അമിതാഭ് ബച്ചന് കോവിഡ്; രേഖയുടെ ബംഗ്ളാവ് സീൽ ചെയ്‌തു; പിന്നാലെ ട്രോൾ ആക്രമണം

അമിതാഭ് ബച്ചനും മകൻ അഭിഷേക് ബച്ചനും കോവിഡ് പോസിറ്റീവായ വാർത്തക്ക് തൊട്ടുപിന്നാലെ തന്നെ നടി ഭാനു രേഖയുടെ ബംഗ്ളാവ് സീൽ ചെയ്ത വിവരവും പുറത്തു വന്നു. എന്നാൽ സംഭവിച്ചതെന്തെന്നറിയാതെ ഇരുവർക്കും നേരെ കടുത്ത ട്രോൾ ആക്രമണം നടക്കുകയാണ്

രേഖയുടെ ബംഗ്ളാവിലെ രണ്ട് സെക്യൂരിറ്റി ഉദ്യോഗസ്ഥർക്ക് കോവിഡ് സ്ഥിരീകരിച്ചതിനെ തുടർന്നാണ് ബംഗ്ളാവ് സീൽ ചെയ്തത്. എന്നാൽ അനുപം ഖേറിനും രേഖക്കും കോവിഡ് ബാധിച്ചുവെന്ന വ്യാജ പ്രചാരണം നടക്കുകയും ചെയ്‌തു. അതിനെല്ലാമുപരിയാണ് പൊടിപ്പും തൊങ്ങലും ചേർത്തുള്ള ട്രോളുകളുടെ പ്രചാരണം. കാരണം ഇതാണ്

1970കളിൽ സ്‌ക്രീനിൽ കൂടാതെ ജീവിതത്തിലും ബച്ചനും രേഖയും പ്രണയബദ്ധരാണെന്ന ആരോപണം ഉയർന്നിരുന്നു. ഇതിന്റെ ചുവടുപിടിച്ചാണ് ട്രോളുകൾ ഇറങ്ങുന്നത്

40 വർഷങ്ങൾ കഴിഞ്ഞിട്ടും ആ വിവാദത്തിന്റെ കനൽ കെട്ടടങ്ങാൻ അനുവദിക്കാതെയാണ് ട്രോളുകൾ പ്രചരിക്കുന്നത്

വിവാഹത്തിന് ശേഷവും രേഖയും ബച്ചനും വിദേശ രാജ്യങ്ങളിൽ കണ്ടുമുട്ടാറുണ്ടെന്ന അടിസ്ഥാനരഹിതമായ ആരോപണങ്ങൾ പ്രവഹിച്ചിരുന്നു

മുംബൈ ബി.എം.സി. മേഖലയിലെ ബംഗ്ളാവാണ് സീൽ ചെയ്തത്. 'സീ സ്‌പ്രിംഗ്‌സ്' എന്ന ഈ ബംഗ്ളാവ് കൺടൈൻമെൻറ് മേഖലയായി പ്രഖ്യാപിച്ചിട്ടുണ്ട്

അമിതാഭ് ബച്ചനും മകൻ അഭിഷേകും കോവിഡ് പോസിറ്റീവ് ആയതിന് ശേഷം ആശുപത്രിയിൽ ചികിത്സയിലാണ്

കോവിഡ് സ്ഥിരീകരിച്ച ഐശ്വര്യ റായിയും മകൾ ആരാധ്യയും വീട്ടിൽ ഐസൊലേഷനിൽ തുടരുകയാണ് 

ജയാ ബച്ചനും മകൾ നവ്യ നവേലി നന്ദയുമുൾപ്പെടയുള്ളവരുടെ ഫലം നെഗറ്റീവ് ആണ്