Gauri Khan| മകൾ സുഹാന ഖാനെ ഓർത്ത് അമ്മ ഗൗരി ഖാന് അഭിമാനം; കാരണം ഇതാണ്

ബോഡി ഷെയിമിംഗിനെതിരെയും നിറത്തിന്റെ പേരിൽ നേരിടേണ്ടി വന്ന വിവേചനങ്ങൾക്കെതിരെയും തനിക്ക് നേരിടേണ്ടി വന്ന പരിഹാസത്തെ കുറിച്ച് ശക്തമായ ഭാഷയിൽ പ്രതികരണവുമായി ബോളിവുഡ് താരം ഷാരൂഖ് ഖാൻറെ മകൾ സുഹാന രംഗത്തെത്തിയിരുന്നു.

ഇപ്പോഴിതാ മകളുടെ നിലപാടിൽ പ്രതികരണവുമായി എത്തിയിരിക്കുകയാണ് ഷാരൂഖ് ഖാന്‍റെ ഭാര്യ ​ഗൗരി ഖാൻ. സുഹാനയെയോർത്ത് തനിക്ക് അഭിമാനം തോന്നുന്നുവെന്നാണ് ​ഗൗരി പറയുന്നത്.(Instagram)

ഇന്ത്യൻ എക്സ്പ്രസിന് നൽകിയ അഭിമുഖത്തിലാണ് മകളുടെ എൻഡ് കളറിസം പോസ്റ്റിന് ഗൗരി പിന്തുണയുമായി എത്തിയത്. നിറത്തിന്റെ പേരിലുള്ള വിവേചനങ്ങൾ അവസാനിപ്പിക്കാൻ സമയമായെന്ന് ഗൗരി പറഞ്ഞു. (Instagram)

കളറിസം വിഷയത്തിൽ സുഹാന സ്വന്തമായ നിലപാടെടുത്തതിൽ അഭിമാനമുണ്ടെന്നും ​ഗൗരി പറഞ്ഞു. സെപ്തംബറിൽ ഇൻസ്റ്റ​ഗ്രാമിൽ പങ്കുവച്ച പോസ്റ്റിലൂടെയാണ് സുഹാന കളറിസത്തിന്റെ പേരിലുള്ള വേർതിരിവുകളെക്കുറിച്ച് പങ്കുവച്ചത്. (Instagram)

ഇൻസ്റ്റഗ്രാമിൽ സുഹാന ഒരു ചിത്രം പങ്കുവെച്ചിരുന്നു. ഇതിന് അധിക്ഷേപകരമായ നിരവധി കമന്റുകൾ ലഭിച്ചു. ഇതിനുപിന്നാലെയാണ് ഈ കമന്‍റുകളുടെ സക്രീൻ ഷോട്ടുകൾ അടക്കം പങ്കുവെച്ചുകൊണ്ട് സുഹാന പോസ്റ്റുമായി എത്തിയിരുന്നത്.(Instagram)

12ാം വയസുമുതൽ നിറത്തിന്റെ പേരിലുള്ള വേർതിരിവ് അനുഭവിക്കുകയാണെന്ന് 20കാരിയായ സുഹാന പോസ്റ്റിൽ വ്യക്തമാക്കിയിരുന്നു. തന്നെപ്പോലെ തന്നെ യാതൊരു കാരണവുമില്ലാതെ മാറ്റിനിർത്തപ്പെട്ട പെൺകുട്ടികളെ കുറിച്ചും ആൺകുട്ടികളെ കുറിച്ചുമാണ് ഈ പോസ്റ്റെന്നും വ്യക്തമാക്കിക്കൊണ്ടാണ് സുഹാന ഇത് പങ്കുവെച്ചിരുന്നത്. (Instagram)

സുഹാനയുടെ ശക്തമായ നിലപാടിനെ അഭിനന്ദിച്ച് നിരവധി പേർ രംഗത്തെത്തുകയും ചെയ്തിരുന്നു.(Instagram)