Unni Mukundan weight loss | 93 കിലോയിൽ നിന്നും ഇതുവരെ; വെയ്‌റ്റ്‌ലോസ് ഘട്ടങ്ങളുടെ ചിത്രങ്ങളുമായി ഉണ്ണി മുകുന്ദൻ

മേപ്പടിയാനിലെ ജയകൃഷ്ണന് വേണ്ടി സിക്സ് പാക്ക് വെടിഞ്ഞ് തടികൂട്ടിയതിന്റെ സങ്കടം ഉണ്ണി മുകുന്ദൻ ഒരു നീണ്ട പോസ്റ്റിലൂടെ പറഞ്ഞതാണ്. മാത്രവുമല്ല ഷൂട്ടിംഗ് തുടങ്ങാൻ വൈകിയതോടെ ആ അവസ്ഥയിൽ തന്നെ മാസങ്ങളോളം തുടരേണ്ടതായും വന്നു

ശരീരത്തെ പൊന്നുപോലെ പരിപാലിച്ചുപോരുന്ന ഉണ്ണി അതോടു കൂടി 93 കിലോയിലെത്തി. എന്നാൽ ഷൂട്ടിംഗ് കഴിയേണ്ട താമസം, ഉണ്ണി നേരെ ജിമ്മിലെത്തി. കഠിന പ്രയത്നം കൊണ്ട് അന്ന് കൂടിയ 93 കിലോയിൽ നിന്നും 77 കിലോയിലേക്കു ഉണ്ണിയുടെ ശരീരഭാരം കുത്തനെയിറങ്ങി. സിക്സ് പാക്കും മടങ്ങിയെത്തി. ആ ചിത്രങ്ങളുമായി ഉണ്ണി ഇതാ എത്തിക്കഴിഞ്ഞു (തുടർന്ന് വായിക്കുക)

കഥാപാത്രത്തിനായി ഏതറ്റം വരെയും പോകുന്ന ആളാണ് ഉണ്ണി. മലയാള സിനിമയിൽ അതുകൊണ്ടു തന്നെ ആക്ഷൻ ഹീറോ വേഷങ്ങളിലേക്ക് വളരെ ചുരുക്കം നായക നടന്മാരേയുള്ളൂ താനും. അതിലൊരാളാണ് ഉണ്ണി മുകുന്ദൻ

ശരീരഭാരം വർധിപ്പിച്ചതിനെ കുറിച്ച് ഉണ്ണി പറഞ്ഞ വാക്കുകൾ ഇതാ ഒരിക്കൽക്കൂടി കേൾക്കാം: 'മാമാങ്കത്തിലെ യോദ്ധാവിന്റെ വേഷം ചെയ്യുമ്പോഴാണ് മേപ്പടിയാനായി ഞാൻ വാക്ക് കൊടുത്തത്. മാമാങ്കം കഴിഞ്ഞതും ഞാൻ ആരോഗ്യദൃഢഗാത്രനായിരുന്നു. എന്നാൽ മേപ്പടിയാനിലെ ജയകൃഷ്ണനാവാൻ അത് ആവശ്യമില്ല എന്ന് മേപ്പടിയാൻ സംവിധായകനും സംഘവും എന്നെ അറിയിച്ചു...

'അക്കാര്യം വളരെ സങ്കടകരവും അതേസമയം വെല്ലുവിളി നിറഞ്ഞതുമായിരുന്നു. ആരോഗ്യകരമായ ജീവിതശൈലിയും ശരീരവും ഉപേക്ഷിക്കുക എന്നത് എനിക്കൊരു പേടിസ്വപ്നമായിരുന്നു. എന്നാൽ നല്ലൊരു ചിത്രത്തിനായി കടുത്ത ചിന്താഗതി വച്ച് പുലർത്തുന്നത് അതിലും മോശമാണ്...

'മേപ്പടിയാനും ജയകൃഷ്ണനും വേണ്ട ചിന്താഗതിയും ശരീരഭാഷയും സൃഷ്‌ടിക്കാൻ മറ്റൊരു ജീവിതരീതി തന്നെ വേണം എന്ന് ഞാൻ എന്നെത്തന്നെ പറഞ്ഞ് മനസ്സിലാക്കി. ഈ സിനിമ ചിത്രീകരിക്കുമ്പോൾ 93 കിലോ ഭാരമുണ്ടായിരുന്നു...

'ചില സിനിമകൾക്കും കഥാപാത്രങ്ങൾക്കും ആരോഗ്യദൃഢഗാത്രമായ ശരീരം പോരായ്മയായി കണക്കാക്കാറുണ്ട്. അങ്ങനെയുള്ളപ്പോൾ ജോലി നഷ്‌ടമാവാതിരിക്കാൻ ഇത്തരം രീതികൾ അഭിനേതാക്കൾ ആശ്രയിച്ചു പോകാറുണ്ട്..."

വെയ്റ്റ് ലോസ്സിനു ശേഷമുള്ള ഉണ്ണി മുകുന്ദൻ

വെയ്റ്റ് ലോസ്സിനു ശേഷമുള്ള ഉണ്ണി മുകുന്ദൻ

വെയ്റ്റ് ലോസ്സിനു ശേഷമുള്ള ഉണ്ണി മുകുന്ദൻ