ഈ സിനിമ ഓർമ്മയുണ്ടോ? 'വാര്യരേ നീ ഇത് കണ്ടാ' എന്ന് മഞ്ജു വാര്യരോട് പൂർണ്ണിമ

'വാര്യരേ നീ ഇത് കണ്ടാ'? ചോദ്യം പൂർണ്ണിമ ഇന്ദ്രജിത്തിന്റേതാണ്. ചോദിക്കുന്നത് മഞ്ജു വാര്യരോടും. വർഷങ്ങൾക്ക് മുൻപേ യുവ സുന്ദരിമാരായി വെള്ളിത്തിരയിൽ ഒരേ സമയം തിളങ്ങിയവരാണ് മഞ്ജു വാര്യരും പൂർണ്ണിമ ഇന്ദ്രജിത്തും. ഇരുവരും നന്നേ ചെറുപ്പത്തിൽ തന്നെ കുടുംബജീവിതത്തിലേക്ക് കടക്കുകയും ചെയ്തിരുന്നു

ഇവർ രണ്ടുപേരും സുഹൃത്തുക്കളാണ് എന്ന് മാത്രമല്ല, ഒന്നിച്ചഭിനയിച്ച കോമ്പിനേഷൻ സീൻ ഉൾപ്പെടുന്ന ഒരു സിനിമയുമുണ്ട്. ആ സിനിമയുടെ ഓർമ്മയാണ് പൂർണ്ണിമ പങ്കിട്ടത്. സ്‌ക്രീനിൽ നിന്നും നേരെ പകർത്തി പോസ്റ്റ് ചെയ്ത ശേഷമാണ് മഞ്ജുവിനോടായി ചോദ്യമുയർത്തിയത്. ഈ സിനിമ ഏതെന്ന് പ്രേക്ഷകർ ഓർക്കുന്നോ? (തുടർന്ന് വായിക്കുക)

ബിജു മേനോൻ, മഞ്ജു വാര്യർ, പൂർണ്ണിമ എന്നിവർ പ്രധാന വേഷങ്ങൾ അവതരിപ്പിച്ച 'ഇന്നലെകളില്ലാതെ' എന്ന സിനിമയിലെ നിമിഷമാണ് പൂർണ്ണിമ പോസ്റ്റ് ചെയ്തിരിക്കുന്നത്

ഇതാണ് ആ പോസ്റ്റിന്റെ പൂർണ്ണ രൂപം

ഇടവേള കഴിഞ്ഞ് മഞ്ജു 'ഹൗ ഓൾഡ് ആർ യു' സിനിമയിലൂടെ മടങ്ങി വന്നപ്പോൾ, പൂർണ്ണിമ 'വൈറസ്' എന്ന സിനിമയിലൂടെ തിരിച്ചുവരവ് നടത്തി. ഒപ്പമുള്ള കൂട്ടുകാരി ഗീതു മോഹൻദാസ് പിൽക്കാലത്ത് സിനിമാ സംവിധായികയാവുകയും ചെയ്‌തു

പൂർണ്ണിമയുടെ അടുത്ത ചിത്രം 'തുറമുഖം' ആണ്. ഇതിൽ പ്രായംചെന്ന ഉമ്മയുടെ വേഷമാണ് പൂർണ്ണിമ അവതരിപ്പിക്കുക. ഈ ലുക്ക് ഒട്ടേറെ ശ്രദ്ധ നേടിയിരുന്നു