Samantha| 'തന്റെ മൗനത്തെ അറിവില്ലായ്മയായി തെറ്റിദ്ധരിക്കരുതെന്ന് സാമന്ത'; കാര്യം മനസ്സിലാകാതെ ആരാധകർ

തെന്നിന്ത്യൻ സിനിമയിൽ ഏറ്റവും കൂടുതൽ ആരാധകരും കൂടുതൽ പ്രതിഫലവും വാങ്ങുന്ന നടിയാണ് സാമന്ത റൂത്ത് പ്രഭു(Samantha). നാഗചൈതന്യയുമായുള്ള വിവാഹ ബന്ധം വേർപെടുത്തിയതിനു പിന്നാലെ മുഴുവൻ ശ്രദ്ധയും കരിയറിന് നൽകിയിരിക്കുകയാണ് സാമന്ത.

വ്യക്തി ജീവിതത്തിലെ തിരിച്ചടികൾ ഒരിക്കലും പ്രൊഫഷണൽ ജീവിതത്തിൽ പ്രതിഫലിപ്പിക്കാത്ത നടികൂടിയാണ് സാം. സോഷ്യൽമീഡിയയിൽ സജീവമായ താരത്തിന്റെ പുതിയ ട്വീറ്റ് കണ്ട് അമ്പരന്നിരിക്കുകയാണ് ആരാധകർ.

തന്റെ മൗനത്തെ അറിവില്ലായ്മായയും ശാന്തതയെ അംഗീകരിക്കലായും ദയയെ ബലഹീനതയായും തെറ്റിദ്ധരിക്കരുതെന്നാണ് സാമന്ത ട്വീറ്റ് ചെയ്തിരിക്കുന്നത്. പ്രിയപ്പെട്ട നടിയുടെ ട്വീറ്റ് കണ്ട് കാര്യമെന്താണെന്ന് മനസ്സിലാകാതെ പകച്ചിരിക്കുകയാണ് ആരാധകർ.

എല്ലാം ഓകെ അല്ലേയെന്നാണ് ആരാധകർ ട്വീറ്റിന് മറുപടിയായി ചോദിക്കുന്നത്. സാം ദേഷ്യത്തിലാണെന്നും സ്വസ്ഥമായി ഇരിക്കൂവെന്നുമാണ് ആരാധകർ പറയുന്നത്.

അതേസമയം, തന്റെ ട്വീറ്റ് എന്തിനെ കുറിച്ചാണെന്ന് സാമന്തയും വ്യക്തമാക്കിയിട്ടില്ല. ആരാധകർ തങ്ങളുടെ ഭാവനയ്ക്ക് അനുസരിച്ച് കാരണങ്ങൾ കണ്ടെത്തുകയാണ്.

കഴിഞ്ഞ വർഷം ഒക്ടോബറിലാണ് സാമന്തയും നാഗചൈതന്യയും വേർപിരിയുന്നതായി പ്രഖ്യാപിച്ചത്. ഇതിനു പിന്നാലെ ഇരുവരുടേയും പേരുകൾ നിരന്തരം വാർത്തകളിൽ ഇടംപിടിക്കാറുമുണ്ട്.

‌വേർപിരിയൽ പ്രഖ്യാപിച്ചതിനു പിന്നാലെ സാമന്തയ്ക്കെതിരെ വലിയ രീതിയിലുള്ള സൈബർ ആക്രമണവും നടന്നിരുന്നു. ഇതിനെതിരെ ശക്തമായ ഭാഷയിലായിരുന്നു താരം പ്രതികരിച്ചത്.

തെന്നിന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന രണ്ടാമത്തെ നടിയാണ് സാമന്ത. നയൻതാരയാണ് സാമന്തയേക്കാൾ പ്രതിഫലം വാങ്ങുന്ന ഏക നടി.

പുഷ്പയിലെ ഐറ്റം സോങ്ങിന് ശേഷം അടുത്ത സാമന്ത ചിത്രത്തിനായി കാത്തിരിക്കുകയാണ് ആരാധകർ. നിരവധി ചിത്രങ്ങളാണ് സാമന്തയുടേതായി ഇനി പുറത്തിറങ്ങാനുള്ളത്.

സാമന്തയും നയൻതാരയും ആദ്യമായി ഒന്നിക്കുന്ന കാത്തു വാക്കുള രെണ്ട് കാതൽ പുറത്തിറങ്ങാനിരിക്കുകയാണ്. വിജയ് സേതുപതിയാണ് ചിത്രത്തിലെ നായകൻ. ശാകുന്തളമാണ് സാമന്തയുടെ മറ്റൊരു ചിത്രം. ഇതുകൂടാതെ വിജയ് ദേവരകൊണ്ട നായകനാകുന്ന പുതിയ ചിത്രത്തിലും സാമന്തയാണ് നായികയായെത്തുന്നത്.