'ദൃശ്യം' മെയ്ഡ് ഇൻ ചൈന; ഡിസംബർ 20-ന് തിയേറ്ററുകളിലെത്തും

മോഹന്‍ലാലിനെ നായകനാക്കി ജീത്തു ജോസഫ് സംവിധാനം ചെയ്ത 'ദൃശ്യം' ചൈനീസ് ഭാഷയിലേക്കും. ഷീപ്പ് വിത്തൗട്ട് എ ഷെപ്പേർഡ് എന്ന പേരിലാണ് ചൈനയിൽ ചിത്രം പ്രദർശനത്തിനെത്തുന്നത്.

ആദ്യമായാണ് ഒരു മലയാള ചിത്രം ചൈനീസ് ഭാഷയില്‍ റീമേക്ക് ചെയ്യുന്നത്. ദൃശ്യത്തിലെ പല രംഗങ്ങളും അതേ പടി ചൈനീസ് ചിത്രത്തിലേക്കും പകർത്തിയിട്ടുണ്ട്.

കൊലപാതകത്തിനു ശേഷം മൊബൈൽ ലോറിയിലേക്ക് എറിഞ്ഞ് ജോർജ്കുട്ടി പൊലീസിനെ വഴി തെറ്റിക്കുന്നതുൾപ്പെടെയുള്ള രംഗങ്ങൾ അതേപടി ചൈനീസ് വേർഷനിലുമുണ്ട്.

ഡിസംബര്‍ 20 ന് ചിത്രം തിയേറ്ററുകളിലെത്തും.

ഷീപ്പ് വിത്തൗട്ട് എ ഷെപ്പേർഡിൽ നിന്നുള്ള ദൃശ്യം.