Bhama daughter | മകളെ കയ്യിലെടുത്ത നിമിഷം എന്റെ ലോകമാകെ മാറി; കുഞ്ഞ് മകളുടെ ഓമനത്തം പ്രേക്ഷകരുമായി പങ്കിട്ട് ഭാമ

നിവേദ്യത്തിലൂടെ മലയാള സിനിമയിലെത്തിയ യുവ നായികയാണ് ഭാമ. ശാലീന സൗന്ദര്യം നിറഞ്ഞ ആ നായികയ്ക്ക് പിൽക്കാലത്ത് ഒട്ടേറെ ആരാധകരുണ്ടായി. കൈനിറയെ സിനിമകളുമായി. 2020 ലായിരുന്നു ഭാമയുടെ വിവാഹം

ബിസിനെസ്സുകാരനായ അരുണാണ് ഭാമയുടെ ഭർത്താവ്.  ആദ്യത്തെകണ്മണി പിറന്ന വിവരം കഴിഞ്ഞ മാസമാണ് ദമ്പതികൾ പുറത്തുവിട്ടത്. കടിഞ്ഞൂൽ കണ്മണി മകളാണ്. എന്നാൽ ഇത്രയും ദിവസങ്ങൾ കഴിഞ്ഞിട്ടും സോഷ്യൽ മീഡിയയിൽ സജീവമായ ഭാമ മകളുടെ ഒരു ചിത്രമോ വിശേഷമോ പങ്കുവച്ചിരുന്നില്ല. പുതിയ പോസ്റ്റോടുകൂടി ആരാധകരുടെ പരിഭവം മാറ്റിയിരിക്കുകയാണ് ഭാമ (തുടർന്ന് വായിക്കുക)

മനസ്സിൽ തൊടുന്ന ഒരു കുറിപ്പോടുകൂടിയാണ് ഭാമ പുതിയ ചിത്രങ്ങൾ പങ്കുവയ്ക്കുന്നത്. മകൾ വന്നതും ജീവിതം കൂടുതൽ പ്രകാശമാനമായി. അവളെ ആദ്യമായി കയ്യിലെടുത്ത നിമിഷം ലോകമാകെ മാറിയത് പോലെ. ആ ഓർമ്മകൾ മകൾ വളർന്നു വലുതാവുമ്പോൾ അവൾക്കു കാട്ടിക്കൊടുക്കാൻ വേണ്ടി ഭാമ ചെയ്തത് നോക്കൂ

കുഞ്ഞികൈകാലുകൾ കാസ്റ് ചെയ്ത് എടുത്തിരിക്കുകയാണ് ഭാമ. ചിത്രങ്ങൾ പോലെ ഇവയും എക്കാലവും സൂക്ഷിക്കാം. ഭാമയുടെ മകളുടെ ഈ കാസ്റ്റിന് സ്വർണ്ണ നിറമാണ്. അത് ചെയ്ത് നൽകിയ അനിലയ്ക്ക് ഭാമ നന്ദി പറയുകയും ഒപ്പം നിന്ന് പകർത്തിയ ചിത്രം പോസ്റ്റ് ചെയ്യുകയും ചെയ്‌തു

ഭാവിയിൽ തന്റെ തന്നെ കുഞ്ഞിക്കൈകാലുകൾ മകൾക്ക് സ്പർശിക്കാൻ സാധിക്കുന്നതിലെ സന്തോഷവും ഭാമ വാക്കുകളിൽ കുറിച്ചു

രണ്ടുദിവസങ്ങൾക്കു മുൻപായിരുന്നു ഭാമയുടെ ഭർത്താവിന്റെ പിറന്നാൾ. മകൾ പിറന്ന ശേഷമുള്ള അദ്ദേഹത്തിന്റെ ആദ്യ ജന്മദിനത്തിന് ഭാമ ഇൻസ്റ്റഗ്രാം പോസ്റ്റിലൂടെ ആശംസ അറിയിച്ചിരുന്നു