ഒറ്റ സിനിമ കൊണ്ട് മലയാളി പ്രേക്ഷകരെ അമ്പരപ്പിച്ച നടൻ; ബ്ലാക്ക് ആൻഡ് വൈറ്റ് ചിത്രവുമായി പുതുവത്സരാശംസ

പുതുവർഷപ്പിറവിയിൽ ലോകമെമ്പാടും ആഘോഷത്തിമിർപ്പിലാണ്. താരങ്ങൾ സോഷ്യൽ മീഡിയയിൽ ആശംസ അറിയിക്കുന്ന തിരക്കിലായിരുന്നു രാവിലെ മുതൽ. പലരും പലയിടങ്ങളിലായി ആഘോഷത്തിൽ ഏർപ്പെട്ടിരിക്കുകയാണ്. ഫേസ്ബുക്ക്, ഇൻസ്റ്റഗ്രാം പേജുകളിൽ വരിവരിയായി ആശംസ കാണാം. മറ്റു ചിലർക്ക് പുതിയ പ്രൊജക്ടുകളുടെ പ്രഖ്യാപന വേളയാണിത്. അവരിൽ വ്യത്യസ്തനാവുകയാണ് ഒരു താരം. ഈ ചിത്രമാണ് അദ്ദേഹം പങ്കിട്ടിട്ടുളളത് 

ഒരൊറ്റ ചിത്രം കൊണ്ട് മലയാളി പ്രേക്ഷകരെ കീഴടക്കിയ ആളാണിദ്ദേഹം. ചിത്രം പോസ്റ്റ് ചെയ്തതും ഒരു ആരാധകൻ അദ്ദേഹത്തിന് ഫോട്ടോയുടെ ഡിജിറ്റൽ പതിപ്പും സമ്മാനിച്ചു. വില്ലനാണെങ്കിലും നായകനോളം മലയാളി സ്നേഹിച്ച കഥാപാത്രമാണ് അദ്ദേഹത്തിന്റേത്. ആളെ കണ്ടെത്താൻ സാധിക്കുന്നുണ്ടോ? (തുടർന്നു വായിക്കുക)

'മിന്നൽ മുരളി'യിലെ സൂപ്പർ പവറുള്ള വില്ലൻ ഷിബുവായി വേഷമിട്ട ഗുരു സോമസുന്ദരമാണ് മുകളിലെ രണ്ടു ചിത്രങ്ങളിലും. തമിഴിലെ 'ജയ് ഭീം' എന്ന സിനിമയിലെ പ്രകടനം കൊണ്ട് ശ്രദ്ധ നേടിയ ഗുരു സോമസുന്ദരം അതിനു തൊട്ടുപിന്നാലെ പ്രത്യക്ഷപ്പെട്ട ചിത്രമാണ് മലയാളത്തിലെ 'മിന്നൽ മുരളി'

വീണ്ടും മലയാളത്തിൽ തന്നെ നിരവധി അവസരങ്ങൾ അദ്ദേഹത്തെ തേടിയെത്തി. അടുത്തിടെ പുറത്തിറങ്ങിയ 'നാലാം മുറ' എന്ന സിനിമയിലാണ് ഗുരു സോമസുന്ദരം അടുത്തിടെ വേഷമിട്ടത്. വേറെയും സിനിമകൾ പ്രഖ്യാപിച്ചിട്ടുണ്ട്

മോഹൻലാൽ ആദ്യമായി സംവിധാനം ചെയ്യുന്ന ബറോസിലും ഗുരു സോമസുന്ദരം ഒരു വേഷം ചെയ്യുന്നുണ്ട്

'മിന്നൽ മുരളി'യിലെ ഷിബു ഇനി എന്തെല്ലാം കഥാപാത്രങ്ങൾ ചെയ്ത് പ്രേക്ഷകരെ ഞെട്ടിക്കും എന്ന കാത്തിരിപ്പിലാണ് മലയാള സിനിമാ പ്രേക്ഷകർ