റാണ ദഗ്ഗുബാട്ടിയെ ഇപ്പോഴും സ്നേഹിക്കുന്നെന്ന് ആരാധിക; മറുപടി നൽകി ഭാര്യ മിഹീക ബജാജ്

തെലുങ്ക്, തമിഴ്, ഹിന്ദി ചലച്ചിത്ര മേഖലകളിലെ തിരക്കുള്ള താരം എന്നതിനു പുറമേ, നിർമ്മാതാവ്, ടി.വി. താരം, വിഷ്വൽ എഫ്ഫെക്ട്സ് കോഡിനേറ്റർ, സംരംഭകൻ തുടങ്ങിയ നിലകളിലും റാണ ദഗ്ഗുബാട്ടി വ്യാപൃതനാണ്. കഴിഞ്ഞ ഏതാനും ദിവസങ്ങളായി ഇദ്ദേഹം അടുത്തതായി പുറത്തിറങ്ങാനിരിക്കുന്ന തന്റെ യൂട്യൂബ് ചാനലിനെ പ്രമോഷനുമായി ബന്ധപ്പെട്ട പണികളിലാണ്

കഴിഞ്ഞ ദിവസം ഇൻസ്റ്റഗ്രാമിൽ 'ആസ്ക് മി എനിതിംഗ്' എന്ന സെഷനിൽ ആരാധകരുമായി റാണ ആശയവിനിമയം നടത്തിയിരുന്നു. ഒട്ടേറെപ്പേർ ഈ സെക്ഷനിൽ ചോദ്യം ചോദിച്ചപ്പോൾ ഒരു ആരാധിക തന്റെ മനസ്സിലെ സ്നേഹം തുറന്നു പറയാനാണ് എത്തിയത്. ഇന്നും റാണയോട് ഇഷ്ടം ഉണ്ട് എന്നായി ആരാധിക

ചാറ്റിൽ വന്ന 'ഡിങ്കോയിസം' എന്ന് ആനിമേറ്റഡ് കഥാപാത്രത്തോടാണ് ആരാധിക ഇക്കാര്യം പറഞ്ഞത്. വിവാഹം കഴിഞ്ഞ ശേഷവും റാണയോട് തനിക്ക് സ്നേഹമാണെന്ന് ആരാധിക പറഞ്ഞു. ഇതിന് മറുപടി അധികം വൈകാതെ തന്നെ എത്തി. മിഹീകയ്ക്കു (റാണയുടെ ഭാര്യ) കോപം വരും എന്നാണ് 'ഡിങ്കോയിസം' നൽകിയ മറുപടി

എന്നാൽ തൊട്ടുപിന്നാലെ തന്നെ മിഹീക ബജാജ് ഈ ചാറ്റിംഗ് സ്ക്രീൻഷോട്ട് ഉൾപ്പെടെ എടുത്ത് അവരുടെ ഇൻസ്റ്റാഗ്രാം സ്റ്റോറിയിൽ പോസ്റ്റ് ചെയ്തു. "നിങ്ങളുടെ കൂടെയുള്ളതിനേക്കാൾ ദേഷ്യം വരില്ല" എന്നാണ് മിഹീകയുടെ മറുപടി. വൈകാതെ ഈ ചാറ്റ് സോഷ്യൽ മീഡിയയിൽ വൈറലായി മാറുകയും ചെയ്തു

ബാഹുബലി എന്ന സിനിമയിലൂടെയാണ് റാണ മലയാളി പ്രേക്ഷകർക്ക് സുപരിചിതനാവുന്നത്. അടുത്തിടെയാണ് റാണ മിഹീകയെ വിവാഹം ചെയ്തത്. ഹൈദരാബാദിൽ സംരംഭകയാണ് മിഹീക. നടി സോനം കപൂർ, അവരുടെ അനുജത്തി റിയ കപൂർ എന്നിവരുടെ അടുത്ത സുഹൃത്താണ് മിഹീക

റാണയും ഭാര്യ മിഹീകയും