സിനിമാ ലോകത്തെ വിട്ടൊഴിയാതെ വിവാഹ മോചനങ്ങൾ; താരദമ്പതികൾ പത്തു വർഷത്തെ വിവാഹ ജീവിതം അവസാനിപ്പിക്കുന്നു

ചലച്ചിത്ര ലോകത്തെ വിവാഹ മോചനങ്ങൾ തുടർക്കഥയാവുന്നു. പത്തു വർഷത്തെ ദാമ്പത്യം അവസാനിപ്പിക്കുന്നുവെന്ന് പ്രഖ്യാപിച്ചു കൊണ്ട് വന്ന പ്രശസ്ത താര ദമ്പതികളാണ് പട്ടികയിൽ ഏറ്റവുമൊടുവിൽ ഇടം നേടിയത്

അമേരിക്കൻ നടി മെഗാൻ ഫോക്‌സും ബ്രിയാൻ ഓസ്റ്റിൻ ഗ്രീനും തമ്മിൽ പിരിയാൻ തീരുമാനിച്ചുവെന്നു ആരാധകരെ അറിയിച്ചു കഴിഞ്ഞു. മാസങ്ങളായി തങ്ങൾ അകന്നു കഴിയുകയാണെന്നും ബ്രിയാൻ. സംഗീതജ്ഞനായ മെഷീൻ ഗൺ കെല്ലിക്കൊപ്പം മെഗാനെ പാപ്പരാസികൾ അടുത്തിടെ കണ്ടിരുന്നു

ജെയ് കട്ട്ലർ, ക്രിസ്റ്റിൻ കാവലാരി ദമ്പതികളാണ് പത്തു വർഷത്തെ വൈവാഹിക ജീവിതം അവസാനിപ്പിച്ച മറ്റൊരു താര ദമ്പതികൾ. ഇൻസ്റ്റാഗ്രാം പേജിലൂടെയാണ് ഇവർ വിവാഹമോചന വാർത്ത പങ്കുവച്ചത്. എന്നാൽ ഇപ്പോഴും തങ്ങൾ തമ്മിൽ സ്നേഹവും ബഹുമാനവും ഉണ്ടെന്ന് ക്രിസ്റ്റിൻ പറയുന്നു

നടി നീന ഗുപ്തയുടെ മകളും ഫാഷൻ ഡിസൈനറുമായ മസാബ ഗുപ്തയും മധു മന്തേനയും തമ്മിൽ പിരിയുകയും ഇവർക്ക് കോടതി വിവാഹ മോചനം അനുവദിക്കുകയും ചെയ്തു എന്ന് റിപ്പോർട്ട്

നടൻ അർജുൻ റാംപാലും മെഹർ ജെസിയയും 21 വർഷത്തെ ദാമ്പത്യ ജീവിതം അവസാനിപ്പിക്കുകയായിരുന്നു. വിവാഹ മോചനത്തിന്റെ കാരണം ഇവർ വെളിപ്പെടുത്തിയിരുന്നില്ല. മകൾ അമ്മക്കൊപ്പമാണ്

ഹോളിവുഡ് അഭിനേതാക്കളായ ചാനിംഗ് ടാട്ടും ജെന്ന ദേവാൻ എന്നിവർ വേർപിരിഞ്ഞത് കഴിഞ്ഞ ഒരാഴ്ചക്കുള്ളിലാണ്. തന്റെ കാമുകൻ സ്റ്റീവുമായി തങ്ങളുടെ ആദ്യ കുഞ്ഞിനെ ജെന്ന കാത്തിരിക്കുകയാണെന്ന വാർത്തക്ക് പിന്നാലെയാണ് വിവാഹ മോചനം. എട്ടു വർഷത്തെ ദാമ്പത്യമാണ് താര ദമ്പതികൾ അവസാനിപ്പിച്ചത്

ഒരു ഇൻസ്റ്റാഗ്രാം പോസ്റ്റിലൂടെയാണ് മുൻ മിസ്സ് ഏഷ്യ പസഫിക്കും നടിയുമായ ദിയ മിർസ സാഹിൽ സംഘയുമായുള്ള വേർപിരിയൽ വാർത്ത പങ്കിട്ടത്. 11 വർഷത്തെ പ്രണയത്തിനൊടുവിൽ വിവാഹിതരായവരാണിവർ