അബ്രാം ഖാൻ ആര്യന്റെ രഹസ്യപുത്രനെന്ന പരാമർശത്തോടുള്ള ഷാരൂഖിന്റെ പ്രതികരണം സോഷ്യൽ മീഡിയയിൽ വീണ്ടും ശ്രദ്ധ നേടുന്നു
ഇളയ മകൻ അബ്രാം തന്റെ മൂത്ത കുട്ടി ആര്യന്റെ മകനാണെന്ന പ്രചാരണത്തിന് ഷാരൂഖ് ഖാൻ നൽകിയ മറുപടി സോഷ്യൽ മീഡിയയിൽ ശ്രദ്ധ നേടുന്നു
TED ടോക്കിനിടെ, ഇളയ മകൻ അബ്രാം തന്റെ മൂത്ത കുട്ടി ആര്യന്റെ മകനാണെന്ന് അവകാശപ്പെട്ട പ്രചരണങ്ങളെ ഷാരൂഖ് സധൈര്യം നേരിടുകയും ചെയ്തു. അബ്രാമും എസ്‌ആർ‌കെയുടെ രണ്ടാമത്തെ കുട്ടി സുഹാനയും തമ്മിൽ 12 വയസ്സിന്റെ പ്രായവ്യത്യാസമുണ്ട്. ആര്യൻ അബ്രാമിന്റെ പിതാവാണെന്ന പ്രചാരണത്തിന് ഷാരൂഖ് കൊടുത്ത മറുപടി കേട്ടോളൂ (തുടർന്ന് വായിക്കുക)
നാലുവർഷം മുമ്പ്, ഞാനും എന്റെ ഭാര്യ ഗൗരി ഖാനും മൂന്നാമത്തെ കുട്ടി വേണമെന്ന് തീരുമാനിച്ചു. 15 വയസ്സുള്ള ഞങ്ങളുടെ ആദ്യത്തെ മകന്റെ രഹസ്യപുത്രനാണ് ഇതെന്ന് നെറ്റിൽ പലരും അവകാശപ്പെട്ടു. പ്രത്യക്ഷത്തിൽ, റൊമാനിയയിൽ കാർ ഓടിക്കുമ്പോൾ ഒപ്പമുള്ള ഒരു പെൺകുട്ടിയോടൊപ്പം അവൻ തന്റെ തൃഷ്ണകൾ പങ്കിട്ടു എന്നും അതോടൊപ്പം അവർ വാദിച്ചു. അതിനൊപ്പം ഒരു വ്യാജ വീഡിയോ കൂടി ഉണ്ടായിരുന്നു
ബോളിവുഡ് സൂപ്പർതാരം ഷാരൂഖ് ഖാന്റെയും ഗൗരി ഖാന്റെയും മൂത്തമകൻ ആര്യൻ ഖാനെ മുംബൈ തീരത്തെ ക്രൂയിസ് കപ്പലിൽ നിന്ന് മയക്കുമരുന്ന് പിടികൂടിയതിനെ തുടർന്ന് നാർക്കോട്ടിക്സ് കൺട്രോൾ ബ്യൂറോ (എൻസിബി) അറസ്റ്റ് ചെയ്തിരുന്നു. കേന്ദ്ര ഏജൻസികൾ 23-കാരനായ ആര്യനെ ചോദ്യം ചെയ്യുകയും, വാട്ട്‌സ്ആപ്പ് ചാറ്റുകൾ പരിശോധിക്കുകയും ചെയ്തു
ഇന്ത്യൻ സിനിമയിലെ ഏറ്റവും പ്രശസ്തനായ ഒരു നടന്റെ മൂത്തപുത്രൻ എന്ന നിലയിൽ, 1997 ൽ ജനിച്ചതു മുതൽ ആര്യൻ കൗതുകത്തിന്റെ കേന്ദ്രമായിരുന്നു. പാപ്പരാസി സംസ്കാരം അക്കാലത്ത് സജീവമല്ലായിരുന്നു. അതിനാൽ തന്നെ എസ്‌ആർ‌കെയുടെയും ഗൗരിയുടെയും കുട്ടികളുടെ ജീവിതത്തിൽ പുറംലോകത്തിന് സസ്‌പെൻസും താൽപ്പര്യവും കൂടുതൽ ശക്തമാവുക മാത്രമാണ് ഉണ്ടായത്
ആര്യൻ തന്റെ പ്രശസ്തനായ പിതാവിന്റെ പാത പിന്തുടർന്ന് ബോളിവുഡിലേക്ക് എത്തുമെന്ന് പലരും പ്രതീക്ഷിച്ചിരുന്നു, എന്നാൽ ആര്യൻ ഇതുവരെ അഭിനയരംഗത്തേക്ക് പ്രവേശിച്ചിട്ടില്ല; പിതാവിന്റെ താരപദവിയിൽ സ്ക്രീനിൽ തെളിയുന്നതിനേക്കാൾ ക്യാമറയ്ക്ക് പിന്നിലുള്ള ജോലിയിലാണ് മകന് താൽപ്പര്യമെന്ന് എസ്ആർകെ പരാമർശിച്ചിട്ടുണ്ട്
