണ്. ഇപ്പോൾ സോഷ്യൽ മീഡിയയിൽ ചർച്ചയാവുന്നതു അബ്രാമിന്റെ ഒരു ചിത്രമാണ്. ചേച്ചി ആലിയക്കൊപ്പമാണ് അബ്രാം ഈ ഫോട്ടോയിൽ പ്രത്യക്ഷപ്പെടുന്നത്

ഗൗരി ഖാന്റെ സഹോദരൻ വിക്രാന്ത് ചിബ്ബയുടെ മകളാണ് ആലിയ. ഇരുവരും ഒരു ബീച്ചിൽ സമയം ചിലവിട്ട നേരത്ത് പകർത്തിയ ചിത്രമാണ് ഇപ്പോൾ ഇൻസ്റ്റഗ്രാമിൽ പോസ്റ്റ് ചെയ്തിരിക്കുന്നത്. എന്നാൽ ഫോട്ടോ കണ്ടവർ അൽപ്പ നേരം ക്ഷമയോടെ നോക്കിയാലേ ഇതിലെ കുഞ്ഞ് അബ്രാമിനെ കണ്ടെത്താൻ കഴിയുകയുള്ളൂ. അതാണ് ഈ ചിത്രത്തിലെ പ്രത്യേകത

ഈ ചിത്രത്തിന്റെ മുക്കാൽ ഭാഗവും ചേച്ചി ആലിയ നിറഞ്ഞു നിൽക്കുമ്പോൾ അബ്രാമിനെ കാണണമെങ്കിൽ ചിത്രത്തിന്റെ ഇടത്തെ കോണിൽ നോക്കുക. വെള്ളത്തിൽ മുങ്ങി നിവരുന്ന ഏഴു വയസ്സുകാരൻ അബ്രാം, അതാ, അവിടെയുണ്ട്. താരപുത്രന്റെ മുഖം മാത്രമേ ഈ ചിത്രത്തിൽ തെളിഞ്ഞ് കാണാൻ സാധിക്കൂ

അബ്രാമിന്റെ ചിത്രം വ്യക്തമായി കാണാൻ കഴിയാത്തവർ ഇങ്ങോട്ടു നോക്കുക. അതേ ചിത്രത്തിൽ നിന്നും അടർത്തിയെടുത്ത അബ്രാമിന്റെ ക്ലോസപ്പ് ഷോട്ട് ആണിത്. എപ്പോഴും കാണും പോലെ ഒരു ചെറു മന്ദഹാസത്തോടെയുള്ള അബ്രാമിനെ നോക്കൂ. ഷാരൂഖ് ഖാന്റെ മക്കളിൽ അച്ഛനുമായി ഏറ്റവുമധികം മുഖ സാദൃശ്യം മൂന്നാമത്തെ മകനായ അബ്രാമിനാണ്

'ഒരു കുഞ്ഞു മഷ്‌റൂമിനെ കാണുന്നില്ലേ' എന്ന് ചോദിച്ചു കൊണ്ടാണ് ആലിയ ഈ ചിത്രം ക്യാപ്‌ഷൻ നൽകി പോസ്റ്റ് ചെയ്തത്. ഈ ചിത്രം പോസ്റ്റ് ചെയ്യും മുൻപ് സുഹാനയും ആലിയയും ചേർന്നുള്ള ഒരു മിറർ സെൽഫി ചിത്രം ഇൻസ്റ്റഗ്രാമിൽ പ്രത്യക്ഷപ്പെട്ടിരുന്നു. ഇരുവരും ഒരു പാർട്ടിക്ക് പോകുന്ന മട്ടിലുള്ള ചിത്രമാണ് സോഷ്യൽ മീഡിയയിൽ പ്രത്യക്ഷപ്പെട്ടത്

ഷാരൂഖ് ഖാൻ മക്കളായ ആര്യൻ ഖാൻ, സുഹാന ഖാൻ, അബ്രാം ഖാൻ എന്നിവർക്കൊപ്പം