സിനിമ ഒരു വ്യക്തിയിൽ നിന്ന് പ്രചോദനം ഉൾക്കൊണ്ടതുകൊണ്ട് അത് ജീവചരിത്രമാകില്ല'; 'കുറുപ്പ്' സിനിമക്കെതിരായ ഹര്‍ജിയില്‍ ഹൈക്കോടതി
സിനിമ കുറ്റവാളിയായ കുറുപ്പിന്റെ സ്വകാര്യതയ്ക്കുള്ള അവകാശത്തെ ബാധിക്കുമെന്ന് അവകാശപ്പെട്ടാണ് പൊതുതാൽപര്യ ഹർജി സമർപ്പിച്ചത്
ഒരു പ്രഖ്യാപിത കുറ്റവാളിയുടെ ജീവിതത്തിൽ നിന്ന് പ്രചോദനം ഉൾക്കൊണ്ട് ഒരു സിനിമ എടുത്താല്‍ അത് ആ വ്യക്തിയുടെ ജീവിതകഥയെ പൂർണമായി ചിത്രീകരിക്കുന്നു എന്നല്ല അര്‍ത്ഥമെന്ന് കേരള ഹൈക്കോടതി. ദുല്‍ഖര്‍ സല്‍മാന്‍ നായകനായെത്തിയ കുറുപ്പ് എന്ന ചിത്രത്തിന്‍റെ റിലീസ് തടയണമെന്നാവശ്യപ്പെട്ട് സമര്‍പ്പിച്ച ഹര്‍ജി തള്ളിക്കൊണ്ടാണ് കോടതി ഇക്കാര്യം പറഞ്ഞത്
2021-ൽ ചിത്രം റിലീസ് ചെയ്യുന്നതിന് മൂന്ന് ദിവസം മുമ്പ് ഒരു അഭിഭാഷകൻ, കുറ്റവാളിയായ കുറുപ്പിന്റെ സ്വകാര്യതയ്ക്കുള്ള അവകാശത്തെ ബാധിക്കുമെന്ന് അവകാശപ്പെട്ടാണ് പൊതുതാൽപര്യ ഹർജി സമർപ്പിച്ചത്. കുറുപ്പിനെപ്പോലുള്ള പ്രഖ്യാപിത കുറ്റവാളികളുടെ സ്വകാര്യത സംരക്ഷിക്കാൻ കേന്ദ്രത്തിനും സംസ്ഥാന സർക്കാരിനും നിർദേശം നൽകണമെന്നും ഹർജിയിൽ ആവശ്യപ്പെട്ടിരുന്നു .
"ഒരു പ്രഖ്യാപിത കുറ്റവാളിയുടെ ജീവിതകഥയിൽ നിന്ന് പ്രചോദനം ഉൾക്കൊണ്ട് കഥ പൂർണ്ണമായും ആ വ്യക്തിയുടെ ജീവിതകഥയാണെന്ന് അർത്ഥമാക്കുന്നില്ല എന്ന അഞ്ചാം പ്രതിയുടെ (സിനിമാ നിർമ്മാതാക്കളിൽ ഒരാൾ) വാദത്തോട് ഈ കോടതി യോജിക്കുന്നു. ആ കഥയുടെ പ്രസിദ്ധീകരണം ആ വ്യക്തിയുടെ സ്വകാര്യതയെ ബാധിക്കും. ഈ പ്രത്യേക കേസിൽ കുറുപ്പിനെതിരായ വിശദാംശങ്ങൾ പൊതു രേഖകളുടെ ഭാഗമാണെന്നും ആർക്കും ആക്‌സസ് ചെയ്യാമെന്നും കോടതി പറഞ്ഞു.
