മേഘ്‌നയുടെ മകനെ താലോലിച്ച് മലയാള സിനിമയിലെ മുൻ നായിക; ഈ മുഖം ഓർമ്മയുണ്ടോ?

ഇക്കഴിഞ്ഞ ദിവസമാണ് മേഘ്ന രാജിന്റെയും (Meghana Raj) ചിരഞ്ജീവി സർജയുടെയും (Chiranjeevi Sarja) ഏക മകൻ റായൻ രാജ് സർജ  (Raayan Raj Sarja) ഒന്നാം പിറന്നാൾ ആഘോഷിച്ചത്. തീം പാർക്ക് മോഡലിൽ ഒരുക്കിയ സ്ഥലത്തു വച്ചാണ് കുഞ്ഞിന്റെ ആദ്യ പിറന്നാൾ കൊണ്ടാടിയത്. രാജാവ് എന്ന് അർഥം വരുന്ന പേരാണ് മേഘ്ന മകന് നൽകിയിട്ടുള്ളത്. പിറന്നാൾ ചിത്രങ്ങൾക്കൊപ്പം ഒരാളുടെ മുഖം ഇപ്പോൾ സോഷ്യൽ മീഡിയയിൽ എത്തിയിരിക്കുകയാണ്

ജൂനിയർ സിയെ പോലെ തന്നെ ചുവപ്പു നിറത്തിലെ വസ്ത്രം ധരിച്ച ഒരാൾ അവനെ കയ്യിലേന്തി നിൽക്കുന്ന ചിത്രമാണിത്. പക്ഷെ ആരെക്കാളും മലയാളി പ്രേക്ഷകർക്ക് ഈ മുഖം വളരെ പരിചിതമാണ്. കേവലം ഒരു സിനിമ കൊണ്ട് തന്നെ മലയാള സിനിമ ഒരിക്കലും മറക്കാനിടയാവാത്ത മുഖമാണിത്. ആളെ കണ്ടെത്തിയോ? (തുടർന്ന് വായിക്കുക)

കേവലം ഒരു മലയാള ചിത്രത്തിൽ മാത്രമാണ് ഇവർ നായികയായിട്ടുള്ളത്. കന്നഡ സിനിമയിൽ നിന്നുമാണ് ഇവർ മലയാളത്തിലെത്തിയത്. ജയറാം ആയിരുന്നു ചിത്രത്തിലെ നായകൻ. രാജസേനൻ സിനിമയിലൂടെയാണ് മലയാളത്തിലെ അരങ്ങേറ്റം

'ആദ്യത്തെ കണ്മണി' സിനിമയിൽ അംബിക എന്ന കഥാപാത്രമായി എത്തിയ സുധാറാണി ഗോവർദ്ധൻ ആണ് മേഘ്‌നയുടെ മകന്റെ പിറന്നാൾ ആഘോഷത്തിൽ പങ്കെടുത്തത്. കന്നഡ, തെലുങ്ക്, തമിഴ് സിനിമകളിൽ സജീവമായെങ്കിലും സുധാറാണി പിന്നീട് മലയാളത്തിൽ എത്തിയില്ല

മകന്റെ പിറന്നാൾ ദിനത്തിൽ മേഘ്‌ന രാജ് ഇൻസ്റ്റഗ്രാമിൽ റായനുമായുള്ള ഏറ്റവും മനോഹരമായ ചിത്രങ്ങൾ പങ്കിടുകയും ചെയ്തു. ചിത്രങ്ങളിൽ, മേഘ്‌ന തന്റെ കുട്ടിക്കുറുമ്പനെ ഉമ്മകൾ കൊണ്ട് മൂടുന്നത് കാണാം. ഒരേപോലുള്ള നൈറ്റ് ഡ്രസ്സ് ധരിച്ചാണ് മേഘ്നയും മകനും ചിത്രങ്ങളിൽ കാണപ്പെടുന്നത്

മകൻ ജനിച്ചത് മുതലുള്ള ഓരോ കാര്യങ്ങളും സോഷ്യൽ മീഡിയയിൽ ആഘോഷിക്കപ്പെടുകയാണ്. കുഞ്ഞിന് പത്താം മാസത്തിലാണ് മേഘ്ന പേരിട്ടത് പോലും. അതുവരെ ജൂനിയർ സി എന്നാണ് എല്ലാവരും കുഞ്ഞിനെ വിളിച്ചിരുന്നത്

