ChatGPT | പൊന്ന് ChatGPT, നമിച്ച്; സിദ്ധാർഥ്, കിയാരാ വിവാഹത്തെക്കുറിച്ച് ചോദിച്ചപ്പോൾ ലഭിച്ചത് ലോകത്തെങ്ങുമില്ലാത്ത മറുപടി

ഫെബ്രുവരി ആറിന് രാജസ്ഥാനിലെ ജയ്സൽമാറിൽ രാജകീയ വിവാഹത്തിനൊരുങ്ങുകയാണ് നടി കിയാരാ അദ്വാനിയും (Kiara Advani) നടൻ സിദ്ധാർഥ് മൽഹോത്രയും (Sidharth Malhotra). സിനിമാ സെറ്റിലെ പ്രണയമാണ് വിവാഹത്തിലെത്തുന്നത്. അത്യാർഭാട വിവാഹത്തിനായി വധൂവരന്മാരും ക്ഷണിക്കപ്പെട്ട അതിഥികളും എത്തിക്കഴിഞ്ഞ വാർത്തകളും ദൃശ്യങ്ങളും സോഷ്യൽ മീഡിയയിൽ പ്രചരിക്കുകയാണ്‌

താരങ്ങളും എന്തിനും ഏതിനും വിദ്യാർഥികൾ പോലും ആശ്രയിക്കുന്ന ChatGPTയും തമ്മിൽ എന്ത് ബന്ധമെന്നറിയാമോ? ഏതു കാര്യത്തിനും ChatGPT യോട് പോയി ചോദ്യങ്ങൾ ചോദിക്കുന്നവർക്കുള്ള ഉത്തരമാണ് കിയാരാ- സിദ്ധാർഥ് വിവാഹത്തിന്റെ വിവരം അന്വേഷിച്ചപ്പോൾ ലഭിച്ച മറുപടി (തുടർന്ന് വായിക്കുക)

സിദ്ധാർഥ് മൽഹോത്രയുടെയും കിയാരാ അദ്വാനിയുടെയും വിവാഹം എവിടെയാണ് എന്നാണ് ചോദ്യം. പക്ഷെ ലോകത്താരും പറയാത്ത ഉത്തരമാണ് ChatGPT മറുപടിയായി കൊടുത്തത്

'സിദ്ധാർഥ് മൽഹോത്രയും കിയാരാ അദ്വാനിയും പ്രശസ്ത ബോളിവുഡ് താരങ്ങളാണ്. പക്ഷേ എന്റെ അറിവിൽ, ഇവർ വിവാഹിതരാകുമെന്നതിന്റെ പൊതു റെക്കോർഡുകൾ ഒന്നും തന്നെയില്ല. ഒരു സ്വകാര്യ വിവാഹത്തിന്റെ വിവരങ്ങൾ പൊതുവായി ലഭിക്കില്ല' എന്നാണ് മറുപടി. ബോളിവുഡ് പാപ്പരാസി വീരൽ ഭയാനിയാണ് ഇത് സ്ക്രീൻഷോട്ട് സഹിതം പോസ്റ്റ് ചെയ്തത്

രാജസ്ഥാനിലെ ആഡമ്പര കൊട്ടാരത്തിൽ നടക്കുന്ന വിവാഹത്തിൽ അതിഥികളുടെ എണ്ണം 100നും 125നും മദ്ധ്യേ ആയിരിക്കും. കരൺ ജോഹർ, മനീഷ് മൽഹോത്ര തുടങ്ങിയവർ ചടങ്ങിൽ സംബന്ധിക്കും. ഫൈവ് സ്റ്റാർ സൗകര്യങ്ങളാണ് ഒരുക്കിയിട്ടുള്ളത്

വധൂവരന്മാർ വിവാഹത്തിനായി എയർപോർട്ടിൽ നിന്നും തിരിക്കുന്ന ദൃശ്യങ്ങൾ സോഷ്യൽ മീഡിയയിൽ ശ്രദ്ധനേടിയിട്ടുണ്ട്