ഹാപ്പി സർദാർ: സർദാർ മാത്രമല്ല, ഈ ഭർത്താവും ഭാര്യയും ഹാപ്പിയാണ്

മാധ്യമ പ്രവർത്തകരായ സുധീപ്- ഗീതിക ദമ്പതികൾ ചേർന്നൊരുക്കിയ ചിത്രം. അതാണ് ഹാപ്പി സർദാർ.

തിരക്കഥയും സംവിധാനവും എല്ലാം ഇവർതന്നെ. തിയേറ്ററുകളിൽ നിന്ന് ചിത്രത്തിന് മികച്ച പ്രതികരണം ലഭിച്ചതോടെ ഹാപ്പിയായെന്ന് ഇരുവരും പറയുന്നു.

കാളിദാസ് ജയറാം നായകനായ ചിത്രത്തിൽ നർമ്മത്തിനാണ് മുഖ്യ പ്രാധാന്യം. പഞ്ചാബി കല്യാണവും കോട്ടയത്തെ ക്നാനായ കല്യാണം ചേർന്നുള്ള കോമ്പിനേഷനാണ് ചിത്രത്തിന്റെ പ്രധാന സവിശേഷത.

ഹാസ്യത്തിന് പ്രാധാന്യം ഉണ്ടെങ്കിലും ദുരഭിമാനക്കൊല എന്ന ഗൗരവമേറിയ വിഷയവും ചിത്രത്തിൽ അവതരിപ്പിച്ചതായി സുദീപും ഗീതികയും വ്യക്തമാക്കി.

ആദ്യ സിനിമ ഏതാകണം എന്ന കാര്യത്തിൽ ഒരുപാട് ആലോചനകൾ ഉണ്ടായിരുന്നുവെന്ന് ഈ സംവിധായക കുടുംബം പറയുന്നു.

മൂന്ന് സ്ക്രിപ്റ്റുകൾ മനസ്സിലുണ്ടായിരുന്നു. ആ സ്ക്രിപ്റ്റുകൾ മനസ്സിൽ വച്ച് മോഹൻലാലിലും മമ്മൂട്ടിയിലും തുടങ്ങിയ ആലോചന പിന്നീട് പൃഥ്വിരാജിൽ എത്തി.

പലതും സമയത്ത് നടക്കാതെ വന്നതോടെ കാളിദാസിനെ കണ്ടുമുട്ടുകയായിരുന്നു. ഒടുവിൽ കാളിദാസിനെ നായകനാക്കി പുതിയ കഥയും തിരക്കഥയും ഒരുക്കി.

മലയാളത്തിൽ ഒരു ഭാര്യയും ഭർത്താവും ഒരുമിച്ച് സിനിമ സംവിധാനം ചെയ്യുന്നു എന്നതാണ് ഹാപ്പി സർദാറിനെ ശ്രദ്ധേയമാക്കുന്നത്.

ഇരുവർക്കുമിടയിൽ അഭിപ്രായ ഭിന്നതകൾ സ്വാഭാവികമായും ഉണ്ടായി. രണ്ടുപേരും രണ്ട് അഭിപ്രായം പ്രകടിപ്പിക്കുമെന്ന് അഭിനേതാക്കൾക്കും മുന്നറിയിപ്പു നൽകിയിരുന്നു.

പക്ഷേ അവസാനം ഒരു അഭിപ്രായത്തിൽ എത്തുന്നതാണ് രീതി. ഒരുമിച്ചുള്ള തിരക്കഥ എഴുത്തിനെ കുറിച്ചും കുറിച്ചും, സംവിധാനത്തെക്കുറിച്ചും ഇരുവരും പറയുന്നതെങ്ങനെ.

[caption id="attachment_179059" align="alignnone" width="875"] ദേശീയ അവാർഡ് ജേതാവ് കൂടിയായ സംവിധായകൻ ജോഷി മാത്യുവിന്റെ മകനാണ് സുധീപ്. വാണിജ്യ സിനിമയ്ക്കൊപ്പം ഗൗരവമേറിയ സിനിമയിലേക്ക് കടക്കാൻ താൽപര്യമുണ്ടെന്ന് സുദീപ് പറയുന്നു.

ഭാര്യ ഗീതിക ഇക്കാര്യത്തിൽ ഒരു പടി മുന്നിലാണ് മുന്നിലാണ്. കലാമൂല്യമുള്ള സിനിമകളോടാണ് കൂടുതൽ താല്പര്യം. മാധ്യമ പ്രവർത്തകരായിരുന്ന ഇരുവരും ഐ എഫ് എഫ് കെ വേദിയിലൂടെ ആണ് പരിചയപ്പെട്ടത്. പിന്നീട് ഒരുമിക്കുകയായിരുന്നു.

ചെറിയ ഇടവേളക്ക് ശേഷം നേരത്തെ തയ്യാറാക്കിയ സ്ക്രിപ്റ്റുമായി മുന്നോട്ടുപോകാനാണ് ഇരുവരുടെയും തീരുമാനം. ഭാവിയിൽ സ്വതന്ത്ര സംവിധായകർ ആകാനുള്ള ആകാനുള്ള സാധ്യതയും ഇരുവരും തള്ളിക്കളയുന്നില്ല.

പൂമരം സിനിമയിൽ അഭിനയിച്ച മെറിൻ ഫിലിപ്പാണ് ഹാപ്പി സർദാറിൽ നായിക. സിദ്ദിഖ്, ജാവേദ് ജഫ്രി,ഷറഫുദ്ദീൻ, ബാലു വർഗീസ്, ശ്രീനാഥ് ഭാസി തുടങ്ങി മികച്ച താരനിര സിനിമയിൽ അണിനിരക്കുന്നുണ്ട്.