'അവന്റെ ജന്മദിനത്തെക്കുറിച്ച് ചിന്തിക്കാൻ എനിക്ക് സമയമില്ലായിരുന്നു. എന്റെ മകന്റെ ആദ്യ ജന്മദിനം മുതൽ ആളുകൾക്ക് വളരെയധികം പ്രതീക്ഷകളുണ്ടെന്നും അത് എന്തായിരിക്കുമെന്നും എനിക്കറിയാം. ഞാൻ ആ പ്രതീക്ഷകളുമായി പൊരുത്തപ്പെടുമെന്ന് ഞാൻ പ്രതീക്ഷിക്കുന്നു. എനിക്ക് ആസ്വദിക്കാനാകുന്ന ഒരു ദിവസം ആയിരിക്കണമെന്ന് ഞാൻ ആഗ്രഹിക്കുന്നു...'

'ഞാൻ സ്വയം ഒരു കുട്ടിയാകാൻ ആഗ്രഹിക്കുന്നു. എനിക്ക് അവനോടൊപ്പം കളിക്കണം. അവനുവേണ്ടി ഞാൻ അവിടെ ഉണ്ടായിരിക്കാൻ ആഗ്രഹിക്കുന്നു. എനിക്ക് അവനോടൊപ്പം ചിരിക്കാനും ദിവസം മുഴുവൻ ചെലവഴിക്കാനും, അത് പരമാവധി ആസ്വദിക്കാനും ഞാൻ ആഗ്രഹിക്കുന്നു. എനിക്കും റായനുമായി ഞാൻ ആസൂത്രണം ചെയ്തത് അതാണ് .... മറ്റുകാര്യങ്ങളെക്കുറിച്ച്, എനിക്കറിയില്ല,' മേഘ്ന മകന്റെ പിറന്നാളിനെ കുറിച്ച് ഒരു അഭിമുഖത്തിൽ പറഞ്ഞത് ഇങ്ങനെയാണ്

അടുത്തിടെ മേഘ്ന അഭിനയത്തിലേക്ക് തിരികെ വന്നിരുന്നു. പുതിയ സിനിമയിൽ മുഖ്യ വേഷമാണ് മേഘ്ന അവതരിപ്പിക്കുന്നത്

ചിരു ഒപ്പമില്ലാതെ കടന്നുപോകുന്ന രണ്ടാമത്തെ ജന്മദിനമായിരുന്നു മേഘ്‌നയ്ക്ക്. പ്രിയതമനൊപ്പമുള്ള ചിത്രവും വാചകവും പോസ്റ്റ് ചെയ്ത ശേഷം താനൊരു പുതിയ തുടക്കത്തിലേക്കു കാൽവയ്പ്പു നടത്തുന്ന  കാര്യവും മേഘ്ന കുറിച്ചു. 'എല്ലാ പ്രതീക്ഷകളും മങ്ങുമ്പോൾ, ജീവിതം നിശ്ചലമാകുമ്പോൾ, തുരങ്കത്തിന്റെ അറ്റത്ത് എപ്പോഴും ഒരു വെളിച്ചം ഉണ്ടാകും...

എന്നെ സംബന്ധിച്ചിടത്തോളം ആ വെളിച്ചം ചിരുവാണ്. തിളക്കമാർന്നതാകാൻ ആ വെളിച്ചത്തിലേക്കാണ് എന്റെ യാത്ര.' മേഘ്ന കുറിപ്പിൽ പറഞ്ഞു. കൂടാതെ അതിനുപിന്നാലെ രണ്ടുപേർക്കൊപ്പമുള്ള ചിത്രങ്ങളും മേഘ്ന പോസ്റ്റ് ചെയ്തു. അതിലൊരാൾ ചിരുവിന്റെ ആത്മമിത്രം കൂടിയായ സംവിധായകൻ പന്നഗഭരണയാണ്

