Farhan Akhtar | നടൻ ഫർഹാൻ അക്തർ പുനർവിവാഹിതനായി; വധു ഷിബാനി ദണ്ഡേക്കർ

നടനും ചലച്ചിത്ര നിർമ്മാതാവുമായ ഫർഹാൻ അക്തറും (Farhan Akhtar) കാമുകിയും ഗായികയുമായ ഷിബാനി ദണ്ഡേക്കറും (Shibani Dandekar) വിവാഹിതരായി. ഖണ്ടാലയിൽ ജാവേദ് അക്തറിന്റെയും ഷബാന ആസ്മിയുടെയും വസതിയായ സുകൂണിലാണ് ഇരുവരും വിവാഹിതരായത്. ഷിബാനിയുടെ സഹോദരി അനുഷ ദണ്ഡേക്കർ, നടി റിയ ചക്രവർത്തി, ഫർഹാന്റെ സഹോദരി സോയ അക്തർ, തുടങ്ങിയവരാണ് വിവാഹത്തിൽ അതിഥികളായി പ്രതീക്ഷിക്കപ്പെടുന്നത്

ഫർഹാനും ഷിബാനിയും വിവാഹ വേദിയിൽ ഗംഭീര ലുക്കിൽ തിളങ്ങി . ഷിബാനി ചുവന്ന മൂടുപടത്തോടുകൂടിയ ചുവന്ന ഗൗൺ ധരിച്ചപ്പോൾ ഫർഹാൻ കറുത്ത സ്യൂട്ട് ധരിച്ചിരുന്നു. ദമ്പതികൾ വിവാഹ പ്രതിജ്ഞകൾ കൈമാറി (തുടർന്ന് വായിക്കുക)

ഷിബാനി ദണ്ഡേക്കറിന്റെയും ഫർഹാൻ അക്തറിന്റെയും വിവാഹത്തെക്കുറിച്ച് സംസാരിക്കുമ്പോൾ ഒരു സ്രോതസ്സ് ഇന്ത്യാ ടുഡേയോട് പറഞ്ഞതിങ്ങനെ: "വിവാഹം കഴിയുന്നത്ര ലളിതമാക്കാൻ അവർ ആഗ്രഹിച്ചു. വിവാഹത്തിന് പാസ്റ്റലും വെള്ളയും പോലുള്ള നിറങ്ങൾ ധരിക്കാൻ അതിഥികളോടും ആവശ്യപ്പെട്ടിട്ടുണ്ട്...

"ഒരു നിക്കാഹോ മറാത്തി വിവാഹമോ ഉണ്ടാകില്ല. പകരം, അത് ഒരു പ്രതിജ്ഞ കൈമാറുന്ന ചടങ്ങായി മാറ്റാൻ അവർ തീരുമാനിച്ചു. ഇരുവരും തങ്ങളുടെ പ്രതിജ്ഞ എഴുതിയിട്ടുണ്ട്. അത് വിവാഹദിനമായ ഫെബ്രുവരി 19 ന് വായിക്കും."

ഫെബ്രുവരി 17 വ്യാഴാഴ്‌ച തങ്ങളുടെ വിവാഹ ആഘോഷങ്ങൾ ആരംഭിച്ച ഇരുവരും ഫെബ്രുവരി 19 ന് വിവാഹിതരാകുന്നതിന് മുമ്പ് മറ്റ് ചില ചടങ്ങുകൾ നടത്തിയിരുന്നു

2017 ൽ ആദ്യ ഭാര്യ അധുനയുമായി വേർപിരിഞ്ഞ ഫർഹാന്‌ രണ്ടു കുട്ടികളുണ്ട്