Namitha Pramod | നമിത പ്രമോദിന്റെ പേരിൽ ഇൻസ്റ്റഗ്രാമിൽ ഫേക്ക് അക്കൗണ്ട്; പോസ്റ്റുമായി താരം

ചലച്ചിത്ര താരങ്ങളുടെ പേരിൽ സോഷ്യൽ മീഡിയയിൽ ഒട്ടേറെ അക്കൗണ്ടുകൾ പലരും ശ്രദ്ധിച്ചിട്ടുണ്ടാവും. ഒഫീഷ്യൽ അക്കൗണ്ട് കൂടാതെ, ചിലതെല്ലാം നടത്തുന്നത് അവരുടെ ഫാൻ ഗ്രൂപ്പുകളാവും. ഫാൻ ഗ്രൂപ്പുകൾ പലപ്പോഴും അവരുടെ പ്രിയ താരങ്ങളുടെ പ്രവർത്തികളും വിജയാഘോഷങ്ങൾക്കും ഊന്നൽ നൽകി പ്രവർത്തിക്കുന്നവയാണ്. എന്നാൽ ഇതിനെല്ലാം പുറമെ പ്രവർത്തിക്കുന്ന ഫേക്ക് അക്കൗണ്ടുകൾ പലപ്പോഴും പൊല്ലാപ്പാവാറുണ്ട്. നടി നമിത അത്തരമൊരു ഫേക്ക് അക്കൗണ്ട് കണ്ടെത്തി രംഗത്തുവന്നിരിക്കുകയാണ്

നമിതയുടെ പേരും അധികം വ്യക്തമല്ലാത്ത ചിത്രവും ചേർത്തുകൊണ്ട് നമിത പ്രമോദ് എന്ന പേരിൽ ഇപ്പോൾ ഒരു ഇൻസ്റ്റഗ്രാം വ്യാജ പ്രൊഫൈൽ ആരോ നിർമ്മിച്ചിരിക്കുകയാണ്. ഈ പ്രൊഫൈലിന് 82 ഫോളോവേഴ്‌സുമുണ്ട്. എത്രയും വേഗം ഈ അക്കൗണ്ട് റിപ്പോർട്ട് ചെയ്യാൻ പറഞ്ഞുകൊണ്ടാണ് നമിത സ്ക്രീൻഷോട്ട് സഹിതം പോസ്റ്റ് ചെയ്തിട്ടുള്ളത്. ചുവടെ കാണുന്നതാണ് പ്രൊഫൈൽ (തുടർന്ന് വായിക്കുക)

അക്കൗണ്ട് പ്രൈവറ്റ് ആയതിനാൽ ഫോളോ ചെയ്യുന്നവർക്ക് മാത്രമേ ഉള്ളടക്കം കാണാൻ കഴിയൂ. 43 പോസ്റ്റുകൾ ഇതുവരെയായി ഉണ്ട് എന്ന കാര്യവും വ്യക്തമാണ്. അതിനാൽ താരത്തിന്റെ വിവരങ്ങൾ ഏതുവിധത്തിൽ ഉപയോഗപ്പെടുത്തി എന്ന കാര്യവും വ്യക്തമല്ല. എത്രയും വേഗം അക്കൗണ്ട് റിപ്പോർട്ട് ചെയ്യാൻ നമിത പറയുന്നുണ്ട്

രജനി, ഈശോ തുടങ്ങിയ ചിത്രങ്ങൾ ഇനി നമിതയുടേതായി പുറത്തിറങ്ങാനിരിക്കുന്ന സിനിമകളാണ്