'ഇതിനേക്കാൾ മറ്റൊരു ദിവസം മികച്ചതായിരിക്കില്ല, മറ്റൊരു ടീമിനും മികച്ചതാകാൻ കഴിയില്ല... ഇന്ന് നിങ്ങളുടെ ജന്മദിനമാണ്, ഇത് ഞങ്ങളുടെ സ്വപ്നവും... ഇത് നിങ്ങൾക്കുള്ളതാണ്! പന്നയില്ലെങ്കിൽ (പന്നഗഭരണ) ഞാൻ ഇതിനെക്കുറിച്ച് ചിന്തിക്കുമോ എന്ന് എനിക്കറിയില്ല... ഞാൻ ഇപ്പോൾ ശരിക്കും വീട്ടിലെത്തിയ പ്രതീതിയിലാണ് ... ക്യാമറ ... റോളിംഗ് ... ആക്ഷൻ!' മേഘ്ന മറ്റു ചിത്രങ്ങൾക്ക് നൽകിയ ക്യാപ്‌ഷൻ ആണിത്

ഭർത്താവിന്റെ പ്രിയ കൂട്ടുകാരന്റെ നിർബന്ധപ്രകാരം വീണ്ടും ക്യാമറയ്ക്കു മുന്നിലെത്തുകയായിരുന്നു മേഘ്ന. നേരത്തെ ചെറിയ തോതിൽ മേഘ്ന അഭിനയത്തിലേക്ക് മടങ്ങിയിരുന്നു

അന്തരിച്ച നടൻ ചിരഞ്ജീവി സർജയുടെ അടുത്ത സുഹൃത്തുക്കളിൽ ഒരാളാണ് സംവിധായകൻ പന്നഗഭരണ. കഴിഞ്ഞ സൈമ പുരസ്‌കാരദാന ചടങ്ങിൽ ഇദ്ദേഹവും അവാർഡ് ജേതാക്കളിൽ ഒരാളായിരുന്നു. 2020 ലെ മികച്ച സംവിധായകനുള്ള പുരസ്‌കാരമാണ് 'ഫ്രഞ്ച് ബിരിയാണി' എന്ന സിനിമയ്ക്ക് ഇദ്ദേഹം സ്വന്തമാക്കിയത്. പക്ഷെ പുരസ്കാരത്തെക്കാൾ ഏവരും ശ്രദ്ധിച്ചത് അദ്ദേഹത്തിന്റെ വസ്ത്രത്തെയാണ്

പന്നഗഭരണ ധരിച്ചിരുന്ന ബ്ലെയ്സർ ഒന്ന് സൂക്ഷിച്ചു നോക്കൂ. അതിലെ ബ്ലാക്ക് ആൻഡ് വൈറ്റ് ചിത്രങ്ങൾ ചിരഞ്ജീവി സർജയുടെ മുഖമാണ്. സ്വന്തം കൂട്ടുകാരനെ അക്ഷരാർത്ഥത്തിൽ നെഞ്ചോടു ചേർത്തായിരുന്നു പന്നഗഭരണയുടെ റെഡ് കാർപെറ്റ് എൻട്രി. ഇത് കണ്ട മേഘ്ന രാജിനും പറയാൻ ഒരു കാര്യമുണ്ടായിരുന്നു

ചിരു ഇത് ഇഷ്‌ടപ്പെടും. ഒരുപക്ഷെ 'മച്ചാ, നാൻ ഇദീനി ബിഡോ' എന്ന് പറയുമായിരിക്കും എന്നാണ് മേഘ്ന ഈ ചിത്രം ഇൻസ്റ്റഗ്രാം സ്റ്റോറിയിൽ പങ്കിട്ടുകൊണ്ടു പോസ്റ്റ് ചെയ്ത വാക്കുകൾ

മേഘ്ന രാജ് മകന്റെയൊപ്പം (ചിത്രം: ഇൻസ്റ്റഗ്രാം)

മേഘ്ന രാജും മകനും ചിരഞ്ജീവി സർജ്ജയുടെ ചിത്രത്തിനരികിൽ (ഇൻസ്റ്റഗ്രാം)

മേഘ്ന രാജ് മകന്റെയൊപ്പം (ചിത്രം: ഇൻസ്റ്റഗ്രാം)

മേഘ്ന രാജ് മകന്റെയൊപ്പം (ചിത്രം: ഇൻസ്റ്റഗ്രാം)

മേഘ്ന രാജ് മകന്റെയൊപ്പം (ചിത്രം: ഇൻസ്റ്റഗ്രാം)

മേഘ്ന രാജ് മകന്റെയൊപ്പം (ചിത്രം: ഇൻസ്റ്റഗ്രാം)