'മുൻ ഭർത്താവാണെങ്കിലും പിള്ളേരുടെ അച്ഛനാണ്; പെൺകൊച്ചിനെ ഇട്ടിട്ട് അഭിനയിക്കാൻ വന്നതിന് ഒരുപാട് പേർ ചീത്ത വിളിച്ചു': സബീറ്റ ജോർജ്

കൊച്ചി: 'ചക്കപ്പഴം' പരമ്പരയിലൂടെ ജനഹൃദയങ്ങളിൽ ഇടംനേടിയ താരമാണ് സബീറ്റ ജോർജ്. ഈ സീരിയലിൽ നിന്ന് പിൻമാറിയ സബീറ്റ സിനിമകളിൽ സജീവമാവുകയാണ്. തന്റെ വ്യക്തി ജീവിതത്തെക്കുറിച്ച് സബീറ്റ പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. മൈൽഡ് സ്റ്റോൺ മേക്കേഴ്സുമായുള്ള അഭിമുഖത്തിലാണ് നടി മനസ്സുതുറന്നത്. (Images: Sabitta George/ Instagram)

'പാലായിൽ ജനിച്ച് വളർന്ന ആളാണെങ്കിലും ഒരു കാര്യത്തിൽ ഞാൻ ലക്കിയാണ്. എന്റെ പാരന്റ്സ് നീ ഡോക്ടറോ, എഞ്ചനീയറായേ പറ്റൂ എന്ന് മസിൽ പിടിച്ചില്ല. പല കാര്യങ്ങളും എക്സ്പ്ലോർ ചെയ്യാൻ പറ്റി'. (Images: Sabitta George/ Instagram)

'പാട്ട് പാടാനുള്ള കഴിവ് കുടുംബപരമായി കിട്ടിയിരുന്നു. അധികം ട്രെയ്നിങ്ങൊന്നും ഇല്ലെങ്കിലും താൽപര്യമുണ്ടായിരുന്നു. ഡി​ഗ്രി ബിഎ മ്യൂസിക് എടുക്കാനാണ് പോയത്. പക്ഷെ ആ വർഷം കിട്ടിയില്ല. സൈക്കോളജി എടുത്തു. പിന്നീട് മ്യൂസിക് പഠിച്ചു'. (Images: Sabitta George/ Instagram)

'അതുകഴിഞ്ഞ് ഏവിയേഷൻ പഠിച്ചു. അത് ജോലിക്ക് വേണ്ടിയായിരുന്നു. ജോലി വേണമെന്നുണ്ടായിരുന്നു. സ്വന്തമായി ഇഷ്ടമുള്ള സാരി വാങ്ങിക്കാനും സിനിമ കാണാൻ പോവാൻ അച്ഛന്റെയും അമ്മയുടെയുമടുത്ത് കൈ നീട്ടേണ്ട. അന്നത്തെ പ്രായത്തിൽ അത്രയൊക്കെയേ ഉള്ളൂ. വലിയ ആ​ഗ്രഹങ്ങളൊന്നുമില്ലായിരുന്നു'. (Images: Sabitta George/ Instagram)

'നിയമപ്രകാരം എക്സ് ഹസ്ബെന്റ് ആണെങ്കിലും പിള്ളേരുടെ അച്ഛൻ എന്നാണ് ഞാൻ വിളിക്കാറ്. എയർപോർട്ടിൽ വെച്ച് എന്നെ കണ്ട് ഇഷ്ടപ്പെട്ടു. എയർപോർട്ടിൽ ബാ​ഗ് മിസ്സായി പോയെന്ന് പറ‍ഞ്ഞ് പുള്ളി പരാതി നൽകാൻ വന്നതായിരുന്നു’. (Images: Sabitta George/ Instagram)

