Esther Anil| സാരിയിൽ തിളങ്ങി എസ്തർ അനിൽ; പുത്തൻ ചിത്രങ്ങൾ വൈറൽ

വീണ്ടും ഗ്ലാമറസ് ഫോട്ടോഷൂട്ടുമായി ആരാധകരെ ഞെട്ടിച്ചിരിക്കുകയാണ് പ്രിയ താരം എസ്തർ അനിൽ (Esther Anil). മോഹൻലാൽ ചിത്രം ദൃശ്യം ഒന്നാം ഭാഗത്തിലൂടെ ബാലതാരമായെത്തിയ എസ്തർ സോഷ്യൽ മീഡിയയിൽ ഫോട്ടോകളുമായി സജീവമാണ്. സിനിമയിലും എസ്തർ നായികാ വേഷം ചെയ്തു തുടങ്ങിയിട്ടുണ്ട്. ദൃശ്യം രണ്ടാം ഭാഗത്തിലും വേഷമിട്ടിരുന്നു. എസ്തർ അനിൽ സാരിയിൽ പ്രത്യക്ഷപ്പെടുന്ന ഫോട്ടോകൾ അതിവേഗത്തിൽ വൈറലായിരിക്കുകയാണ്.

ദൃശ്യം സിനിമയുടെ റീമേക്കുകളിലൂടെ തെന്നിന്ത്യയിലാകെ പ്രശസ്തയാണ് എസ്തർ. പുതിയ ചിത്രങ്ങൾ ദൃശ്യത്തിലെ ആ കൊച്ചുകുട്ടിയുടേതാണെന്ന് പല ആരാധകര്‍ക്കും ഇപ്പോഴും വിശ്വാസമായിട്ടില്ല. ഏറ്റവും പുതിയ ഫോട്ടോഷൂട്ടിൽ നിന്നുള്ള ഏതാനും ചിത്രങ്ങളാണ് എസ്തർ പോസ്റ്റ് ചെയ്തിട്ടുള്ളത്. തന്റെ വസ്ത്രധാരണത്തെ വിമർശിച്ചവർക്കു മുന്നിൽ കൂടുതൽ ചിത്രങ്ങൾ പോസ്റ്റ് ചെയ്താണ് എസ്തർ മറുപടി നൽകിയിട്ടുള്ളത്.

ദൃശ്യം ഒന്നാം ഭാഗം ഇറങ്ങുമ്പോൾ എസ്തറിന് 12 വയസ്സായിരുന്നു. സിനിമ ഇറങ്ങിയിട്ട് 8 വർഷം കഴിഞ്ഞു. ബാലതാരത്തിൽ നിന്നും നായികയായി മാറിയിരിക്കുകയാണ് താരം. വിവിധ തെന്നിന്ത്യൻ ഭാഷകളിൽ നിന്ന് നിരവധി ഓഫറുകൾ താരത്തെ തേടിയെത്തിയെന്നാണ് ഏറ്റവും പുതിയ വിവരം.

പല ലുക്കുകൾ പരീക്ഷിക്കുന്നതിനുള്ള താത്പപര്യം എസ്തറിന്റെ ഫോട്ടോഷൂട്ടുകളിൽ ദൃശ്യമാണ്. എസ്തർ അനിൽ ചൂടൻ ഫോട്ടോഷൂട്ടുകളുമായി ഇപ്പോൾ സോഷ്യൽ മീഡിയ കീഴടക്കിയെന്ന് നിസംശയം പറയാം.

2014ലാണ് ദൃശ്യം സിനിമ ഇറങ്ങിയത്. മലയാളത്തിലും തെലുങ്കിലും ഒറിജിനൽ പതിപ്പിൽ എസ്തർ അഭിനയിച്ചിട്ടുണ്ട്. 20 വയസ്സായ എസ്തറിന്റെ ചിത്രങ്ങൾ സിനിമാ ലോകത്തെ തന്നെ ഞെട്ടിച്ചിരിക്കുകയാണ് ഇപ്പോള്‍.

എട്ടു വർഷം കൊണ്ട് വലിയ മാറ്റമാണ് താരത്തിനുണ്ടായത്. കൊച്ചു മിടുക്കിയായ ബാലതാരത്തിൽ നിന്നും നായികയാകാനുള്ള തയാറെടുപ്പിലാണ് എസ്തർ. യുവ നായകന്മാർക്കൊപ്പം അഭിനയിക്കാൻ ഒരുങ്ങുകയാണ് ഈ സുന്ദരി. (എസ്തർ അനിൽ / ട്വിറ്റർ) 

തെലുങ്കിൽ എസ്തർ ഇതിനോടകം ഒന്നുരണ്ട് ഹ്രസ്വചിത്രങ്ങൾ ചെയ്തിട്ടുണ്ട്. OTT സിനിമകളിൽ നായികയായി എത്തിയും എസ്തർ അംഗീകാരം നേടിയിരുന്നു. നായികയായി ബിഗ് സ്ക്രീനിൽ പ്രവേശിക്കാനൊരുങ്ങുകയാണ് എസ്തർ. (എസ്തർ അനിൽ / ട്വിറ്റർ)

തെലുങ്കിൽ വെങ്കിടേഷ് നായകനാകുന്ന ദൃശ്യം 2ൽ എസ്തർ അനിലും അഭിനയിക്കുന്നുണ്ട്. ആദ്യ ഭാഗത്തിൽ ചെയ്ത അതേ വേഷം തന്നെയാണ് രണ്ടാം ഭാഗത്തിലും ചെയ്തത്. ഇതിൽ വെങ്കിടേഷിന്റെ ഇളയ മകളായാണ് എസ്തർ പ്രത്യക്ഷപ്പെട്ടത്. സിനിമയിലെ അഭിനയത്തിന് മികച്ച അഭിപ്രായമാണ് ലഭിച്ചത്. (എസ്തർ അനിൽ / ട്വിറ്റർ)

ദൃശ്യം 2 നവംബർ 25നാണ് പുറത്തിറങ്ങിയത്. ഈ സിനിമയിലെ അഭിനയം ശ്രദ്ധിക്കപ്പെട്ടതോടെ തെലുങ്കിൽ ഒട്ടേറെ അവസരം താരത്തെ തേടിയെത്തുമെന്നാണ് വിവരം. (എസ്തർ അനിൽ / ട്വിറ്റർ)

നായികയായി വമ്പൻ ബ്രേക്കിനായി കാത്തിരിക്കുകയാണ് എസ്തർ അനിൽ. വൈകാതെ മികച്ച അവസരങ്ങൾ തനിക്ക് മുന്നിലെത്തുമെന്ന പ്രതീക്ഷയിലാണഅ താരം. (എസ്തർ അനിൽ / ട്വിറ്റർ)