കൊറോണക്കാലത്തെ പെടാപ്പാട് കുട്ടിപ്പട്ടാളത്തിനേ അറിയൂ; വീട്ടിലിരിപ്പ് ആഘോഷമാക്കി താരപുത്രന്മാരും പുത്രികളും

സിനിമാ ഷൂട്ടിംഗ് നിർത്തി വച്ച അവസ്ഥയിലാണ് താരങ്ങൾ പലതും. അതുകൊണ്ടു തന്നെ പലർക്കും വീട്ടിൽ തന്നെ ചെലവഴിക്കാനുള്ള സമയം പതിവിലും അധികമായി ലഭിച്ചിട്ടുണ്ട്. അതേ സമയം തന്നെയാണ് സ്‌കൂളുകൾ അടച്ചതും, അതിന്റെ ഫലമായി കുട്ടിപ്പട്ടാളങ്ങൾ വീട്ടിലിരിക്കുന്ന സ്ഥിതിവിശേഷമുണ്ടായതും. ഇപ്പോൾ മക്കൾക്കൊപ്പമുള്ള സമയം ചിലവിടുന്നതെങ്ങനെ എന്ന് പ്രേക്ഷകരുമായി പങ്കിടുകയാണ് പ്രിയ താരങ്ങൾ

ഇന്ദ്രജിത്-പൃഥ്വിരാജ് സഹോദരന്മാരുടെ മക്കളാണ് ഈ ചിത്രത്തിൽ. ഇന്ദ്രജിത്തിന്റെ ഇളയമകൾ നക്ഷത്രയും പൃഥ്വിരാജിന്റെ മകൾ അല്ലി എന്ന അലംകൃതയും. ചായപെന്സിലുകൾ കൊണ്ടാണ് ഇവർ സമയത്തെ കൂട്ടുപിടിക്കുന്നത്. സുപ്രിയ മേനോൻ പങ്കിട്ട ചിത്രമാണിത്

മക്കളായ പ്രാർഥനക്കും നക്ഷത്രക്കുമൊപ്പം വൃത്തിയാക്കൽ യജ്‌ഞം നടത്തുന്ന പൂർണ്ണിമയാണ് ഈ കാണുന്നത്. വീഡിയോ സ്ക്രീൻഷോട്ട്

സ്കൂൾ എന്തെന്ന് മനസ്സിലാക്കാൻ പോലുമുള്ള പ്രായമായിട്ടില്ല കുഞ്ചാക്കോ ബോബന്റെ മകൻ ഇസക്ക്. ഒരു വയസ്സ് തികയാൻ കാത്തിരിക്കുന്ന ഇസ പക്ഷെ തന്റെ കളിപ്പാട്ടങ്ങളുമായി വിശ്രമ വേളകൾ ആനന്ദകരമാക്കാൻ പഠിച്ചു കഴിഞ്ഞു

അച്ഛന്റെ തോളത്ത് കയറി ആഹ്ളാദത്തിമിർപ്പിലാണ് വിനയ് ഫോർട്ടിന്റെ മകൻ വിഹാൻ

അച്ഛമ്മക്കൊപ്പം പുളിങ്കുരു നിരത്തിക്കളിക്കുന്ന സംഗീത സംവിധായകൻ ബിജിബാലിന്റെ മക്കളായ ദയയും ദേവദത്തും