‘ചെന്നൈയിൽ നിന്ന് കാണാതെ പോയ ബാ​ഗ് പിറ്റേ ദിവസം കോട്ടയത്ത് പുള്ളിയുടെ വീട്ടിൽ ഞാൻ ഡെലിവർ ചെയ്ത് കൊടുത്തു. അങ്ങനെയാണ് സംസാരിച്ച് തുടങ്ങിയത്. പിന്നെ പുള്ളി യുഎസിൽ പോയി. ചേട്ടനാണ് കല്യാണം കഴിക്കാൻ ആ​ഗ്രഹമുണ്ടെന്ന് പറഞ്ഞ് അപ്രോച്ച് ചെയ്തത്’. (Images: Sabitta George/ Instagram)

‘മൂന്ന് ദിവസം എയർപോർട്ട്, മൂന്ന് ദിവസം റിസർവേഷൻ അങ്ങനെയായിരുന്നു എന്റെ ജോലി. ഞാൻ എയർപോർട്ടിലുള്ള ദിവസം പുള്ളി വിളിക്കാറില്ല. പുള്ളി വിളിക്കുമ്പോഴെക്കെ കറക്ടായി എനിക്ക് കിട്ടുമായിരുന്നു. അങ്ങനെ പ്രേമത്തിന്റെ സംഭവമൊന്നുമില്ലായിരുന്നു’. (Images: Sabitta George/ Instagram)

'26-27 വയസ്സിനിടെയാണ് പുള്ളിയുമായുള്ള കല്യാണം നടക്കുന്നത്. പ്രേമമെന്ന് പറയാൻ പറ്റില്ല, ആ സമയത്തെ പക്വതയുള്ള തീരുമാനമായിരുന്നു’. (Images: Sabitta George/ Instagram)

അമേരിക്കയിൽ നിന്നും നാട്ടിലെത്തി അഭിനയം കരിയറാക്കിയതിനെക്കുറിച്ചും നടി സംസാരിച്ചു. '47ാം വയസ്സിലാണ് ചക്കപ്പഴം പരമ്പരയിൽ ജോയിൻ ചെയ്യുന്നത്. ഒരുപാട് പേർ എന്നെ ചീത്ത വിളിച്ചു. ബന്ധുക്കളുൾപ്പെടെ. പെൺകൊച്ചിന് 14 വയസ്സാണ്. അതിനെ അവിടെ ഇട്ടേച്ച് ആക്ടിം​ഗെന്ന് പറഞ്ഞ് നാട്ടിൽ വരാൻ വല്ല കാര്യവുമുണ്ടോ, അവിടെ ഡോളർ കൺവെർട്ട് ചെയ്യുമ്പോൾ ഇത്ര സാലറി.ഇവൾക്ക് ഭ്രാന്താ, ഈ പ്രായത്തിൽ എന്നൊക്കെ ചോദിച്ചിട്ടുണ്ട്'. (Images: Sabitta George/ Instagram)

‘പിന്നെ ഒരു ​ഗുണമുള്ളത് എല്ലാവരുടെയും അഭിപ്രായം കേട്ടാലും തീരുമാനമെടുക്കുന്നത് ഞാനാണ്. അങ്ങനെയുള്ള സെറ്റപ്പിലാണ് ഞാൻ ജീവിക്കുന്നത്. ഭർത്താവിന്റെ മാതാപിതാക്കളോടൊക്കെ ചോദിക്കേണ്ട സാഹചര്യമായിരുന്നെങ്കിൽ കാര്യങ്ങൾ മാറിയേനെ’. (Images: Sabitta George/ Instagram)

‘എല്ലാം പെർഫെക്ട് ആണെന്ന് ഞാൻ പറയുന്നില്ല. മോളെ മിസ് ചെയ്യുന്നുണ്ട്. ചില സമയത്ത് മകളുടെ കൂടെ ഉണ്ടായിരുന്നെങ്കിലെന്ന് തോന്നാറുണ്ട്''. (Images: Sabitta George/ Instagram)