Vaani Kapoor | സൗന്ദര്യം കൂട്ടാൻ നടി വാണി കപൂർ പ്ലാസ്റ്റിക് സർജറി ചെയ്തോ? മറുപടിയുമായി താരം

ബോളിവുഡിൽ അടുത്തിടെയായി ശ്രദ്ധേയയായി മാറുന്ന നടിയാണ് വാണി കപൂർ. ഇപ്പോൾ രൺബീർ കപൂറിനൊപ്പം അഭിനയിച്ച ഷംഷേര എന്ന ചിത്രത്തിന്‍റെ ട്രെയിലറും ടീസറും പാട്ടുകളും പുറത്തുവന്നതോടെ വാണി കപൂറിന്‍റെ താരപദവി ഒന്നുകൂടി വർദ്ധിച്ചിട്ടുണ്ട്.

ഷംഷേര എന്ന സിനിമയിലെ വാണി കപൂറിന്‍റെ മേക്കോവറാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. സൗന്ദര്യം കൂട്ടാൻ നടി വാണി കപൂർ പ്ലാസ്റ്റിക് സർജറി ചെയ്തോ എന്നാണ് ആരാധകർ ചോദിക്കുന്നത്.

എന്നാൽ ആരാധകരുടെ സംശയങ്ങൾക്ക് മറുപടിയുമായി വാണി കപൂർ തന്നെ നേരിട്ടെത്തി. ഷംഷേരയിൽ അഭിനയിക്കുന്നതിനായി ശരീരഭാരം കുറച്ചിരുന്നു. ഇതിന്‍റെ വ്യത്യാസം തന്‍റെ മുഖത്തും ഉണ്ടായതായി വാണി കപൂർ പറയുന്നു.

പാരീസിലെ ഷൂട്ടിങ്ങ് സമയം നല്ല തണുപ്പായിരുന്നു. ഇത് മുഖത്ത് മാറ്റമുണ്ടാകാൻ കാരണമായിട്ടുണ്ട്. ക്യാമറകൾ ഇൻ ചെയ്തു മുഖം കാണിക്കുന്നതും വ്യത്യാസം കാണിക്കാനിടയാക്കുന്നുണ്ട്. മുഖം വ്യത്യസ്ത കോണുകളിൽനിന്ന് വ്യത്യസ്തമായിട്ടല്ല സ്ക്രീനിൽ കാണുന്നതെന്നും താരം ചൂണ്ടിക്കാണിക്കുന്നു.

തനിക്ക് പ്ലാസ്റ്റിക് സർജറി ചെയ്യാനുള്ള സമ്പാദ്യമൊന്നുമില്ലെന്ന് വാണി കപൂർ പറയുന്നു. പ്ലാസ്റ്റിക് സർജറി ചെയ്യാനുള്ള വരുമാനം കണ്ടെത്താൻ മാത്രം സിനിമകളിലൊന്നും താൻ അഭിയിച്ചിട്ടില്ല. അതുകൊണ്ടുതന്നെ അതിന് ശ്രമിച്ചിട്ടില്ല. ഇപ്പോൾ തനിക്ക് പ്ലാസ്റ്റിക് സർജറിയുടെ ആവശ്യമുണ്ടെന്ന് തോന്നുന്നില്ലെന്നും വാണി കപൂർ പറഞ്ഞു.

ശുദ്ധി ദേശി റൊമാൻസ് എന്ന ചിത്രത്തിൽ സുശാന്ത് സിങ് രജ്പുതിനൊപ്പം അഭിനയിച്ചുകൊണ്ടാണ് വാണി കപൂർ ബോളിവുഡിൽ അരങ്ങേറിയത്. ഈ സിനിമയിൽ ഇവർക്കൊപ്പം പരിനീതി ചോപ്രയും അഭിനയിച്ചിരുന്നു. ലിവ് ഇൻ ടുഗെദറായി ജീവിക്കുന്ന പങ്കാളികളുടെ കഥയാണ് ശുദ്ധി ദേശി റൊമാൻസ് പറഞ്ഞത്.