സോഷ്യൽ മീഡിയയിൽ നല്ല ആരാധകരുണ്ടായിട്ടും ആര്യൻ ലൈംലൈറ്റിൽ തിളങ്ങാതെ മാറിനിന്നു. ആര്യന്റെ ഇൻസ്റ്റഗ്രാം പ്രൊഫൈലിന് നിലവിൽ 1.4 ദശലക്ഷം ഫോളോവേഴ്‌സ് ഉണ്ട്. കൂടുതലും അമ്മ ഗൗരി, സഹോദരി സുഹാന, സഹോദരൻ അബ്രാം, സുഹൃത്തുക്കൾ എന്നിവരോടൊപ്പമുള്ള ഫോട്ടോകളാൽ സജീവമാണ് ഈ പ്രൊഫൈൽ. തന്റെ സൂപ്പർസ്റ്റാർ അച്ഛനിൽ നിന്ന് വ്യത്യസ്തനായി, ഈ താരപുത്രൻ ലജ്ജാശീലനാണ്. പൊതുശ്രദ്ധയിൽ നിന്ന് സ്വയം അകന്നുനിൽക്കാൻ ആര്യൻ ഇപ്പോഴും ശ്രമിക്കാറുണ്ട്
ആര്യനെ ഉൾക്കൊള്ളുന്ന പ്രചാരണം നിരന്തരം ഉണ്ടായിരുന്നിട്ടും, അദ്ദേഹത്തിന്റെ വ്യക്തിത്വത്തെയും കരിയറിനെയും ചുറ്റിപ്പറ്റി ഇപ്പോഴും രഹസ്യസ്വഭാവമുണ്ട്. ആര്യൻ തന്റെ സ്കൂൾ വിദ്യാഭ്യാസം ലണ്ടനിലെ സെവനോക്സിൽ നിന്നാണ് നേടിയത്. ഈ വർഷം ആദ്യം സതേൺ കാലിഫോർണിയയിലെ സ്കൂൾ ഓഫ് സിനിമാറ്റിക് ആർട്സ് യൂണിവേഴ്സിറ്റിയിൽ നിന്ന് ബാച്ചിലർ ഓഫ് ഫൈൻ ആർട്സ്, സിനിമാറ്റിക് ആർട്സ്, ഫിലിം ആൻഡ് ടെലിവിഷൻ പ്രൊഡക്ഷൻ ബിരുദം കരസ്ഥമാക്കിയിരുന്നു
അധികമാർക്കും അറിയാത്ത ഒരു കാര്യമുണ്ട്. കരൺ ജോഹറിന്റെ കഭി ഖുഷി കഭി ഗമിലെ (2001) ബാലതാരമായിരുന്നു ആര്യൻ, ചിത്രത്തിന്റെ ഓപ്പണിംഗ് സീക്വൻസിൽ ജൂനിയർ ഷാരൂഖ് ഖാന്റെ വേഷം ചെയ്തത് ആര്യനാണ്. കരൺ ജോഹറിന്റെ കഭി അൽവിദ നാ കെഹ്ന (2006) യുടെ ഭാഗമായിരുന്നു ആര്യൻ. അതിൽ ഒരു രംഗത്തിൽ സോക്കർ കളിക്കുന്നത് ചിത്രീകരിച്ചെങ്കിലും അത് ചിത്രത്തിൽ നിന്ന് എഡിറ്റു ചെയ്തു മാറ്റുകയായിരുന്നു
ഖാൻ പിതാവിനൊപ്പം 2004 ൽ ആനിമേഷൻ സിനിമയായ ഇൻക്രെഡിബിൾസിൽ വോയ്‌സ്ഓവർ അരങ്ങേറ്റം കുറിച്ചു. ചിത്രത്തിലെ പ്രധാന കഥാപാത്രമായ ലജാവാബിന്റെ (മിസ്റ്റർ ഇൻക്രെഡിബിൾ) കഥാപാത്രത്തിന് എസ്ആർകെ ശബ്ദം നൽകിയപ്പോൾ, ആര്യൻ ചിത്രത്തിൽ മിസ്റ്റർ ഇൻക്രെഡിബിളിന്റെ മകൻ തേജിനായി (ഡാഷ്) ശബ്ദം നൽകി. ലയൺ കിങ്ങിന്റെ (2019) ഹിന്ദി പതിപ്പിൽ സിംബ എന്ന കഥാപാത്രത്തിന് അടുത്തിടെ ശബ്ദം നൽകി. ഷാരൂഖ് ഖാനും ചിത്രത്തിൽ മുഫാസയ്ക്ക് വേണ്ടി ശബ്ദം നൽകി
