Dulquer Salmaan | ഇന്‍സ്റ്റയില്‍ പത്ത് മില്യണ്‍ ഫോളോവേഴ്‌സ്; മമ്മൂട്ടിയെയും മോഹന്‍ലാലിനെയും പിന്നിലാക്കി ദുല്‍ഖര്‍

മലയാള സിനിമയിലെ യുവതാരങ്ങളില്‍ ഏറ്റവും കൂടുതല്‍ ആരാധക പിന്തുണയുള്ള താരമാണ് ദുല്‍ഖര്‍ സല്‍മാന്‍. 2012ല്‍ സെക്കന്‍ഡ് ഷോ എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ചു. പിന്നീടിങ്ങോട്ട് നിരവധി ഹിറ്റു ചിത്രങ്ങള്‍ ആണ് താരം സമ്മാനിച്ചത്.

ഇപ്പോഴിതാ ഇന്‍സ്റ്റാഗ്രാം ഫോളോവേഴ്‌സില്‍ മമ്മൂട്ടിയെയും മോഹന്‍ലാലിനെയും പിന്തള്ളിയിരിക്കുകയാണ് ദുല്‍ഖര്‍. ഇന്‍സ്റ്റാഗ്രാമില്‍ പത്ത് മില്യണ്‍ ഫോളോവേഴ്‌സാണ് ദുല്‍ഖര്‍ സ്വന്തമാക്കിയിരിക്കുന്നത്.

മോഹന്‍ലാലിനും, മമ്മൂട്ടിക്കും വളരെ ദൂരം മുന്നിലാണ് ദുല്‍ഖര്‍. 4.4 മില്യണ്‍ ഫോളോവര്‍മാരാണ് മോഹന്‍ലാലിനുള്ളത്. 3 മില്യണാണ് മമ്മൂട്ടിയുടെ ഇന്‍സ്റ്റഗ്രാം ഫോളോവര്‍മാരുടെ എണ്ണം. തെന്നിന്ത്യന്‍ താരങ്ങളില്‍ മൂന്നാം സ്ഥാനത്താണ് താരം.

ഹേയ് സിനാമിക എന്ന തമിഴ് ചിത്രമാണ് ദുല്‍ഖറിന്റേതായി പുറത്തുവരാനിരിക്കുന്നത്. തമിഴിനും മലയാളത്തിനും പുറമെ തെലുങ്ക്, കന്നഡ തുടങ്ങി ഭാഷകളിലും ചിത്രം റിലീസ് ചെയ്യും. അദിതി റാവുവും കാജല്‍ അഗര്‍വാളുമാണ് ചിത്രത്തിലെ നായികമാര്‍.

ഒന്നാം സ്ഥാനത്ത് 15 മില്യണ്‍ ഫോളോവേഴ്‌സുമായി അല്ലു അര്‍ജുന്‍ ആണ് ഒന്നാം സ്ഥാത്ത്. 14.2 മില്യണ്‍ ഫോളോവേഴ്‌സുമായി വിജയ് ദേവരകൊണ്ടയാണ് അല്ലുവിന് പിന്നിലുള്ളത്. രാം ചരണ്‍ (5), ജൂനിയര്‍ എന്‍.ടി.ആര്‍ (3.5), പ്രഭാസ് (7.7), മഹേഷ് ബാബു (7.6) എന്നിങ്ങനെയാണ് ഇന്‍സ്റ്റഗ്രാം ഫോളോവേഴ്സിന്റെ എണ്ണം.