Gopi Sunder | 'ബാലയുടെ മകൾക്ക് വേറൊരാളെ അച്ഛനെന്നു വിളിക്കേണ്ട ഗതികേട്'; കമന്റിന് മറുപടിയുമായി ഗോപി സുന്ദർ

ഗായിക അമൃത സുരേഷും (Amrutha Suresh) സംഗീത സംവിധായകൻ ഗോപി സുന്ദറും (Gopi Sundar) ഒന്നിച്ച ശേഷമുള്ള ആയ ഓണമാണിത്. ഇരുവരും ചേർന്ന് ഓണസ്‌പെഷ്യൽ ഗാനം മാബലി വന്നേ... പുറത്തിറക്കിയിരുന്നു. ഇതിനു ശേഷം തിരുവോണനാളിൽ ചില ചിത്രങ്ങളും പോസ്റ്റ് ചെയ്തു. ഗോപിക്കും അമൃതയ്ക്കും ഒപ്പം അമൃതയുടെ മകൾ അവന്തികയും ചിത്രത്തിൽ പോസ് ചെയ്യുന്നു

എന്നാൽ ചിത്രങ്ങൾ പോസ്റ്റ് ചെയ്തതും സൈബർ ആക്രമണം വളരെ രൂക്ഷമാണ്. ഗോപിയുടെ പോസ്റ്റിനു കീഴെ പലരും പലതരം കമന്റ് ചെയ്തു. 'ബാലയുടെ മകൾക്ക് മറ്റൊരാളെ അച്ഛനെന്നു വിളിക്കേണ്ട ഗതികേട്. അവനാണെങ്കിലോ കെട്ടിച്ചു കൊടുക്കേണ്ട മോനുമുണ്ട്. എങ്ങനെ ഹാപ്പി ആയിട്ടു ജീവിക്കാൻ പറ്റുന്നോ എന്തോ?' എന്നായിരുന്നു ഒരാൾ നൽകിയ കമന്റ്. ഇതിന് ഗോപി മറുപടി കൊടുത്തു (തുടർന്ന്‌ വായിക്കുക)

'താൻ എന്തിനാ വിഷമിക്കുന്നേ, ഇവിടെ എല്ലാരും ഹാപ്പിയാണ്, വിഷമിക്കേണ്ടതില്ല. എന്തെങ്കിലും ബുദ്ധിമുട്ടു തോന്നുമ്പോ ഞാൻ പറയാം. ഇപ്പൊ തല്ക്കാലം പോ' എന്നാണ് ഗോപിയുടെ മറുപടി. തീർന്നില്ല വേറെയും കമന്റ് ഉണ്ട്

'എടാ ഗോപീ, നീ ഉണ്ടാക്കിയ രണ്ട് മക്കൾ ഇല്ലെടാ, അവരുടെ കൂടെ നിന്ന് ഫോട്ടോ ഇട്ടിരുന്നേൽ കുറച്ച് അന്തസുണ്ടായിരുന്നു' എന്ന് മറ്റൊരാളുടെ കമന്റിനും ഗോപി മറുപടി പറയേണ്ടി വന്നു

'നിന്നെ ഇതാ കാണാതെ എന്ന് വിചാരിച്ചതേയുള്ളൂ... ഞാൻ അന്തസ്സ് നോക്കാറില്ല' എന്നാണ് ഗോപിക്ക് പറയാനുളളത്

2022 മെയ് മാസത്തിലാണ് ഗോപി അമൃതയ്‌ക്കൊപ്പം ജീവിതം ആരംഭിച്ചു എന്ന് സോഷ്യൽ മീഡിയ പോസ്റ്റ് വഴി അറിയിച്ചത്. 12 വർഷത്തോളം ഗായിക അഭയ ഹിരണ്മയിയുമായി ലിവിങ് ടുഗെദർ ബന്ധത്തിലായിരുന്നു ഗോപി. ആദ്യഭാര്യ പ്രിയയിൽ ഗോപിക്ക് രണ്ട് ആൺകുട്ടികളുണ്ട്

ബാലയുമായി വിവാഹബന്ധം വേർപെടുത്തിയ ശേഷം ഗോപിക്കൊപ്പം ജീവിതമാരംഭിക്കുകയായിരുന്നു അമൃത. എന്നാൽ വിവാഹം ചെയ്‌തോ എന്ന കാര്യം ഇരുവരും വ്യക്തമാക്കിയിട്ടില്ല

ഗോപിയും അമൃതയും അമൃതയുടെ അനുജത്തി അഭിരാമിയും ഇവരുടെ മ്യൂസിക് ബാൻഡ് ആയ 'ഗോപി സുന്ദർ ഓൺസെമ്പിളുമായി' പരിപാടികൾ അവതരിപ്പിക്കാറുണ്ട്