Prithviraj | ബ്രാൻഡഡ് ടി ഷർട്ടിന് പൃഥ്വിരാജ് നൽകിയ വില എത്രയെന്നറിയാമോ? ചർച്ചയാക്കി സോഷ്യൽ മീഡിയ

ഏറെ നാളുകൾക്കു ശേഷം പൃഥ്വിരാജ് വീണ്ടും ഷൂട്ടിംഗ് ദിനങ്ങൾ ആരംഭിച്ച വിവരം കഴിഞ്ഞ ദിവസം പോസ്റ്റ് ചെയ്തിരുന്നു. നേരത്തെ തന്നെ ഷൂട്ടിംഗ് ആരംഭിച്ച 'ഭ്രമം' എന്ന സിനിമയുടെ ബാക്കി ഭാഗങ്ങൾ കൂടി പൂർത്തിയാക്കാനുള്ള യാത്രാമധ്യേ പകർത്തിയ ചിത്രമാണ് പൃഥ്വിരാജ് പോസ്റ്റ് ചെയ്തത്

എന്നാലിപ്പോൾ ഏവരുടെയും കണ്ണുടക്കിയത് പൃഥ്വി അണിഞ്ഞിരിക്കുന്ന ഷർട്ടിലാണ്. ബിലെൻസിയാഗ എന്ന അന്താരാഷ്ട്ര ബ്രാൻഡിന്റെ ടി ഷർട്ട് ആണ് പൃഥ്വിരാജ് ധരിച്ചിരിക്കുന്നത്. പാരീസ് ആസ്ഥാനമായുള്ള ലക്ഷുറി ഫാഷൻ ബ്രാൻഡാണിത്. ഒന്ന് യാത്ര ചെയ്യാൻ വേണ്ടിത്തന്നെ പൃഥ്വി വാങ്ങിയ ഷർട്ടിന്റെ വില അത്ര നിസ്സാരമല്ല കേട്ടോ (തുടർന്ന് വായിക്കുക)

ഡോളറുകൾ എണ്ണി നൽകിയാണ് ഈ ടി ഷർട്ട് പൃഥ്വി സ്വന്തമാക്കിയത്. 'ബിലെൻസിയാഗ' ബ്രാണ്ടിന്റെ ഔദ്യോഗിക സൈറ്റിൽ ഈ ടി ഷർട്ടിന് നൽകിയിരിക്കുന്ന വില 595 ഡോളർ ആണ് അതായത് 44,266.51 രൂപ വില വരും

ഇതാണ് സൈറ്റിൽ കാണിച്ചിരിക്കുന്ന വില

മുൻപൊരിക്കൽ പൃഥ്വിരാജ് ധരിച്ച വാച്ചിന്റെ വില വാർത്തകളിൽ ഇടം നേടിയിരുന്നു. 2019ൽ സുപ്രിയ മേനോൻ സമ്മാനിച്ച വിവാഹ സമ്മാനമായ ഈ റിസ്റ്റുവാച്ചിന്റെ വില ഒരുലക്ഷം ദിർഹത്തിന് പുറത്തു വരും. ഇന്ത്യയിൽ അന്ന് 20 ലക്ഷത്തിനു മുകളിലായിരുന്നു വില

പൃഥ്വിരാജ്, ഉണ്ണി മുകുന്ദൻ, മംമ്ത മോഹൻദാസ് എന്നിവർ പ്രധാന വേഷങ്ങൾ ചെയ്യുന്ന ചിത്രം രവി കെ. ചന്ദ്രൻ ആണ് സംവിധാനം. ബോളിവുഡ് ചിത്രമായ 'അന്ധാധുൻ' റീമേക് കൂടിയാണ് എന്ന പ്രത്യേകതയുമുണ്ട്

ഒരു വർഷത്തിന് ശേഷമാണ് പൃഥ്വിരാജ് നായകനായ ചിത്രം റിലീസ് ചെയ്തത്. കഴിഞ്ഞ ദിവസം പുറത്തിറങ്ങിയ 'കോൾഡ് കേസ്' മികച്ച പ്രതികരണം നേടി ആമസോൺ പ്രൈമിൽ പ്രദർശനം തുടരുന്നു