Pearle Maaney | പേളിയുടെ പുതിയ ചിത്രം ഇറങ്ങി; വീട്ടിൽ തിയേറ്റർ അന്തരീക്ഷം ഒരുക്കി ആഘോഷിച്ച് കുടുംബം

തിയേറ്റർ അടഞ്ഞു കിടപ്പാണെങ്കിലും പേളിയുടെ പുതിയ ചിത്രത്തിന്റെ റിലീസ് ആഘോഷമാക്കി കുടുംബം. മുതിർന്നവരും കുട്ടികളുമെല്ലാം ചേർന്ന് റിലീസ് ദിവസം അടിപൊളിയായി ആഘോഷിക്കുന്ന വീഡിയോയുമായി പേളി ഇൻസ്റ്റഗ്രാമിൽ എത്തുന്നു. വീട്ടിലെ സ്ക്രീനിനു മുന്നിൽ തിയേറ്ററിനുള്ളിലെന്ന പോലെ അന്തരീക്ഷം ഒരുക്കിയാണ് എല്ലാവരും ചേർന്ന് സിനിമ കാണുന്നത്

'ലൂഡോ' എന്ന പേളിയുടെ കന്നി ബോളിവുഡ് ചിത്രം കഴിഞ്ഞ ദിവസമാണ് പുറത്തിറങ്ങിയത്. നെറ്ഫ്ലിക്സിലാണ് ചിത്രം പ്രദർശനത്തിലുള്ളത്. നടൻ അഭിഷേക് ബച്ചന്റെ സിനിമയിൽ  അരങ്ങേറ്റം കുറിക്കുകയാണ് പേളി. അനുരാഗ് ബസു സംവിധാനം ചെയ്ത സിനിമ കഴിഞ്ഞ വർഷം തന്നെ പേളി പൂർത്തിയാക്കിയിരുന്നു

തത്ക്കാലം ഈ ആഘോഷക്കൂട്ടായ്മയിൽ ശ്രീനിഷിനെ കാണില്ല കേട്ടോ. ശ്രീനിഷ് ഇപ്പോഴും ഷൂട്ടിംഗ് തിരക്കുകളിലാണ്. ഗർഭിണിയായ പേളി സിനിമയുടെ പ്രൊമോഷന്റെ ഭാഗമായുള്ള ഓൺലൈൻ വീഡിയോ ചർച്ചയിൽ പങ്കെടുത്തിരുന്നു. ചിത്രത്തിന്റെ വിശേഷങ്ങൾ ഏതാനും ദിവസങ്ങളായി പേളി ഇൻസ്റ്റഗ്രാമിൽ പോസ്റ്റ് ചെയ്തുകൊണ്ടിരിക്കുകയാണ്

ഷീജ തോമസ് എന്നാണ് പേളിയുടെ കഥാപാത്രത്തിന്റെ പേര്. നേഴ്‌സിന്റെ കുപ്പായമണിഞ്ഞ ചിത്രങ്ങൾ പേളി സോഷ്യൽ മീഡിയയിൽ അവതരിപ്പിച്ചു കഴിഞ്ഞു. രാജ്‌കുമാർ റാവു, പങ്കജ് ത്രിപാഠി, ആദിത്യ റോയ് കപൂർ, ഫാത്തിമ സന ഷെയ്ഖ് തുടങ്ങിയവരാണ് മറ്റു പ്രധാന താരങ്ങൾ

ലൂഡോയിൽ പേളി മാണി

പേളി മാണിയുടെ പുതിയ ഫോട്ടോഷൂട്ടിലെ ചിത്രം