Happy Birthday Rhea Chakraborty| നടി റിയ ചക്രവർത്തിക്ക് ഇന്ന് പിറന്നാൾ; താരത്തെ കുറിച്ച് അറിയാം

ജലേബിയിലെ നായിക റിയ ചക്രവർത്തിക്ക് ഇന്ന് പിറന്നാള്‍. ബോളിവുഡ് താരം സുശാന്ത് സിങ് രാജ്പുത്തിന്റെ മരണത്തിനു ശേഷം ഏറെ ഉയര്‍ന്നു കേട്ട പേരാണ് റിയയുടേത്. സുശാന്തിന്റെ മരണത്തിനു പിന്നിലെ കാരണങ്ങള്‍ കണ്ടെത്താന്‍ സിബിഐ അന്വേഷണം നടത്തണമെന്ന് ആഭ്യന്തരമന്ത്രി അമിത് ഷായോട് ട്വിറ്ററില്‍ ആദ്യം ആവശ്യപ്പെട്ടത് റിയയായിരുന്നു. (Image: Instagram)

എന്നാല്‍ സുശാന്തിന്റെ മരണത്തില്‍ റിയയ്ക്കു വില്ലത്തിയുടെ വേഷമാണ് കുടുംബാംഗങ്ങള്‍ നൽകിയത്. റിയയ്ക്കും കുടുംബാംഗങ്ങള്‍ക്കുമെതിരെ സുശാന്തിന്റെ പിതാവ് നല്‍കിയ പരാതി പരിഗണിച്ച് ബിഹാര്‍ പൊലീസ് റിയയ്‌ക്കെതിരെ കേസെടുത്തിരുന്നു. ആത്മഹത്യാ പ്രേരണക്കുറ്റമാണ് ചുമത്തിയത്. (Image: Instagram)

ബെംഗളൂരുവിലുള്ള ഒരു ബംഗാളി കുടുംബത്തിലാണ് റിയയുടെ ജനനം. പിതാവ് ഇന്ത്യന്‍ സൈന്യത്തില്‍ ഓഫീസര്‍ ആയിരുന്നതിനാല്‍ ആര്‍മി പബ്ലിക് സ്‌കൂളിലായിരുന്നു പഠനം. എംടിവി ടാലന്റ് ഹണ്ടില്‍ റണ്ണര്‍ അപ്പായതിനു പിന്നാലെ നിരവധി ടിവി ഷോകളില്‍ അവതാരകയായി. (Image: Instagram)

2013-ല്‍ 'മേരേ ഡാഡ് കി മാരുതി' എന്ന ചിത്രത്തിലൂടെയാണ് ബോളിവുഡില്‍ തുടക്കം കുറിക്കുന്നത്. 2012-ല്‍ 'തുനീഗ തുനീഗ' എന്ന തെലുങ്ക് ചിത്രത്തിലും വേഷമിട്ടിരുന്നു. 2014ല്‍ സൊനാലി കേബിള്‍ എന്ന ചിത്രത്തിലും 2018ല്‍ ജലേബി എന്ന ചിത്രത്തിലും വേഷമിട്ടു. (Image: Instagram)

യാഷ്‌രാജ് ഫിലിംസിന്റെ 'ബാങ്ക്‌ചോര്‍', 'ഹാഫ് ഗേള്‍ഫ്രണ്ട്്' എന്നീ സിനിമകളിലും റിയ അഭിനയിച്ചിരുന്നു. യാഷ്‌രാജ് ഫിലിംസിന്റെ ചിത്രത്തില്‍ അഭിനയിക്കുന്നതിനിടെയാണ് സുശാന്തുമായി അടുക്കുന്നത്. റിയയുടെ അഭിനയജീവിതത്തേക്കാള്‍ ഉയര്‍ന്നുകേട്ടിരുന്നത് സുശാന്തുമായുള്ള പ്രണയ വാര്‍ത്തകളായിരുന്നു.  (Image: Instagram)

ലളിതമാണെങ്കിലും റിയ പലപ്പോഴും വസ്ത്രധാരണം കൊണ്ട് അദ്ഭുതപ്പെടുത്താറുണ്ട്.. (Image: Instagram)

വളരെ ബോൾഡായാണ് ഈ ചിത്രത്തിൽ റിയ പ്രത്യക്ഷപ്പെടുന്നത്. റിയയുടെ ഐലൈനറും മുടിയും രൂപവും അതിശയിപ്പിക്കുന്നതാണ്. (Image: Instagram)

പരമ്പരാഗത ഇന്ത്യൻ വേഷത്തിലാകട്ടെ, പാശ്ചാത്യ വേഷത്തിലാകട്ടെ, റിയ എല്ലാ വസ്ത്രധാരണത്തിലും സുന്ദരിയായി കാണപ്പെടുന്നു. (Image: Instagram)

മഞ്ഞയോ കറുപ്പോ ചുവപ്പോ ആകട്ടെ, റിയക്ക് ചേരാത്തതായി ഒരു നിറവുമില്ല  (Image: Instagram)