Dulquer Salmaan|'ഇതുവരെ പറയാത്ത മഹത്തായ പ്രണയകഥ'; വാപ്പച്ചിക്കും ഉമ്മിച്ചിക്കും വിവാഹ വാർഷിക ആശംസകളുമായി ദുൽഖർ സൽമാൻ

മാതാപിതാക്കളുടെ വിവാഹ വാർഷികത്തിന് മനോഹരമായ കുറിപ്പും അതിലും മനോഹരമായ ചിത്രവും പങ്കുവെച്ച് ദുൽഖർ സൽമാൻ(Dulquer Salmaan). മമ്മൂട്ടിയുടേയും (Mammootty)സുൽഫത്തിന്റേയും പഴയകാല ചിത്രമാണ് ദുൽഖർ പങ്കുവെച്ചിരിക്കുന്നത്.

ഇതുവരെ പറയാത്ത മഹത്തായ പ്രണയകഥ എന്നാണ് ദുൽഖർ ഫോട്ടോയ്ക്ക് കുറിപ്പായി നൽകിയിരിക്കുന്നത്. ഒപ്പം ഇരുവർക്കും വിവാഹ വാർഷിക ആശംസകളും നേർന്നു. 1980 ലാണ് മമ്മൂട്ടി വിവാഹതിനാകുന്നത്. സുറിമിയാണ് മമ്മൂട്ടിയുടെ മൂത്തമകൾ.

കഴിഞ്ഞ ദിവസം ദുൽഖറിന്റെ മകളുടെ അഞ്ചാം പിറന്നാളായിരുന്നു. തന്റെ മാലാഖയ്ക്ക് ഇന്ന് അ‍ഞ്ച് വയസ്സ് എന്നായിരുന്നു മമ്മൂട്ടി ഇൻസ്റ്റഗ്രാമിൽ പങ്കുവെച്ച ഫോട്ടോയ്ക്കൊപ്പമുള്ള കുറിപ്പിൽ പറഞ്ഞിരുന്നത്.

താര കുടുംബത്തിൽ ഇത് ആഘോഷങ്ങളുടെ ദിവസങ്ങളാണ്. ദിവസങ്ങൾക്ക് മുമ്പാണ് മമ്മൂട്ടിയുടെ ഭാര്യ സുൽഫത്തിന്റെ പിറന്നാൾ കഴിഞ്ഞത്. അന്ന് ഉമ്മയ്ക്കൊപ്പമുള്ള ചിത്രം ദുൽഖർ ഇൻസ്റ്റഗ്രാമിൽ പങ്കുവെച്ചിരുന്നു.

എസ്.എന്‍ സ്വാമി - കെ.മധു കൂട്ടുക്കെട്ടില്‍ പുറത്തിറങ്ങിയ സിബിഐ 5 ദി ബ്രെയിനാണ് മമ്മൂട്ടിയുടെ തിയേറ്ററുകളിലെത്തിയ പുതിയ ചിത്രം . നവാഗതയായ രതീന സംവിധാനം ചെയ്യുന്ന പുതിയ ചിത്രം പുഴു ഈ മാസം 13ന് ഒടിടി പ്ലാറ്റ്ഫോമായ സോണി ലിവിലൂടെ റിലീസ് ചെയ്യും. ചിത്രത്തിന്‍റെ ട്രെയിലര്‍ കഴിഞ്ഞ ദിവസം പുറത്തുവന്നിരുന്നു.