Dulquer Salmaan | മമ്മുക്കയുടെ റിവേഴ്‌സ് ഗിയർ പ്രായം മരുമകൾക്കും? ഭാര്യയെക്കുറിച്ച് ദുൽഖർ സൽമാൻ

പ്രായം പിന്നിലോട്ട് ഓടുന്നു എന്നതാണ് മമ്മുക്കയെക്കുറിച്ചുള്ള പ്രധാന വിശേഷണം. സമപ്രായക്കാരുമായി പലയിടത്തും കാണപ്പെടുമ്പോൾ പോലും ചുള്ളനായ മമ്മൂട്ടി (Mammootty) പലപ്പോഴും വേറിട്ട് നിൽക്കാറുണ്ട്. എന്നാൽ റിവേഴ്‌സ് ഗിയർ അദ്ദേഹത്തിന് മാത്രമല്ല, മരുമകൾ അമാൽ സൂഫിയക്കും (Amal Sufiya) ഉണ്ടെന്നേ. ഇത് പറഞ്ഞത് ആരാധകരൊന്നുമല്ല, സാക്ഷാൽ ദുൽഖർ സൽമാൻ (Dulquer Salmaan) ഭാര്യയെക്കുറിച്ചു പറഞ്ഞതാണ്

2011ലാണ് ദുൽഖറിന്റെ ജീവിത സഖിയായി അമാൽ കടന്നു വരുന്നത്. മറിയം ഏകമകളാണ്. ദുൽഖറിന്റെ സിനിമാ ലോകത്തെ വളച്ചയ്‌ക്കൊപ്പം അന്നും ഇന്നും അമാൽ ഉണ്ട്. ഇന്ന് അമാൽ സൂഫിയയുടെ പിറന്നാളാണ്. ജന്മദിനത്തിൽ ദുൽഖർ ഭാര്യയെ കുറിച്ച് പറഞ്ഞ വാചകങ്ങൾ കേൾക്കാം (തുടർന്ന് വായിക്കുക)

എന്റെ പ്രിയപ്പെട്ട ആം, ജന്മദിനാശംസകൾ നേരുന്നു! ഞങ്ങൾ ഒരുമിച്ച് ആഘോഷിച്ച ഒരു ഡസനോളം ജന്മദിനങ്ങൾ ഈ ദിവസം അടയാളപ്പെടുത്തുന്നു. ഇതുവരെയുള്ള കാലം എവിടെ പോയി? എനിക്ക് പ്രായമാകുകയാണ്, പക്ഷേ നീ അതേ പോലെയാണ്...

ഞാൻ നിരന്തരം അകലെയായിരിക്കുമ്പോൾ, എല്ലാത്തിനും ചുക്കാൻ പിടിച്ചതിന് നന്ദി. മേരിക്കൊപ്പം ഒരു രക്ഷിതാവ് ഉണ്ടെന്ന് ഉറപ്പ് വരുത്തി നീ അവൾക്കു അച്ഛന്റെയും അമ്മയുടെയും സാന്നിധ്യമായി നിറയുന്നു. നമ്മുടെ ജീവിതത്തിന്റെ പുസ്തകത്തിൽ നീ എഴുതാൻ സഹായിക്കുന്ന എല്ലാ പുതിയ അധ്യായങ്ങൾക്കും, എനിക്കൊപ്പം പുത്തൻ ലോകങ്ങൾ കണ്ടെത്തുന്നതിനുമായി...

നീ ആഗ്രഹിക്കും പോലെ, നിനക്ക് മികച്ച ജന്മദിനം ലഭിക്കുമെന്ന് ഞാൻ പ്രതീക്ഷിക്കുന്നു. നിനക്ക് ഇഷ്ടമുള്ളതുപോലെ, ലളിതവും മധുരവും നിനക്ക് വേണ്ടപ്പെട്ടവരുമാൽ ചുറ്റപ്പെട്ടതും സ്നേഹം നിറഞ്ഞതുമാവട്ടെ...

വീണ്ടും ജന്മദിനാശംസകൾ ബൂ. ഞാൻ നിന്നെ എന്നെന്നും സ്നേഹിക്കുന്നു'. ഭാര്യക്കൊപ്പമുള്ള ചിത്രങ്ങൾ പോസ്റ്റ് ചെയ്ത് ദുൽഖർ സൽമാൻ കുറിച്ചു