Samantha | സാമന്തയും നാഗ ചൈതന്യയും ഒന്നിച്ചഭനയിക്കേണ്ട ചിത്രം ഇനിയെങ്ങനെ? പോംവഴി തേടി സംവിധായിക

സാമന്ത റൂത്ത് പ്രഭുവിന്റെയും (Samantha Ruth Prabhu) നാഗ ചൈതന്യയുടെയും (Naga Chaitanya) വിവാഹമോചനം അവരുടെ വരാനിരിക്കുന്ന സിനിമാ പ്രോജക്റ്റിനെയും ബാധിച്ചതായി വിവരം. റിപ്പോർട്ടുകൾ വിശ്വസിക്കാമെങ്കിൽ, വരാനിരിക്കുന്ന ഒരു പ്രോജക്റ്റിൽ സാമന്തയും ചൈതന്യയും സംവിധായിക നന്ദിനി റെഡ്ഡിയുമായി സഹകരിക്കേണ്ടതായിരുന്നു. സാമന്തയുടെ രണ്ട് പ്രോജക്‌റ്റുകൾ സംവിധാനം ചെയ്ത നന്ദിനി - ജബർദസ്ത് (2013), ഓ! ബേബി (2019) — മൂന്നാം തവണയും സാമന്തയുമായി സഹകരിക്കാനായിരുന്നു പ്ലാൻ

നാഗ ചൈതന്യയെ നായകനാക്കാനായി ചർച്ചകൾ നടത്തി. എന്നിരുന്നാലും, ദമ്പതികളുടെ വിവാഹമോചനം പദ്ധതികൾ മാറ്റി മറിച്ചിരിക്കുകയാണ്‌ ഇപ്പോൾ. കഴിഞ്ഞ വർഷം ഒക്ടോബറിലാണ് സാമന്തയും ചൈതന്യയും വേർപിരിയുന്നതായി പ്രഖ്യാപിച്ചത്. തങ്ങളുടെ വേർപിരിയൽ അറിയിക്കാൻ ദമ്പതികൾ സോഷ്യൽ മീഡിയയിൽ സമാനമായ പ്രസ്താവനകൾ പുറപ്പെടുവിച്ചു. തുടർന്ന് സാമന്ത ഇൻസ്റ്റഗ്രാമിൽ ചൈതന്യയെ അൺഫോളോ ചെയ്തു (തുടർന്ന് വായിക്കുക)

വേർപിരിയലിന് പിന്നിലെ കാരണം അഭിനേതാക്കൾ രണ്ടുപേരും ഇതുവരെയും ചർച്ച ചെയ്തിട്ടില്ലെങ്കിലും, ടോളിവുഡ്.നെറ്റിന്റെ ഒരു റിപ്പോർട്ട് അനുസരിച്ച് അവരുടെ വിവാഹമോചനം സംവിധായിക നന്ദിനിയെ സാമന്തക്ക് പകരക്കാരിയെ തേടുന്നതിലേക്ക് നയിച്ചതായി അവകാശപ്പെടുന്നു

സാമന്തയും ചൈതന്യയും വേർപിരിയാൻ തീരുമാനിക്കുന്നതിന് മുമ്പ് സംവിധായിക ഒരു പ്രോജക്റ്റ് തയാറാക്കിയിരുന്നതായി പ്രസിദ്ധീകരണം അവകാശപ്പെടുന്നു. എന്നാൽ വേർപിരിഞ്ഞതിന് ശേഷം സാമന്തയും ചൈതന്യയും ഒരു സിനിമയിൽ ഒരുമിച്ച് അഭിനയിക്കാൻ തയ്യാറായിട്ടില്ല

“നാഗ ചൈതന്യയ്‌ക്കൊപ്പം നിൽക്കാൻ നന്ദിനി റെഡ്ഡി തീരുമാനിച്ചുവെന്നും സാമന്ത റൂത്ത് പ്രഭുവിന് പകരം സിനിമയിൽ നായികയായി അഭിനയിക്കാൻ കഴിയുന്ന ഒരു നടിയെ തേടുകയാണെന്നും അവർ പറയുന്നു. നന്ദിനി റെഡ്ഡിയുടെ ചിത്രത്തിൽ സാമന്തയ്ക്ക് പകരം ആരാകും എന്ന് കാത്തിരുന്ന് കാണണം," റിപ്പോർട്ടിൽ പറയുന്നു

കിംവദന്തികൾ പ്രചരിക്കുന്ന പ്രോജക്റ്റിനെക്കുറിച്ച് ഔദ്യോഗിക പ്രഖ്യാപനം ഉണ്ടായിട്ടില്ല. കൂടാതെ നന്ദിനിയും സാമന്തയും ചൈതന്യയും പ്രസ്തുത പദ്ധതിയെക്കുറിച്ചുള്ള റിപ്പോർട്ടുകളെ കുറിച്ച് സംസാരിച്ചിട്ടില്ല. നന്ദിനിയുമായി അടുത്ത ബന്ധമാണ് സാമന്തക്കുള്ളത്

കഴിഞ്ഞ മാസം സംവിധായകയുടെ ജന്മദിനത്തിൽ, സാമന്ത ഇൻസ്റ്റഗ്രാമിൽ ഒരു പോസ്റ്റ് പങ്കുവെക്കുകയും 2012 ൽ സാമന്ത വിഷാദവതിയായിരുന്നപ്പോൾ നന്ദിനി കൂടെ നിൽക്കുകയും ചെയ്തിരുന്നു