ദിയ കൃഷ്ണയുടെയും കാമുകൻ വൈഷ്ണവിന്റെയും വിവാഹനിശ്ചയം 'തീരുമാനിച്ച്' യൂട്യൂബ് ചാനൽ; മറുപടിയുമായി ദിയ

ലുക്കിലും നിലപാടിലും ബോൾഡ് ആണ് ദിയ കൃഷ്ണ. സൈബർ ആക്രമണകാരികൾ ദിയയുടെ മുന്നിൽ പയറ്റാൻ വന്നാൽ മുട്ടുമടക്കത്തെ വേറെ വഴിയില്ല. തന്നെയോ, കുടുംബത്തെയോ കുറിച്ചുള്ള സൈബർ ഇടത്തിലെ ആക്രമണങ്ങൾക്കു മുന്നിൽ പതറാതെ ഉരുളയ്ക്ക് ഉപ്പേരി എന്നപോലെ മറുപടി കൊടുത്ത യുവതിയാണ് ദിയ. കൃഷ്ണ കുമാറിന്റെ രണ്ടാമത്തെ മകളാണ് 

കുറച്ചു ദിവസങ്ങൾക്കു മുൻപാണ് ദിയയും കൂട്ടുകാരൻ വൈഷ്ണവ് ഹരിചന്ദ്രനും തമ്മിൽ പ്രണയത്തിലാണെന്ന കാര്യം ദിയ സ്ഥിരീകരിച്ചത്. ഇരുവരും ഇൻസ്റ്റഗ്രാം പേജ്, യൂട്യൂബ് ചാനലുകളുമായി സജീവമാണ്. ദിയയെ പോലെ തന്നെ സോഷ്യൽ മീഡിയ ഇൻഫ്ലുവെൻസർ കൂടിയാണ് വൈഷ്ണവ്. എന്നാലിപ്പോൾ ഇവരുടെ വിവാഹനിശ്ചയ വാർത്തയെ കുറിച്ച് പ്രതികരിക്കുകയാണ് ദിയ (തുടർന്ന് വായിക്കുക)

അലങ്കാരപ്പണികളുള്ള ഒരു വസ്ത്രം ധരിച്ചു നിൽക്കുന്ന ദിയയുടെ ചിത്രം എടുത്ത് അത് എൻഗേജ്മെന്റ് ലുക്ക് എന്ന നിലയിലാണ് പ്രചരിപ്പിക്കുന്നത്. വൈഷ്ണവിന്റെ ഒരു ഫോട്ടോഷൂട്ട് ചിത്രവും ഇതോടൊപ്പം ചേരുന്നു. ഇവർക്ക് കൊടുക്കാൻ ദിയക്ക് ഒരു മറുപടിയുമുണ്ട്. ഈ യൂട്യൂബ് ചാനലിന്റെ സ്ക്രീൻഷോട്ട് സഹിതമാണ് ദിയ പോസ്റ്റ് ചെയ്തിരിക്കുന്നത്

'വൗ! ഈ പേജ് എന്റെ ഭാവി കണ്ടെത്തിയിരിക്കുന്നു. എന്റെ വിവാഹനിശ്ചയ തിയതിയും തീരുമാനിച്ചു. അടിപൊളി, ഒന്നും പറയാനില്ല. വൈഷ്ണവ്, നിന്നെ ക്ഷണിച്ചിരുന്നോ?' എന്നാണ് ദിയ ചോദിക്കുന്നത്

ഇതാണ് ദിയ പോസ്റ്റ് ചെയ്ത സ്ക്രീൻഷോട്ടും, അതിനുള്ള മറുപടിയും

അടുത്തിടെ തന്റെ കിടിലം സ്വിംസ്യൂട്ട് ചിത്രങ്ങൾ പോസ്റ്റ് ചെയ്ത് ദിയ ശ്രദ്ധ നേടിയിരുന്നു. അതിനുമേൽ സദാചാരം വിളമ്പാൻ വന്നവരെയും ദിയ നിരാശപ്പെടുത്താതെ മറുപടി നൽകി അയച്ചു. ഒട്ടേറെ ബ്രാൻഡുകൾ ദിയ പ്രൊമോട്ട് ചെയ്യാറുണ്ട്

കഴിഞ്ഞ വർഷം നടത്തിയ മാലിദ്വീപ് സന്ദർശനത്തിനിടെ പകർത്തിയ ദിയയുടെ ചിത്രം

കഴിഞ്ഞ വർഷം നടത്തിയ മാലിദ്വീപ് സന്ദർശനത്തിനിടെ പകർത്തിയ ദിയയുടെ ചിത്രം