Divorce | സിനിമാ ലോകത്ത് വീണ്ടും വിവാഹമോചനം; 17 വർഷത്തെ ദാമ്പത്യം അവസാനിപ്പിക്കുന്നതായി സംവിധായകൻ ബാല

സംവിധായകൻ ബാലയും (director Bala) ഭാര്യ മുത്തുമലറും മാർച്ച് അഞ്ചിന് കുടുംബ കോടതിയിൽ വിവാഹമോചനം നേടിയതായി റിപ്പോർട്ട്. 17 വർഷത്തെ ദാമ്പത്യത്തിന് ശേഷമാണ് ഇരുവരും വേർപിരിഞ്ഞത് എന്ന് 'ടൈംസ് ഓഫ് ഇന്ത്യ' റിപ്പോർട്ടിൽ പറയുന്നു. സംവിധായകൻ ബാല തമിഴ് സിനിമയിലെ മുൻനിര സംവിധായകരിൽ ഒരാളാണ്. ‘നന്ദ’, ‘പിതാമഗൻ’, ‘നാൻ കടവുൾ’, ‘പരദേശി’, ‘സേതു’ തുടങ്ങിയ ഹിറ്റുകൾ അദ്ദേഹം സമ്മാനിച്ചിട്ടുണ്ട്

2004 ജൂലായ് 5-ന് മധുരയിൽ വെച്ച് മുത്തുമലരുമായി അദ്ദേഹം വിവാഹിതനായി. ഇവർ ഒരു പെൺകുട്ടിയുടെ മാതാപിതാക്കളാണ്. വിവാഹമോചന തീരുമാനത്തിലെത്താനുള്ള കാരണങ്ങളും റിപ്പോർട്ടിൽ പരാമർശിക്കുന്നു (തുടർന്ന് വായിക്കുക)

നാലുവർഷമായി ഇരുവരും വേർപിരിഞ്ഞ് താമസിച്ചുവെന്നും പരസ്പര സമ്മതത്തോടെയാണ് വിവാഹമോചനത്തിന് അപേക്ഷിച്ചതെന്നുമാണ് റിപ്പോർട്ട്

ധ്രുവ് വിക്രമിനെ നായകനാക്കി അർജുൻ റെഡ്ഡിയുടെ റീമേക്ക് ചിത്രമായ ‘വർമ്മ’യാണ് ബാല അവസാനമായി തമിഴിൽ സംവിധാനം ചെയ്തത്. ഉടൻ തന്നെ സൂര്യയെ വച്ച് തന്റെ അടുത്ത ചിത്രം സംവിധാനം ചെയ്യും

ബാലയുമായുള്ള സഹകരണം പരോക്ഷമായി സ്ഥിരീകരിക്കുന്ന തരത്തിൽ സംവിധായകൻ ബാലയ്‌ക്കൊപ്പമുള്ള ഒരു ചിത്രം സൂര്യ തന്റെ ട്വിറ്റർ അക്കൗണ്ടിൽ കുറച്ച് ദിവസങ്ങൾക്ക് മുമ്പ് പങ്കിട്ടിരുന്നു

ബാല തന്റെ ജോലിയിൽ ശ്രദ്ധ കേന്ദ്രീകരിക്കുമ്പോൾ, മലർ പലപ്പോഴും ജയം രവിയുടെ ഭാര്യ ആരതി, ഗായിക സൈന്ധവി തുടങ്ങിയ സിനിമാ ലോകത്തെ സുഹൃത്തുക്കൾക്കൊപ്പം കാണാറുണ്ട്