Durga Krishna | മിസ് യു ബ്രോയ്; ഭർത്താവ് അർജുൻ രവീന്ദ്രനെ മിസ് ചെയ്യുന്നുവെന്ന് ദുർഗ്ഗ കൃഷ്ണ

കഴിഞ്ഞ മാസമായിരുന്നു നടി ദുർഗ്ഗ കൃഷ്ണയുടെയും അർജുൻ രവീന്ദ്രന്റെയും വിവാഹം. ഗുരുവായൂരിൽ വച്ചുള്ള ലളിതമായ ചടങ്ങായിരുന്നു വിവാഹം. വിവാഹത്തിന് മുൻപും ശേഷവുമുള്ള പരിപാടികൾ അത്യാർഭാടമായിട്ടായിരുന്നു ദുർഗ്ഗയും അർജുനും കൊണ്ടാടിയത്. ഇവരുടെ 'സേവ് ദി ഡേറ്റ്' ചിത്രങ്ങൾ സോഷ്യൽ മീഡിയയിൽ വൈറലായിരുന്നു

മറ്റു ദമ്പതികളെ അപേക്ഷിച്ച് പരസ്പരം വളരെ വ്യത്യസ്തമായി 'ബ്രോയ്' എന്നാണ് ഈ ഭാര്യാഭർത്താക്കന്മാർ വിളിക്കുക. ഇക്കാര്യം ദുർഗ്ഗ തന്നെയാണ് പറഞ്ഞതും. എന്നാൽ കേവലം ഒരു മാസം പിന്നിടുമ്പോൾ രണ്ടുപേരും പരസ്പരം മിസ് ചെയ്യുകയാണ്. ഭർത്താവ് അർജുൻ ഇട്ട പോസ്റ്റ് ഇൻസ്റ്റഗ്രാം സ്റ്റോറിയിൽ റീ-പോസ്റ്റ് ചെയ്താണ് 'മിസ് യു ബ്രോയ്' എന്ന ക്യാപ്‌ഷനോടെ ദുർഗ്ഗ അവതരിപ്പിച്ചത്. വിവാഹത്തിന്റെ പുതുമോടിക്കിടയിൽ ദുർഗ്ഗയും അർജുനും പരസ്പരം മിസ് ചെയ്യാൻ ഒരു കാരണമുണ്ട് (തുടർന്ന് വായിക്കുക)

ഇവർക്കിടയിലെ വില്ലൻ മറ്റാരുമല്ല, ലോക്ക്ഡൗൺ തന്നെയാണ്. രണ്ടുപേരും രണ്ടു സ്ഥലങ്ങളിലായിരിക്കവെയാണ് ലോക്ക്ഡൗണിന്റെ വരവ്. ഇക്കാര്യം ദുർഗ്ഗ ഒരു ഇൻസ്റ്റഗ്രാം ചോദ്യോത്തര വേളയിൽ പറഞ്ഞിരുന്നു. ഒന്നിച്ച് പങ്കിട്ട നേരങ്ങളിലെ വിശേഷം പങ്കിട്ട ഇരുവരും ഇനി അത്തരമൊരു അവസരം വന്നു ചേരാൻ കാത്തിരിക്കുകയാണ്

ദുർഗ്ഗ കോഴിക്കോട് ആയുർവേദ ചികിത്സയുമായി കഴിയുന്നതിനിടെ, അർജുൻ എറണാകുളത്തായിരുന്ന വിവരം ദുർഗ്ഗ അറിയിച്ചിട്ടുണ്ട്. ഇപ്പോൾ വരുവാനില്ലാരുമീ... എന്ന ഗാനത്തിന്റെ വരികളുമായാണ് ഇരുവരും പരസ്പരം അകന്നിരിക്കുന്നതിന്റെ ദുഃഖം നിറയുന്ന പോസ്റ്റുമായി വന്നിട്ടുള്ളത്

വിവാഹ ശേഷം ദുർഗ്ഗയും അർജുനും പങ്കെടുത്ത അഭിമുഖത്തിൽ നിന്നും

ട്രെയിനിൽ വച്ച് പ്രൊപ്പോസ് ചെയ്ത ശേഷമുള്ള ഫോട്ടോ. ദുർഗ്ഗ പോസ്റ്റ് ചെയ്തത്